أنــت مُــنـقِذي ♥️.. ( روايات ليبية )

الـنــهــايــة ♥️..

روايـــة ♥️..
" أنــت مُـنـقـذي " ..
" الــنِـهـ" The end" ــــايــة " ♥️🌸..

حميد كان مقعمز في التركينه وسارح
اما سميره فكانت خايفه هلباا ان ربيعه تموت بس في نفس الوقت فرحانه لو تموت وترتاح منها ..

جي الخبر ونزل عليا زي الصاعقة
عبدو : الله يرحمها
انا : لااااا مستحيل شن تقول انت ماما عايشه  ماما عايشه ياعبدو
عبدو حضني وقعد يهدي فياا : اسسس خلاص ترتيل
انا : والله ماما ماماتت والله هي عايشه مستحيل تخليني
لا ياربي من قعدلي انا من بيحس بيا وبالنار اللي في داخلي ياربي صبرني والله بنموت 💔..

جي وقت العزي والناس خاشه ناس طالعه
وانا شاده تركينه ونبكي ع حظي وع حالتي
يخشو الناس ويعزو فيا وانا بس نبكي حسيت بصوتي هرب وخلاني كنت نبي اناديها ماما وليلي من عندي غيركك اني  💔.. 

خشت سميه وريم ورنيم وهدايه وهناء ..
حضنتني ريم وتبكي
انا : مشت وخلتني ياريم مشت وخلتني
ريم : الله يرحمها ويصبرك ياربي
انا : ااااه ياريم قلبي خلااص معاش متحملة
ريم : صبري بالك ياحبيبتي واكيد ربي بيعوضك ع كل الحزن هذا
حضنتني سمية وتهدي فيا : انا زي امك يابنيتي والله مامسيباتك ماتخافيش
انا : خلتني ياعميمه مشت وخلتني نعاني بروحي
بكيت الناس كلهم بكلامي 💔

قعمزو جنبي سميه والبنات وانا في التركينه وهما يهدوا فيا ويشربوا فيا في امية قرأن ..

خشت دنيا تسلم ع عماتي وخالاتي ولين وصلت فيا وهي ادور عليا بعيونها
انا لمحتها خاطمه من جنبي وشكلها ماعرفتنيش 💔
انا 😳😳😳😳😳
دنيا تلفتت : ترتيل  وحضنتني وانا ساكته
دنيا : تبكي 💔: الله يرحمها ياربي والله ماتوقعتها تموت وتخلينا ياوخيتي
انا : .........
شبحت للبنت اللي جنبها تشح في عباية دنيا وتبكي : ماما
انا : ابتسمت بألــم 💔:
دنيا : قعدت حاضنتني وتراجي فيا نحضنها لكن انا بعدت عليها بشويه وقعمزت جنب هدايه وريم

هناء: هادي اختها
رنيم : اي واضح الشبه بينهم
هناء: شكلها متزوجه
رنيم : اي

****************   *************

روحو الناس وجي الليل
خش حميد وقعد يلز في دنيا وهي تشوفلي وتبكي
انا ماقدرتش نرفع عيوني فيها ولا حتى نسايرها 💔..

اصلا حتى سبب موت ماما هي كانت السبب فيه 💔..

جي تاني يوم ودفنوها رفعوا تابوتها من قدام عيوني وانا قعزت نعاني بروحي
سمية والبنات ماخلونيش بكل وكذلك دنيا كل يوم تجي وتحاول تكلمني لكن انا مااعطيتهاش فرصه بكل ..

#بعد شهر
طلعت انا من العدة
جت ريم تهدرز عندي لانها كانت اقرب وحدة لياا ..
سميره مابطلتش العار والعياط ودوارة المشاكل حتى قدام ريم وانا كنت هاديه وساكته  وبس