لمه عصر الجمعه مهمه بالنسبه للجميع لمه العايله وصله الرحم..
ف ميلس الحريم الحشره المعتاده بينهم وسوالف الأسبوع كله
شله البنات المسميات شلتهم " المزايين"
اسما: شرايكن بمغامره دام الجو حلو؟
الريم : خبله انتي ؟ هب فالعزبه نحن وين تبين نسوي المغامره مثلا؟
اسما: خلج ايجابيه تكفي الثنويه لاعبه ف امنا !
غايه : ماشي غير سطح البيت هو المغامره المتوفره حاليا
الريم: خذن الخبله الثانيه
اسما: فووقه
نشن كل وحده منهن تسحب عمرها عشان محد يحس فيهن الا الريم هزت راسها بعدم ارتياح للفكره تدعي ربها بالسلامه
حصه وايجت من الباب الخلفي اللي طلعن منه وهي تاشر لغايه انها تتبعهن
الريم هزت راسها ب لا
حصه بعصبيه ردت عادت حركتها
الريم استغفرت ربها بهمس ونشت قبل لا توصل للباب سمعت الصوت اللي ما بغت تسمعه فهاللحظه
ام صالح وديمه : وين بها؟
الريم بتوتر صدت لامها : الحمام فديتج عقب بنقعد نسولف خاري حشره هنيه
وديمه قبل لا تصد عنها : زين
تنفست بصعوبه وسمت بالرحمان وتبعت خوياتها
رقن الدري بقلب اسما يرقع من الخوف الدري عالي وملتوي كل ما ترتفع تحس ان الأرض ادور مع ذلك ما وقفها الخوف كملت ترقاه معاهن اما الريم ما خافت من المرتفع كثر ما خافت ان حد من خوان غايه يظهر من الميلس المجابل يشوفهم او يحسون بهم
نروح لميلس الرياييل اللي كانت الصدعه " الحشره" اقل من ميلس الحريم بشوي
سليّم دنى ع ابوه : ابويه رمس عمي الحين دام الكل هنيه
خادم صد عليه: انت متاكد انك تبا بنت عمك برضاك هب لان امك قايلتلك ؟
سليّم ابتسم: اباها من خاطريه
خادم عدل يلسته وعينه ع اخوه: اخويه غدير ولا هانو ااسامعين بغيت ارمسك والكل شاهد بغينا بنتك االريم لولدك سليّم..
غدير بعدم تردد : هاي الساعه المباركه والنعم الساع بالقرب ماراحت البنت بعيد بيتها الثاني
خادم ببتسامه : نقول مبروك؟
غدير : انشالله ياغير لازم نشاورها فالاخير حياتها
خادم هز راسه بايجابيه كذلك سليّم لكن بعده فيه خوف من رفضها له
......
غربت الشمس الدافيه ، بدت الاجواء تبرد مع غروبها.. شل بصوته العذب تخلله نبره الحزن:
انت سيـدي وانت سلطانــي
وانت روحـي والنصخ انته
لو عطونـي ملك طهرانــي
و الريـاض و فوقهــن جــده
عن هــواك اصبر فلا كانــي
دام بــاجـي ف العمـــر بـده
"حمد بن سوقات"
حس بحزن خوي دنياه لكن مابيده حيله غير انه يطمنه مهما صار بيتم ع نفس دربه واليد بااليد ورد عليه:
مــثل لي صابك انا يانــي
مر بـي في جــزره و مــده
المــوده لي لها شانــي
تشـغل المشــتاق و اتــحده
يا حــمد واضـب و لا توانــي
في خشــوع الحــب ولـك سعــده
"رد الشيخ زايد بن سلطان آل نهيان على الشاعر حمد بن سوقات"
خذ نفس عميق يجمع الباقي من نبره الحزن اللي طغت عالجو طلع الحزن من صدره كانها اخر أنفاسه..
سرور وعيونه عالفراغ المحيط فيهم : من زمان ما تيمعنا كلنا دقلهم خلهم ايون بنسولف وبنقصر الدوب شوي
مبارك التفت لسرور: انشالله بس تحس بيتمعون الحين
سرور : ماعليك الرغود بيون فأي وقت
مبارك قبض تلفونه ودق لربعه وقالهم عن المكان وهو المكان والملاذ اللي كلهم يعرفون مكانه
سرور ابتسم : ما قلتلك يلبون النداء الوقت اللي تباه
مبارك ضحك ع جملته : الرغوود
ضحكو عالكلمه اللي تعنيهم كلهم من ضمنهم سرور ومبارك
توقعاتكم:
شو تتوقعون بتكون نهايه مغامرت المزايين؟
هل بتوافق الريم ع سليّم ولا ؟
شو اللي فقلب سرور اللي خلاه فهالحزن ؟!
