اسلامي حياتي ❤

شرح الصلاه بطريقه سهله

*شرح الصلاة بطريقة مبسطة💜*

1_ هتكبري تكبيرة الإحرام "الله أكبر"
هترفعي إيديك عند مستوي كتفك أو عند مستوي ودنك ومش لازقين فيهم لا بعيد عنهم.

2_ تحطي الكفين فوق بعضهم عند موضع الصدر كدا ويكون الصباع الصغير لإيدك اليمين على معصم إيديك الشمال "العضمة الصغيرة "

3_نبدأ ونقول دعاء الاستفتاح *"سبحانك اللهم وبحمدك وتبارك اسمك وتعالى جدُّك ولا إلـٰه غيرك"*
*أو أي دعاء إستفتاح حفظاه*

4_ اقرئي الفاتحة وبعدها أي سورة حفظاها وعينك تكون باصة عند موضع السجود..
*القراءة فى الضهر والعصر سرية مش بتعلي صوتك بالقراءة يعني وفي صلاة الفجر وفى أول ركعتين من المغرب والعشاء جهرية بتعلى صوتك في القراءة زي مابنسمع فى المساجد"*

بعدين تقولي الله أكبر عادي زي ما وضحنا وتكون الصوابع مضمومة..

5_ بعد كدا إنزلي للركوع أمسكي الركبة وتكون الإيد مفتوحة بين الأصابع يعني مش مضمومة..

- في الركوع بتقولي سبحان ربي العظيم ثلاث مرات
*في الركوع الظهر مفرود وتنظري إلى موضع السجود والرأس مش مرفوعة أوي ولا نازله خالص مفرودة مع مستوى الظهر، والإيد تكون بعيدة عن الجسم ومش مفروده مقوسة*

6_ وبعدين تقومي من الركوع ترفعي إيديك عادي وتكبري *"ماتعمليش وضع الدعاء ولا تبصي لفوق لا يجوز"* تحطي إيديك فوق بعضها عادي أو تحطيها جمبك وتقولي *سمع الله لمن حمده ربنا ولك الحمد حمدًا كثيرًا طيبًا مباركًا فيه"*

بعد كدا هتكبري تقولي الله أكبر وتنزلى للسجود من غير ما ترفعي إيديك
هتنزلى بإيديك علي  الأرض وتكون بردو فـ مستوي الكتف أو الأذن *"وانتِ ساجدة"* والصوابع مش مفتوحة أوى ولا مضمومه أوي ..
ورجلك من ورا تكون جنب بعض وصوابع رجلك في إتجاه القبلة

وتكون أطراف جسمك كلها لامسة الأرض يعني جبهتك وأنفك وصوابع إيدك وصوابع رجلك وركبتك يكونوا لامسين الأرض
وتقولي *سبحان ربي الأعلى ثلاث مرات*
وادعى زي ما انتِ عايزه بـ أي شئ
*بين السجدتين بتقولي ربي اغفرلي ثلاث مرات*
أو تقولي *اللهم اغفر لي وارحمني واهدني واجبرني وعافني وارزقني*

-القيام للركعه الثانيه *"بتكبري بس مش بترفعي إيديك"*
تقولي الله أكبر وتحطي إيديك فوق بعضها وتقولى الفاتحة وسورة والركوع والسجود وبعد السجود التشهد الأوسط "نص التشهد الأخير"
وبترفعي صباع التشهد وانتِ بتقوليه ومش شرط تحركيه *وتنظري لصباع التشهد الأجر بيزيد*
*وإنتي قاعدة بتقولي التشهد الأوسط دا بتكون إسمها جلسة التورك هبعتلك صورة بتكون إزاي*

7_القيام للركعة الثالثة *"ترفعي إيديك وتكبري"*
بتقولي الفاتحة *فقط*
وتركعي وتسجدي عادي زي ما قولنا

وأنتِ قايمه للركعة الرابعة *"مش بترفعي ايديك بتقولي الله اكبر بس"*
كدا عند القيام للركعة التانيه والرابعه مش بترفعي إيديك في التكبير *"عشان الناس الـ بتتلغبط فى مواضع رفع اليدين"*
وتقرئي الفاتحة *فقط*
وتركعي وتسجدي وتقولي التشهد كامل *التحيات لله والصلوات والطيبات السلام عليك أيها النبي ورحمة الله وبركاته..السلام علينا وعلى عباد الله الصالحين..أشهد أن لا إله إلا الله وأشهد أن محمدًا عبده ورسوله.. اللهم صلِّ على محمد وعلى آل محمد كما صليت على إبراهيم وعلى آل إبراهيم إنك حميد مچيد.. اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مچيد*
وبعد التشهد بتقولي الدعاء دا *"اللهم إني أعوذ بك من عذاب القبر ومن عذاب جهنم ومن فتنة المحيا والممات ومن فتنة المسيح الدجال"*
وبعدها إدعي بـ أي دعاء تاني بيكون مستجاب ..

8_آخر حاجة التسليم تحركى رأسك يمين السلام عليكم ورحمة الله والشمال كذلك ومش بتهزي رأسك في النص بينهم .
*وإنتِ قاعدة الجلسة الأخيرة دي بيكون إسمها جلسة الإفتراش هبعتلك صورة بتكون إزاي*

*الأهم بقا إنك تعملى الأركان دي بطمأنينه و تديها حقها ومتسرعيش في الصلاة، الاطمئنان ركن*

*وصلاة الفجر بتكون ركعتين والظهر والعصر والعشاء أربع ركعات التشهد الأوسط يعني نص التشهد الأخير بيكون بعد الركعة التانية زي ما قولت فوق والمغرب بيكون ثلاث ركعات*

*الداعية الصغيرة*🤭♥👑🌼