دولمه : طبعا الدولمه مراح نذكر المقادير لان اكيد حسب الكميه الي تحتاجوها وحسب الي تحبون تخلونه راح نذكر المواد والطريقه
نحتاج الى لحم غنم او عجل حسب الذوق ونحتاج بصل راح نثرمهم سويه وبعدها راح نحمسحهم قبل كلشي بعدها نحتاج بتيته اذا عجبتكم وطماطا وفلفل وكرفس وتمن نخلط جميع المواد وي اللحم المحموس ونظيف معجون طماطا وكجب ينطي نكها طيبه ونضيف دبس الرمان وتمر هند وملح وبهار اني دائما اخلي سبع بهار وكاري المختار لجميع اكلاتي تقريبا نظيف وياها كمون فلفل اسود بهار مشكل واكو بهار خاص للدولمه تكدرون تخلونها وتستغنون عن البعض وبابريكا حاره او بارده حسب الذوق وتكدرون تضيفون مرقة ماجي مكعب واحد ونخلي ياما ثوم مطحون او ثوم عدل ونقطعه وي المواد حسب رغبتكم بعدها نظيف لية غنم اذا كنتم تحبون الاكل الدسم بس منخلي وي اللحم قبل الحمس لا بعد الحسم يعني اخر مرحله ع جها نفور مي ونذبل ياما ورق العنب او ورق السلك هاي الخطوه اختياري حسب ذوقكم نجيب دجاجه كامله او نص او قطعه حسب الكميه الي تحتاجوها نغسلها ونملحها فقط بعدها نخليها بالگدر قبل لا نلف الدولمه او تحبون ع ضلوع غنم واذا ممتوفر لا دجاج ولا ضلوع نسوي بتيته حلقات ونرتبهن بقاع الگدر بعدها نبدي بخطوة لف الدولمه ونخليها فوق الدجاجه لمن نكمل نخلي كمية مي قليله مو هوايه ونخلي ضغط ع الدولمه قبل لنقبقه بعدهانخليها ع نار متوسطه لمن يفور نوطي النار لمن تستوي بالنسبه للدجاجه راح تطلع طعم ولا بالخيال وتطلع مقرمشه والف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❣️❣️❣️❣️❣️❣️❣️❣️❣️❣️❣️❣️❣️
الطبق الثاني بيتزا
مقاديرالعجينه :4 اكواب طحين ربع كوب زيت الزيتون او زيت عادي و 4 ملاعق حليب باودر وبيضه واحده وملعقه كبيره خمره فوريه ونص ملعقة طعام ملح وملعقة طعام شكر والماء حسب الحاجه بالنسبه للعجينه تكدرون تعجنوها بالايد او بالعجانه هذا الشي راجع الكم نخلي الطحين ونضيف عليهالحليب والخميره والملح والسكر ونضيف البيضه مع ملعقة خل ابيض وبعدها نضيف الزيت نخلطهن سويه بدون مي بعدها نضيف كوب ماء كامل ونبقى نعجن بعدها نضيف نص كوب مي راح تشكل عجينه شويه لزجه يعني مو ناشفه نتركها تختمر نص ساعه او بعد ميضاعف حجمها بعدها نقسمها الى نصفين ونخليها بقالب الخاص بالبيتزا ونحاول نفتحها ع كبر القالب بعدها اول مرحله ندهن وجه العجينه بصلصة البيتزا الخاصه يبيعونها بكل مكان تكدرون تخلون بس كجب ومايونيز ودبس رمان قليل وثوم مطحون وبصل مطحون تعوضكم عن الصلصه اذا متوفرت صلصة البيتزا بعدها نحتاج الى جبن موزريلا نخلي ع الوجه وره الصلصه داير مداير العجينه بعدها تخلون ياما كباب شوي وتقسمونه ع الوجه او كص وتوزعوا او لحم مثروم او قطع دجاج او قطع لحم او صوصج للي يرغبله او يحبه او مشروم يعني حسب ذوقكم تكدرون تسونها بس بالخضار هذا الشي راجع الكم بعدها نخلي فلفل نوزعها ع البيتزا وبعدها زيتون شرائح وتكدرون تخلون : طماطا هاي اختياري حسب ذوقكم بالنسبه للحشوا لتتيقيدون اي شي يعجبكم خلوا اهم شي الجبن والفلفل والزيتون والباقي اختياري اخر مرحله تخلون الجبن الموزريلا وبهاي المرحله الافضل تكثرون بعدها نتركها عشر دقايق ع ما ينحمي الفرن وندخلها تستوي من الاسفل بعدها من الاعلى والف عافيه
