قدر الصبا

الخاتمه

بعد مرور عشرون عاما
كان الجميع مجتمعا فى قاعة زفاف لم يكن منفصلا ولكن كانت الاناشيد تخلو من الموسيقى فكانت على الدف فقط كانت صبا تجلس بجوار مصعب وبجوارها من الجهه الأخير كانت تجلس ضحى وبجوارها يوسف وأحمد وفجروعمار وساره امامهم
وكان يجلس معهم شاب وسيم إلى درجه كبيره وما زاد جماله هى تلك اللحيه فى أسفل ذقنه ولكن كان يستشيط غضبا وينظر إلى الأرض بغضب شديد
فنظرت له صبا وابتسمت هامسه لمصعب: ربنا يستر شايف ابنك عامل ازاى قعدت اقول لساره يعملوا الفرح منفصل بس للاسف لمار رفضت فكان (هذا زفاف لمار وعلى فقد نمى الحب بقلبهما ومما ساعدهم على ذلك تلك القرابة التى تواجدت بينهما)
مصعب :الحقى دا بيشاور لها تيجى أنا خايف عليها
صبا :متخافش اوس عاقل مش هيعمل حاجه هو بس عصبى شويه
ثم سرعان ما فتحت عينيها على وسعها مما رأت فكان اوس أمسك الفتاه التى كانوا يتحدثون عنها من يدها قائلا لعمار:بعد اذنك يا عمى
عمار بخوف وهو ينظر لمصعب: براحتك يا باشا هو انا أقدر اتكلم
أخذ أوس تلك الفتاه وذهب بها إلى الخارج فقالت:ايه يا أوس براحه ايدي وجعتنى
فنظر اليها بغضب وترك يدها
فقالت:طب انت زعلان من ايه بس انا عملت ايه غلط
أوس بغصب:واقفه بترقصى وتقولى عملتى ايه انا نفسى أمسك أي حاجه اكسرها
الفتاه: انا مرقصتش والله ما رقصت انا عمري ما اعمل كدا عشان ربنا اول حاجه تانى حاجه عشانك
أوس:أومال ايه اللى كنتى بتعمليه جوه دا يتسمى ايه يا أريج
أريج:كنت بسقف بس والله هما طلبوا مننا نسقف ونلف حواليها بس مكنتش بهز جسمى ولا حاجه دا فرح اختى يا أوس عاوزنى اقعد زي الغريبه ومقفش معاها
أوس بغضب :اختك السبب هي عملت فرح مختلط يبقى تتحمل نتيجة اللى عملته ومتبرريش لنفسك الشباب كلهم كانوا بيبصوا عليكوا انا كل ما أفتكر كانوا بيبصوا لكوا ازاى اتنرفز اكثر
أريج:طيب ممكن تهدي بس
أوس بغضب:متقوليش اهدي
نظرت له أريج والدموع فى عينيها فهو لأول مره يرفع صوته عليها هكذا فرق قلبه وألمه من دموعها فسرعان ما مسح دموعها بيديه قائلا :متبكيش انا أسف والله أسف غصب عنى
أريج :انت أول مره تزعق لى كدا
أوس:انا اسف متزعليش دموعك دي بتحسسنى بالعجز عشان خاطري متبكيش
نظرت له أريج قائله:وانا كمان اسفه متزعلش منى
أوس :مش زعلان يا حبيبتى أنا غيرااان
نظرت اريج إلى الأرض بخجل شديد ثم سرعات ما نظرت إليه وضيقت عينيها قائله:وانت بتبص على البنات ليه باشمهندس اوس فين غض البصر
اوس:والله ما بصيت على حد وانا داخل القاعه شوفتك غصب عنى كنتوا فى الوش بس مكانش قصدي
أريج:خلاص عفونا عنك
اوس:انتى بتشكى فى قدراتى ولا ايه
أريج :لا طبعا ثقتى فيك قد فاقت كل الحدود
نظر اليها بابتسامه ثم هتف بمرح قائلا:يلا ندخل بقا أصل يفتكرونى قتلتك
اريج:هههههه كان منظرك صعب الصراحه
أوس:هههههه
اخذها ودخل بها إلى القاعه مره اخري
(طبعا عايزين تعرفوا ايه اللى بيحصل دا اوس ابن مصعب بقى عمره 27سنه اصبح مهندس وعقد قرانه وتمت خطبته قبل شهر من الان على اريج ابنة عمار اللى عمرها :21سنه فى كلية صيدله هى وعائشة ابنة أحمد وفجر فهى رفيقتها المقربه وترتدي الخمار ويتمنى اوس ان ترتدي النقاب ولكن لم يجبرها على شيئ )
عمار :الحمد لله بنتى رجعت لى سليمه
فضحك الجميع عليه وهذه المره جلست حور بجوار أوس الذي كان يتفحص هاتفه حتى لا يقع نظره على فتاه من تلك الفتيات اللاتى تتواجد بكثره فى هذا الزفاف
مصعب لصبا بغيره :شايفه عمار واخد حفصه وقاعدين لوحدهم ازاى مش عايز بنتى تقعد معايا
صبا:هههههه يا مصعب حرام عليك والله دا انت طلعت عينهم على ما اتجوزوا بطل غيرتك دي شويه هما قاعدين عشان المكان مكفاش وبعدين ما عائشه وحور قاعدين معاهم اهو
مصعب:عائشه والله صعبانه عليا من اللى ابنك بيعمله
صبا :اه والله إياس صعب جدا دا مانعها من دخول المحاضرات بتاعته
مصعب: ههههههه يا نهار أبيض ليه
صبا :عشان اتأخرت على محاضرته قالها متدخلش وممنوع تدخل لمدة اسبوعين
مصعب:صعب أوي هو مجاش ليه
صبا :عشان الفرح مختلط دا أوس مكانش عايز ييجى هو كمان بس عشان عمار وأريج ميزعلوش
مصعب بغيره:عشان مين
صبا :ق قصدي أستاذ عمار
مصعب :ايوه كدا اتعدلى
صبا بابتسامه: لسه بتغير عليا
مصعب:وهفضل كدا عمري كله

انتهت
بفكر اعمل جزء تانى لاولادهم يكونوا هما الأبطال ايه رأيكوا

توضيح بقى للشخصيات
بالنسبه لمصعب وصبا دول كانوا أبطال روايتى اتعذبوا كتير بسبب فكرته السيئه عن المنتقبات صبا كانت بتعاني كتير جدا من معاملته وخصوصا انه كان مالك قلبها ولكن صبرت ودعت ربنا كتير كان دايما الايمان فى قلبها وقدرت تقصر على مصعب كتير يعنى ممكن الزوجه تكون سبب فى التزام زوجها متيأسيش لو زوجك مش ملتزم لأنك تقدري تغيريه بالاستعانه بالله

يوسف وضحى:دول من الشخصيات المهمه فى الروايه كان دورهم ان ضحى بتستفسر من صبا عن معلومات كتير نستفيد بيها كلنا وكمان عشان اتكلم عن ضوابط الخطوبه عشان كدا مدتهمش حقهم زي مصعب وصبا لأنهم مش الابطال

أحمد وفجر: دورهم كان كبير جدا اتحدثنا من خلاله عن الزوج الغير سوي وازاى نتعامل معاه وعن خطأ فجر اللى كان سبب فى طلاقها من رفيق دربها وازاى قدرت تأثر فيه وتجعله شخص متحمل للمسؤليه وكمان اتخدثنا من خلالهم عن بعض أحكام الطلاق والعده

عمار وساره :كان سبب ظهورهم اننا نتكلم عن التوبه ونعمل ايه لو عملنا ذنب كبير وازاى نقرب من ربنا زي ما حصل مع ساره شوفنا ازاى تابت لربنا وربنا كافئها بزوجها عمار

صفا ومروه:كان سبب ظهورهم انى أبين ان مهما كانوا الاهل كويسين ممكن يكون الابناء غير كدا يعنى صفا ومروه نفس التربيه لكن شتان ما بين الشخصيتين

صالح (جد صبا):فقد ابنه و من حبه ليه جعله انانى لدرجة معرفش يحافظ على زوجة ابنه وحفيدته وللاسف معرفش غلطه الا وهو بيموت

وبكدا تكون انتهت قصتى اتمنى انها تكون نالت إعجابكم وتكونوا استفادتوا ولو بجزء قليل منها
عايزه رأيكوا فى الروايه بالتفصيل و عايزه اعرف عايزين اعمل جزء تانى للروايه ويكون الأبطال هما اولادهم ولا اكتفى بالجزء دا Somaya Rashad