#روايـــــــة
#أنــــت_مُـنقــــذي 🌸♥️
< الــبــارت الـــســادس > :
************************
روحت للحوش :
خشيت لدوش ونسيت حوايجي برا 🤦🏻♀️
هففف لبست المنشف وطلعت بيهه لدار
ادم كان ياخد في حوايجه ولما سمع صوت تلفت وشافني نجفف في شعري قمت راسي لقيته قدامي
انا : هييي بسم الله خلعتني ،
ادم : بلع ريقه وقعد يشبحلي كنت لابسه" الفوطة ولا المنشف لنص فخاذي "
انا رعششت مع بعضي وقعدت مصدومه ونشوفله
ادم : ارتبك : ءءء
انا : شاده روحي ونبكي خشيت بسرعه للحمام وسكرت عليا وادم طلع مستغرب
قعمز ع الفراش في الصالة : مهبولة ؟ ولا شن قصتها
معقولة ماجانيش فضول نكلمها حتى لينا اسبوع ؟
نسى كل شيء لما اتصلت بيهه هبه ♥️
هبه : وينك عطلت
ادم : قاعد ياحبي غر كنت جنب امي لوطة
هبه : امم استاحشتك
ادم : انا اكثر ياقلبي
وقعدو يهدرزو *
اما انا فـ قعمزت ع السرير نبكي ونذكر هديكا الليلة 💔
اللي فيها صار اكبر ظلم ليا 💔 قعمزت نبكي ونبكي
لين فشيت مافي خاطري لبست ثوب الصلاة وطلعت
للمطبخ
سمعته يتكلم نحسابه يدوي بروحه لكن هوا لاا
ادم : خلاص اسس خليك ع خط وارقدي هيي
هبه : نحبك
ادم : نموت فيكك
انا اهني صارتلي صدمة 😳
رقد ادم وانا مشيت بسرعه للمطبخ وانا ناااادمة لان عرفت السر اللي مخليه تعيس 💔 بس ياربي زعما هي تعرف ان ادم اغتصبني 💔 ولا
ومن هي اللي يكلم فيها ؟؟؟
اففففف ترتيل خليك في همك ناقصهه انتي
لكن ياربي فضولي بيقتلني
حطت ترتيل الطاسة ع الطاولة وطلعت لصاله
لاقت تلفون ادم مفتوح اول ماشديته وانصدمت صورت بنت 😳 ياربي هااادي نفسها متع ليلة العرس
مسكينه وجعتني ربي يصبرها 💔 لو نقدر نوصل فيها ونفهمها ان انا بنطلب الطلاق
حطيت يدي ع قلبي " لا ياربي شن الطلاق كيف بندير في روحي ؟
انهيت كل هالافكار اللي ولت جزء من حياتي ورديت الفون لادم وطلعت بسرعه لداري
قعمزت ع السرير وانا نفكر ونفكر ونفكر
وكالعاده انهيت تفكيري بـ النوم ..
********************************
ريم : صباااااح الخيييرر
عبدالله : ههههه صباح الورد
رنيم : بابا اليوم نبو فلوس انا وريم
عبدالله : حاضر
سمية : من بيرفعكم كلمتوا مؤمن
ريم : شافت لبوها : لالا هذا اختصاص بابا 🌝😂
عبدالله : هههههه اهو تو يجي ادم ونقوله يرفعكم ويرفع مرته
اما انا نضت دوشت ع السريع وطلعت للمطبخ وكنت نحسابه ان ادم بيكون لوطه زي العاده ولكن المرة هادي
انا لابسه توتة قصيره وشعري مش قايماته
حطيت البكرج عع النار وتلفتت
ادم : بسم الله
انا تحشمت ووخرت
ادم شافلي بنظره سريعه لجسمي ولشعري
وانا واقفه بخوفف ونرعش 💔
ادم نزل عيونه وقعمز ع الطاولة : نحس في روحي مريض شوية وماخاطريش ننزل لوطة ديريلي فطوري اهني
انا : بخوف : حاضرر
وطلعت بسرعه لبست ثوب الصلاة ووليت للمطبخ
ادم شاف لثوب الصلاة واستغرب لكن مباش يتكلم
كان يهدرز مع هبه مسجات
هبه : امته ناوي تفتح معاها الموضوع
ادم : قريب ان شاء الله حتى شهر ماسكراته معاي
هبه : قصدك تبيها تسكر شهر انت ؟
ادم : بعصبيه : هبه هبه اسمعيني وضمي عليا فمك اهوا
قتلك بنكلمها وبنطلقها وبناخدك انتي خلاص انهي الموضوع ومعاش تفتحيه معاي
هبه : كييييف تبيني نرقد مرتاحه وانت معاك بنت في الحوش ت مش اي بنت هي مرتك حلالك يعني
ادم : لا حلالي لا شيء معاش تعاوديه الكلام هذا ردي بالك مزال تعاوديه
وسكر تلفونه حطه ع الطاولة وتنفس بقوة 💔
انا : وتيت الفطور وحطيته ع الطاولة وجيت بنطلع
ادم : تعالي
انا : تلفتت نشوفله وماتكلمتش :
ادم : تعالي قعمزي
انا : هزيت راسي ب لا
ادم : رفع حاجبه : قتلك تعالي
انا : وخرت بخوف منهه
ادم : وقف وشدني من يدي
انا اهني اذكرتهه ليلتها 💔: وخرت بسرعه وعيطت : حوووول وقعمزت نبكي
ادم : مافهم شيء من تصرفاتي ولا كلامي معاه حتى : خلاص حولت علاش تبكي فهميني
ونزل قعمز ع الارض زيني ، حس روحه مذنب في حالتي ضميره أنبه هلبا وحس إنه ظلمني 💔:
خلاص بس نوضي قعمزي ع الطاولة نبي نهدرز معاك انا
انا : وقفت بكي وشبحتله : يعني مش ح اديرلي شيء
ادم : لالا والله مامدايرلك حاجه ، اهدي انتي بس
انا وقفت ومشيت لطاولة وانا نشوفله
قعمزت ع الطاولة
ادم : قعمز جنبي وكان لابس شرط وتيشرت وعضلات ايديه باينات
انا في داخلي " مادام عنده هالحنية علاش دار فيا هكي "
ادم : شوفي انا انا ليتلها ليتلها وشهادة لله انا ماكنت واعي
انا لما استوعبت هوا شن يقول حطيت ايديا ع وذاني : لو سمحت خلاص مانبيش نتكلم فيه الموضوع هذا
ادم : لا اسمعيني بش نساعدك وتساعديني
انا : حولت ايديا : كيف
ادم : اني يابنت الناس بش تحسابي ان بنقربك ولا تعيشي في خوف مني هادي نحيها من راسك ، وتاني حاجهه
معاش تخافي مني انا نبي علاقتي بيك تكون احسن من هكي لان في لاخير انا مضر نتحملك وانتي مضره تتحمليني انا اخديت عهد ان نسترك وان نحافظ عليك لان كنت انا الغالط مش انتِ ، موافقه ؟
انا قعدت نشوفله ونستوعب في كلامه اول ماشفت لعيونه اول مره تجي عيني في عينه وهوا مايحولش عيونهه سرحت لالا ذبت في عيونهه حسيت بحرارة في جسمي كله ، اففف خيرني معاش فهمت شعوري اتجاه ادم كره ولا شن بزبط ؟
ادم : رفع حاجبه : تردي عليا في خاطرك
انا : ارتبكت : لا لكـ
ادم : واضح واضح تقولي محلاه وهكي عارف روحي اصلا
انا : بغيض : نحسابكش مغرور
ادم : انبصر بسس😂😂 ، قوليلي موافقه ع الكلام
انا مع ضحكاته مانعرفش كيف هزيت راسي بـ موافقه 🌝
ادم : خلاص معناها خودي راحتك ألبسي اللي تبيه ونحي ثوب الصلاة هذا لان انا عهدت نفسي مانمسك ولا نقربك ولا نشوفلك بنظرة اضرك وغيري جوك وانسي اللي صار كله معاك هما شهور واحنى لازم نتحملوا بعض
انا : قعدت ندقق في كلامه ونفس الوقت خاييفه 💔
ادم : ابتسم : هي افطري توا
انا : ابتسمت وبديت ناكل وساارحهه نفكر في ألفف حاجهه
ادم : اسمك ترتيب صح ؟
انا : ضحكت من قلبي : ههههههههه لالا ترتيل
ادم قعد يشوفلي وابتسم : اهو ضحكتك حلوه علاش ديما تبكي
انا : اختفت ابتسامتي وقعدت نشوف للارض وساكتهه
ادم : ولو تبي تحكي انا موجود لان خلاص معاش بندسو ع بعض شيء تمام هكي
انا اكتفيت بـ ان نهز في راسي ومع كل ابتسامة تطلع من ادم نموت الفف موتة ..
