#رواية
#أنت_مُنقذي
" الــبـارت الــســابــع عـشـر "
*********** ************
" حياتي مشت في عذاااب طول التلاته شهور ادم بعيد علياا وقلبي مستاحش ادم وكلامه استاحشت لما انوض واناشبه بش يفيق ويفطر معاي استاحشت لما نطلعوا
استاحشت حياتي مع عيلته ريم وعمي وسمية
بعد تلاته شهور واخبار ادم مقطوعه علياا جي اليوم اللي وصلتني فيه ---
ربيعه : الباب
انا : تو نفتح
حميد : خليك انا تو نفتح
طلع حميد وخش متكنطي ترتيل ترتيل
انا / ها
حميد : يابنت الكلب وجي يضرب فياا 💔
انا: ايييي خيرك اييي
ربيعه : حميد وراس وليدي خلي اختك في حالها
حميد : باعتلك ورقتك ياكلبه باعتلك ورقة طلاقك
اني اهني انصـــدمـــت 💔 لالا مستحيل حد ينوضني من الحلم معقولة خلاص معقولة خلاص كل شيء راح ادم وذكرياتي معاه راحت
خشيت لداري بسرعهه وانهرت بالبكيي 💔😭😭
سمية: العفو ياوليدي خيرك عليها البنت شن دارتلك
ادم تنهد وطلع متجاهل كلام سمية ليهه💔..
************* ***************^
نسرععوا الاححدااثث
مختصر حياتي انا
خشيت العدة وطول المدة اللي انا في العدة سميره متحكمة فياا وتهين فياا عع طالعه والنازله يامطلقة ياعانس
سميره : قاعده ماتعرفيش اطيبي البوريك
انا : لا
سميره : وحدة مطلقه فاشلهه
انا حزت في نفسي هلبااا لكن مثلت روحي عاديهه قدامها : معليشي قضاء وقدر
سميره : معليشي عينك اخدوه منك الراجل بسبب غبائك
انا سكتت وخلاص
تمو شهرين من العدة واخبار ادم انقطعت علياا
كنت في كل صلاة ندعي إن يجي يوم وادم يعرف إنه ظلمني بس مانبيش اكثر من هكي ياربي ♥️
اما ادم فحاول ينسى ترتيل ووفى بـ وعده لهبه وكان يوم بيانها هي وادم
نضت انا وحاسهه بحاجة تخنق فياا وصدري مغموم مضايقهه ومش عارفه السبب
قعمزت نبكي ومش عارفه علاش نبكي كل اللي نعرفه غمة ع قلبي 💔😭😭😭
ربيعه : خيرك يابنتي شن فيك
انا : والله مانعرف ياماما نحس في روحي بنموت
ربيعه : بعيد الشر عليك يابنيتي
انا : تنهدت بــألــمم 💔: والله قلبي ياماما والله النفس بدي محسوب عليا
ربيعه : الله غالب هادي المطلقه هكي يعاملوها في مجتمع الفاشل هذا
انا : حسبي الله ونعم الوكيل وخلاص
حميد : في من تحسبي اه
انا : في اللي ظلموني
سميره : خليها شكلها قاعده صغيره ومش مستوعبه الطلاق واللي يجي من وراه
حميد : مش انتي وافقتي ع الطلاق ودرتي مافي راسك والله العظيم لما اندمكك
سميره : مطلقة راهي عار اي حاجه اديرها ح يشكو فيك ويصير فيها القتل واني بصراحه راجلي اعصاب ومانبيش نخسره ع خاطرك
انا سكتت 💔
حميد : اصلا بعد العدة واهو مزالك شهر بس وتطلعي منها واول واحد بيجي يخطب طول بتمشي
انا انقهرت من كلام خوي لياا 💔
هسترت وانا نحكي ع وجع اللي في قلبي 💔
خلاااااااص شن كان مطلقه معناها نموت شن يعني ترا فهموني كان اني رضيت بحكم ربي عليا وحمدته ع كل شيء صارلي معناها ماننفعش انت خووي خووي يعني السند لياا يعني مفروض تكون الحيط اللي نسند ظهري عليه مش هكي ادير فياا 💔😭😭😭
حميد سكت وطلع وسميره مش عاجبها كلامي
انا غميت روحي وارقدت 💔
