🔹الجزء الثاني من سلسلة : أسياد فوق الطبيعة 🔹
🔸بعدما عرفت آلاء حقيقة كونها بيلسانة ، التفسير المنطقي لاختلاف شكلها على باقي البشر ، فهمت باللي ماشي من مصلاحتها تكشف سرها للبشر ، خاصة السحرة منهم ، غايقتلوها ، غايشربو دمها و يلتاهمو اعضاءها ..
و بع...
قالت تغريد :"" مامتيقاش ياربي هادشي اللي انا فيه دابا ، ساحرة حمقاء مزاحماني في الجسد ديالي ... و كاتقول ليا ماكانتيقش فيك "" و غير كملات جملتها .. وجه اسلام نزل من فوق راسها بالمقلوب كايطل عليها ..
غوتت و الكأس اللي فيدها خواتو على فخاضها و ناضت .. المرة الاولى غوتت من خلعتها بوجه اسلام .. الغوتة التانية كانت بسبب احترافها من المشروب الساخن ..
بدات كاتبعد السروال القطني من فخاضها .. و قبل ما تفهم .. برودة بلاصات السخونة الي حسات بيها ..
اسلام كان جاب ماء من التلاجة كبو على موضع الاحتراق .. عاودت غوتت و شدت يدو و قالت :"" اسلااااام غانقتل مك ""
هز وجهو فيها .. و عاد ضحك :"" r u okay ؟ ""
جلسات كاتغبن و شدات كرشها و قالت :"" no , I am f*cking not ""
رجع ضحك و عنق راسها و قال :"" ماقصدتش كاع يوقع ليك هكا .. اشنو كنتي اصلا كاتهضري بوحدك كاتقولي ""
كان اسلام جلس في جنب تغريد .. شافت فيه و كذبات :"" والو ، كنت كانفكر للvlog الجاي "" رجع بظهرو للور و قال :"" اممم ، عاد شفت الvlog اللي في اليوتيب دابا ""
توقدت في جلستها و قالت موسعة عينيها بحماس :"" شفتيه ؟ مابقيتش طليت عليه .. غايكونو المشاهدات طلعو .. كنت الصباح جايا نبشرك .. ارى تيليفونك نشوف ..""
