اسلامي حياتي ❤

حمله عمرك

- الحملة دي #حملة_عُمرك ؛ يعني تآخد عهد على نفسك انك تستمر عليها لحد آخر يوم في عمرك ان شاء الله 😍

- الجميل ان الموضوع بسيط جداً واي حد مهما كانت مشاغله هيقدر يواظب عليه 😀

- اي حد شاف الكلام ده فهو جاله رزق عظيم لحد عنده وفرصة كبيرة جداً في حياة نظيفه ومريحة نفسياً ؛ فاللي هيكسل هيبقي خسر كتير 😐

- كل ما تعرف غيرك بالحملة دي وتنشرها كل ما اجرك يتضاعف لملايين من الحسنات كل ليلة وانت في مكانك 😎

طيب كفاية كده مقدمات ونقول بقى هيا عبارة عن ايه ؟! 🤔

حملتنا دي لعلاج اكتر من مشكله :
* مشكلة الـ Over thinking الشهيرة 😂 .
*مشكله النفس الأمارة بالسوء .
*مشكلة الكسل عن الطاعات .
*مشكلة الاكتئاب .
*مشكلة تحكم الشيطان فيك .
*مشكلة الانتكاسة والوقوع في الذنوب . 

#الحملة_عبارة_عن_ايه ؟!

عبارة عن #عبادات هنعملها :-

#بشكل_ثابت_يومياً

#في_وقت_ثابت_يومياً

#بعدد_ثابت_يومياً

وفيه غرض مهم جداً لثبات الوقت والكمية والكيفية هنعرفه في الآخر !

#العبادات_هي :
- قراءة صفحة واحدة من المصحف بالترتيب.
- 100 استغفار.
- 100 صلاة علي النبي.
- ركعتين قيام ليل.

#الوقت_إمتي ؟!
*قبل النوم مباشرة
تصلي ركعتين قيام وتقرأ صفحة قرءآن وتستغفر وتصلي علي النبي 100 مرة علي مسبحتك.

طب ايه الفكرة من انها قبل النوم ؟!

اولا وقت ما قبل النوم ده معروف بإنه بيضيع في حاجة من الاتنين !
(( معصية - او تفكير زائد )) !!

والدماغ البشريه بتفضل تفكر في اخر حاجة كنت بتعملها قبل النوم ؛ فلو انت فكرت في همومك قبل النوم هتفضل دماغك تفكر فيها طول فترة النوم فتقوم وانت مكتئب مهموم مش عايز حتي تقوم ولا فيك طاقة !
لكن لو في الوقت ده قرات آية أراحت قلبك قبل نومك فده بيعظم تأثيرها علي قلبك وتبقي طول مانت نايم دماغك بتحلل وتشتغل علي المعني الجميل ده ؛ فإحساسك طول اليوم لما تصحي هيبقي مختلف جداً وعن تجربة.

#طب_ليه_العدد_ثابت ؟!
لان احب الأعمال إلى الله أدومها وإن قلت !
ولإن ثبات أي شئ بتعمله بيخليه وكإنه #جزء_من_يومك لا يكتمل الا بيه !
وعشان الشيطان بيدخل للانسان من ثغرات #الكسل ؛ واحنا عاوزين نقضي علي الثغرة دي نهائياً.

#طب_ايه_اللي_هيختلف_في_حياتي ؟!

شايف كل المشاكل اللي فوق دي ! 🙄
هتبقي من أصعب الاحتمالات انها تحصلك ولو حصلت هيبقي بسبب #إهمالك في الخطوات ؛ بس هيبقي عندك علاجها #الفوري !

بالنسبة للناس اللي مثبتة وِرد قرءآني وذِكر يومي ؛ بردوا هيعملوا كده معانا ان شاء الله 😀

الناس اللي شافت الكلام ده اوعوا تطنشوا ؛ عرفوه للجميع وخلونا ناخد ثواب ناس هتفضل طول عمرها تعمل بنصيحتك وهما كمان هيعرفوا غيرهم وهكذا 😍😍