المقادير : كل كوب تمن كوب برغل وسط او سميد نفس النتيجه ونحتاج للحشوه لحم مفروم مع بصل وكرفس وفلفل حسب الرغبه وبهار مشكل
الطريقه : اول شي انكع التمن نص ساعه تقريبا الافضل يكون تمن عنبر او ياسمين بعدها نخلي ع الطباخ ونغطي التمن بالمي نضيف كركم وملح فقط بعدها نغسل البرغل او السميد وقبل لينشف مي التمن نضيف البرغل ونخلطه سويه نشوفه اذا يحتاج مي نضيفله ونخلي ع نار هادئه ربع ساعه بعدها نعجن التمن والبرغل عجن زين اهم خطوه نحمس اللحم والبصل والكرفس ونخلي بهار مشكل حسب رغبتكم واهم شي فلفل اسود وكمون وسبع بهار وكاري المختارونومي بصره مطحون وملح
بعدها نكبكب الكبه حسب الرغبه والشكل الي يعجبكم هاي الطريقه متحتاج للنشا ابد وحتى تكدرون تكلوها وهي جامده ابد متحل لو تبقى سنه بالمجمده ماعليها اهم شي من تكلوها لازم زيت هواي وحامي زين والف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدها نضيفه للمواد بحيث يتغطه كله اخر شي نضيف شرائح الليمون ونغلق الحافظه زين ونخلي بالثلاجه اقل شي يوم والف عافيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الطيق الاخير حلاوة الشعريه
المقادير : شعريه كل كوب نضيف سكر3 اكواب او 4 اكواب وهيل ولب جوز حسب الرغبه وزيت ونشا وحليب وقشطه
الطريقه : نخلي الزيت ونحمس الشعريه لمن يتغير لونها نضيف السكر والمي سويه اول ميفور نوطي النار ع اقل شي وننساها من الصبح للعصر بس بين فتره وفتره نحرك بيها واذا نلكيها ميها قليل نضيف مي لمن تصير متلابسه زين الشعريه والسكر بحيث تصير علاجيه والشعريه تنمرد بالايد يعني تستوي ع الاخير بالنسبه للمده اقل شي 6 ساعات واكثر شي 10 ساعات كلما تبقى اكثر كلما تنطي نتيجه افضل لمن تستوي نضيف الهيل بعدها نتركها لمن تبرد ع الاخير الافضل لثاني يوم
بعدها نخلي ع نار حليب وسكر لمن يفور نضيف النشا نسوي محلبي لازم يكون ثخين مو خفيف لمن يثخن نضيف القشطه ونطفي النار
في صحن غميق نخلي طبقه شعريه وبعدها نضيف المحلبي والطبقه الاخيره شعريه ونزينها بالجوز نتركها لمن تبرد تكدرون تكصوها كص مثل الكيكه والف عافيه
الطعم مينوصف والي راح يجربها اكيد مراح يترك هالوصفه ابد لان عن جد الطعم خرافي
