اسلامي حياتي ❤

وأنت بتصلي

"وأنت بتصلي " 💙

حاجات منهم انا شخصياً كنت بغلط فيها لما قرأت كتير عن الصلاه الصحيحة لقيت ان تقريباً بصلي غلط !!!! والحمدلله صلحت كتير

1- علشان كتير مننا بيدخل فى الصلاه على طول بدون أدعية إستفتاح

عايزين نتعلم دعاء واحد على الأقل نستفتح بيه الصلاه

هعرض عليكم ٤ أدعية  وكل واحد يختار إللي يحبة🌸:

اللهم باعد بيني وبين خطاياي كما باعدت بين المشرق والمغرب، اللهم نقني من خطاياي كما ينقى الثوب الابيض من الدنس، اللهم اغسلني بالماء والثلج والبرد.

(ودا كان دعاء النبي"صلى الله علية وسلم" فى الاستفتاح)

سبحانك اللهم وبحمدك، وتبارك اسمك، وتعالى جدك،ولا إله غيرك.
(ودا أحب الكلام الى الله 🌸)

الله أكبر كبيراً والحمد لله كثيراً وسبحان الله بكرة وأصيلاً.
(استفتح به رجل من الصحابة  فقال صلى الله عليه وسلم:

عجبت لها !فتحت لها أبواب السماء.🌸)

_الحمد لله حمداً كثيراً طيباً مباركاً فيه.

(استفتح به رجل آخر  فقال  صلى الله عليه وسلم:
لقد رأيت اثني عشر ملكاً يبتدرونها أيهم يرفعها )

2-الفاتحه بيتقرأ سورة جمبها في اول ركعتين بس وباقى الركعات الفاتحه بس.

3- بتبُصِ ف موضع السجود وانتِي واقفه وفي مستوى نظرك وانتِي راكعه وعلي صوبع التشهد وانتيِ بتقولِي التحيات مش بنبص في اى حته.

4- البنت لما تصلى إمام للبنات بتقف ف النص مش زى الرجاله على الشمال او الامام ودي معرفتهاش الا لما بقيت انزل المسجد  واتحطيت في موقف في يوم واكون امام للصحبة الصالحة

5-الدعاء في سمع الله لمن حمده مش ربنا ولك الحمد والشكر خالص دى بدعهmade in egypt ولكن ربنا ولك الحمد حمدا طيبا كثيرا مباركا فيه

6-بعد الصلاه الملائکه بتدعيلك فمتستعجليش وتقومى وقولى اية الكرسى ودعاء ربى اعنى على ذكرك وشكرك وحسن عبادتك او اللهم انت السلام ومنك السلام تباركت يا ذا الجلال والاكرام واذكرى الباقيات الصالحات33مره.

7-بين السجدتين الناس بيقولوا حاجه كده هى ربى اغفر لى 3مرات او ربى اغفر لى وارحمنى وارزقنى واهدنى.

8-ف سجدتين سهو لو نسيتى حاجه ف الصلاه لو شاكه بالنقص والشك قبل السلام بعد التحيات لو شاكه انك زودتى ركعات بتسلمى وتسجديهم وترجعى تسلمى تانى.

9-السنن مش حاجه ملهاش لازمه او حاجه اضافيه انتى هتحتاجيهم جدا يوم القيامه لما يعوضوا نقص الفرض ونقص الصلاوات التى انت مش فاكره صلتيها ولا لا

10-رفع الأيد له 4 مواضِع .

1) إرفعي إيديكي وأنتيَ بتقولي تكبيرة الإحرام
2) إرفعي إيديكي وأنتي بتنحني للركوع
3) إرفعي إيديكي وأنتَي بترفعي من الركوع .. و أنتَ بتقول سمع اللّٰه لمن حمده يعني
4) إرفعي إيديكي بعد التشهد الأوسط .. يعني وأنتيَ طالِعه للركعه الثالثة ..! 🌸

غير كده مش ترفعي إيديك تاني ..!!