#روايـــــة
#أنـــت_مُــنــقــذي 🌸♥️
" الــبــارت الــثـــامـــن عــشـــر " 💞
*********** ******************
شكل ايوب كان اقنين هلباا كان النور يبان في وجها
هوا م 90 شكله حلو وجذاب وواضح دمه خفيف ونازك هلباا لكن انا مش قادره ندير اي ردة فعل بعد ماسألته وماردش علياا 💔💔..
ايوب : انا مش جابرني شيء ولكن نصيبي فيك
انا : لكن انت تستاهل وحدة خير مني انت عزابي وفي بداية عمرك وانا مطلقه ؟؟
ايوب : عادي انا راضي بيك
انا : انت شن قاعد تقول كيف هكيي
ايوب : يابنت الناس انا راضي واموري تمام وبعدين انا سألت ع سبب الطلاق وماعنديش مانع
انا : بلعت ريقي: شن السبب من سئلت
ايوب: قالولي انك حملتي وارميتي وانك ماارتحتيش
انا : اهاا
ايوب : ايي انتي لو عندك مشكلة احكيلي وانا نفهمكك
انا : انا الحق مانبيش نتزوج عشت تجربة فاشله ومش مفكره حاليا في الزواج
ايوب : .........
انا : خوتي جابريني عليك ياريت لو تمشي انت وتقولهم مافيش نصيب بينا
ايوب ابتسم : علاش
انا : كيف علاش انا مانبيش نتزوج
ايوب: بس انتي عجبتيني وخصوصا بعد احكيتي اللي في داخلك توا انتي شجاعة بصراحه
انا : لو سمحت ارجوك انا نحب راجلي الاول وقلبي قاعد عنده مانبيش نتزوج غيره ارجوك اسمعني
ايوب : رفع حاجبه : انا هذا اللي عندي يابنت الناس
انا : بصدمه : شن يعني
ايوب : تقدري تقولي مبروك علينا
انا : نزلوا دموعي وطلعت نجري من المربوعه
حتى محاولتي كانت فاشله💔
تمت المقابلة وروح ايوب خش حميد زي الجن : ترتيل ترتيل
انا خفت ان يكون ايوب معاودله ولا حاجه
حميد : ......
********** ***************
عند ادم وصل سمية ورنيم وريم لحوش هبه
نزلت رنيم فرحانه هلباااا لهبه
اما ريم فكانت تستنى في معجزه تصير ويتفركس كل شيء ..
ادم كان مضايق ومهموم سمع صوت حد وراه
صفاء : ادم
ادم : نعم
صفاء : ادم انا بنحكيلك والله العظيم مانكذب عليك في حرف
ادم : احكي
صفاء : يومها هبه ومروة يهدرزو وانا سمعتهم بالحرفف شن يقولوا والله العظيم مانكذب عليك في حرف
ادم : اي كملي شن يقولوا
صفاء : هبه هي اللي فرقتكم انت وترتيل وهبه هي اللي حطت تلفون في حوشك وهبه هي اللي لعبت في راس رنيم وخلتها تكلم الولد رنيم كانت طعم ساهل
ادم : انصــدم في كلاام صفاء : صفااء انتي انتي شن تقولي
صفاء : تبكي : والله العظيم ياادم مانكذب عليك
ادم : انا كنت عارف انك ماتحبيش هبه لكن انك تتبلي عليها هادي هلبااا راه هبه اختك
هبه : ادومي انصدمت وهي تشوف لصفاء
اما صفاء خافت وسكتت : شن شن اديرو
ادم : لا شيء صفاء كانت تبي واسطه في الكليه
هبه: من يومك فاشله في القرايه
صفاء تنهدت ومشت من جنبهم وهي حاسه بتأنيب الضمير ع ترتيل واللي صارلها
