نروح لراشد اللي من شهور يتريا هاللحظه عشان ينفرد بنفسه
راشد يرمس عمره: مرت شهور اكيد بكون ف عالم النسيان مهما اعتذرت ومهما سويت
مسح عراسه بتعبت فتح تلفونه : مب غلط الواحد يحاول
دخل الواتساب وكتب: طرشيلي رقمج الحين !!
... : ؟!
راشد: الحيين قلت
...: .....
راشد فز قلبه ما توقع انها ترد عليه حتى وبهالسرعه هاي
يلس ع وحده من الصخور مجابل النافوره واتصل
الطرف الثاني رد بس ما تكلم
راشد : مرحبا ؟
..: بدون رد
راشد : ادري اني غلطان والله بس ليش كل هالجفا؟ حتى الترحيب ما تردين عليه
..: شو تبغي ياراشد ؟! توك تذكرت اني حيه؟
راشد غمض عيونه: لو دقايق بس دقايق ابا اشوفج من بعدها مسحيني من حياتج ولا بقول شي اعتبريني محد فهالوجود
..: انت وين؟
راشد : من تدخلين المرين بتشوفيني عند النافوره
..: انا ف اوبريولينقر جان بتي
راشد عرف انها قاعد فالكوفي المشهور ويعرف انه ممزور شباب بس ماله حق يرمس : زين
سكر بدون لا يرد بكلمه ،نش من محله عشان يروح للمكان اللي قالتله عنه
نروح ل مزنه ومحمد
مزنه يلست ع اقرب كرسي شافته : تعبت ريولي ما يشلني انت ما تعبت؟
محمد : ييهاء بعدنا مامشينا وتعبتي
مزنه حوط ورد عليه جان فيك هبه
قعد محمد عدالها وتمو ساكتين
مرو جدامهم يهال راكبين سياكل ووراهم امهم بالسيكل بعد
سلامه لعيالها : شوي شوي لا تسرعون علي لا تتقرب عالشارع
علي وقف ولف ع امه: ماما بعيييدد
سلامه : لا مب بعيد انت وايد تتقرب عالشارع خلاص نرجع
علي تافف : ماما بس لين اخر الشارع صح زوزي؟
اليازيه: هيه ماما انتي تمي هنيه نحن بنروح وبنرجع
سلامه نزلت من السيكل ووقفت عداله : زين
ما انتبهت لمحمد ومزنه بس هم كانو منتبهين خاصه مزنه
مزنه تصاصر محمد : جميييله ما يبين انها امهم
محمد : حووه! انتن البنات ماعنددكن وقت للحش
مزنه اطالعه بنظره : قلت جميله ما حشيت - ردت اطالعهم وابتسمت لسلامه لانها طالعتهم
سلامه : السلام عليكم
محمد وقف عقب ما رد السلام وابتعد شويه عنهم عشان تقعد ترتاح
يلست مكانه سلامه
مزنه شحالج؟؟
سلامه: بخير ربي يسلمج انتي شحالج؟
مزنه بعدها مبتسمه: يسرج الحال ، من وين فديتج؟
سلامه وعينها ععيالها : الغاليه من دار الزين وانتي
مزنه وعينها ع محمد : تشرفنا ، من العين ياغير ساكنين ف بوظبي لين تخلص الصيانه
سلامه لفت عليها وابتسمت: يا مرحبا مليون
مزنه: ربي يحفظهم لج ولابوهم
سلامه : امين الغاليه -شافت عيالها ردو ف نشت من مكانها عشان يردون
مزنه : مطولين هنيه ؟
سلامه : باقيلنا اسبوع ونص عطيني رقمج عشان نتلاقى ف يوم ثاني قبل لا نرد البلاد
تبادلن الارقام وروحت عنهم
رد محمد لمزنه : يلا نشي عشان نرد
مزنه : بنرد المرين ابا اكلي شي يعت
محمد : يلا انزين
توقعات:
شو سبب خصام راشد والمجهوله؟
شو اللي ف قلب محمد ؟!
هل بيتلاقون قوم مزنه واخوهم راشد ولا ؟
+البارت الياي بنعرفكم اكثر على ابطالنا واعمارهم
