#روايـة
#أنـت_مُـنـقـذي ♥️🌸
" الــبــارت الأخـيـر " ♥️..
************* *************
بعد اسبوع تقريبااا :
ادم سيب هبه واتفركش العرس وادم ساافر ..
حسام سيب مروه ولكن مارجعش لرنيم ورنيم ذبلت وماصار فيها خير وحسام فايتها ومايردش عليها ...
اما اني فـ ماما تعبت هلبا وانا شبه خشيت في حالة نفسيهه ومافكرتش ابدا في البوكس اللي وصاني عليه ايوب
بديت زي الشغالة لسميره واصلا نخدم في الحوش لان نبي نلهي روحي
ادم ماشي في باله ان انا متزوجه ومرتاحه وهوا ضميره يأنب فيهه علياا وكل يوم يفكر فياا اكثر من اللي قبله 💔..
بعد اسبوع تحديدا :
سميره : نوضي نوضي تحركي
انا : بسم الله شن في
سميره : الصغار ناضو ولقاوك راقده لعبوا في المطبخ تحركي ضميه
انا قعدت نشوفلها ومصدومة : لهني وصلت الوقاحه ؟
سميره : وقاحه طيح سعدك هادي نوضي تحركي فوق ماك عتبة حتى الولد رزيتيه في عمره وتوا جاية تقول وقاحة
انا : كسرت الشر وخشيت للمطبخ
***** *******
سمية : حسبي الله ونعم الوكيل وخلاص
ريم : مرض يرفعها كله منها هالعقرب حرمتنا من وخخي
اما رنيم فكانت في دارها تبكي اتصلت بحسام
حسام : نعم
رنيم : علاش قاعد مافسختش بعد كل شيء عرفته
حسام : لانك انتي اللي خليتي هذا يصير
رنيم : حسام راني مش متحمله غدوه تفسخ فاهم
حسام : مش فاسخ
رنيم : بعياط : حسااااام خيرك هكي انت احرفتلي قلبي معاك راه دمرتني بسببك اني لا ناكل ولا نشرب ومش قادره ندير شيء قعدت زي مهبولة نجري وراك بس
حسام : ..........
رنيم : سااادك خلاصص دبر راسك اخطب ولا انحرق معاش يهمني وسكرت في وجها
حسام نوعا ما وجعه حال رنيم
خش للحوش يما يما
ام حسام : نعم وليدي
حسام : يما اتصلي ب ام مروة وافسخيلي منها
ام حسام : العفو باوليدي خيرك مش كنت بتهبل عليها
حسام : اتصلي توااا
ام حسام : غر فهمني قبل
حسام : تو تحكيلك هدايه
ام حسام : باه باه عليك عار وخلاص
** اتصلت ام حسام ب ام هبه ومروة وفسخت الخطوبه ..
******** ************ ************
قعمزت بروحي في داري وماما كانت في العيادة صحتها تعبت هلبا وسميره طالعه اذكرت البوكس اللي وصاني عليهدايوب مشيت جبته وقعمزت بنفتحهه
فتحته وانصــدمـت
كان البوكس معبي ورد لكن ذابل ...
بديت نحول في الورد وبعدين لقيت رساله وتحتها ورد
حولت الورد تاني وحولت الرساله لقيت فلوس 😳..
فتحت الرساله
..{ عارفك فضولية واكيده مستغربه هلباا صح ..
تذكري اول ماخطبتك انا اتصلت بخوك وحددت موعد للمقابله حميد وقتها نسي الخط مفتوح ويهدرز لمرته انا سمعت كلامهم وحقدهم عليك ونظرتهم ليك زادت حرقتني بالرغم ان وقتها مانعرفكش ،،
ترتيل الفلوس هادي خليهم عندك ودسيهم لوقت تحتاجيهم وكذلك اكتشفت إن راجل اختك اللي احكيتيلي عليها يقربلي وصلت فيه واعطاني الرقم اهوا نعطيهولك بش توصلي في اختك ..!!
