▪ آلاء و لعنة تالا | مكتملة

| الفصل الثامن و ثلاثون |

●الفصل غير كامل ، تتمة الفصل توجد على الموقع : theartofromanticbooks.com

سبحات بعمق باتجاهها للتحت ..

كاتحس بتالا وسطها كاتخرج شوية بشوية من انغماسها الداخل ..

سبحات كاتقلب على ديك المقبرة ديال العظام ، كاتحاول تتم الامر بسرعة ، و لكن حقيقة انها تحت الماء و جسدها المتوتر مامعاونش ..

وصلات للمنطقة مقبرة العظام ، و دغية حاولت تحدد الاتجاه اللي لقات فيه الرجل المقيد ..

داخت من الاتجاهات و ماعقلاتش فين بالضبط ..

حسات بتالا بدات تحيى وسطها و هي مازال مادارت والو ..

بدات كاتزيد تتوتر و تشوش ..

ماعرفاتش كيفاش .. و لكن بدات تسمع اصوات .. اصوات كتيرة جايا من كل الاتجاهات ..

احست بيهم منبعتين من الهياكل المتناترة في قاع الماء حداها ..

بدات تسد وذنيها و هي كاتدور عينيها ، كاتقلب عليه ..

فجأة شافت صخرة نابت حولها طحالب مائية .. عقلات عليها ..

سبحات لجهتها ..

منين قربات ليها .. ضارت حولها ..

كاتحاول تعقل راسها اكتر اشنو كانت شافت ..

فجأة ..

دورات راسها ليمينها و هي تشوفو ..

رجل ، عاري تماما ، مقيد في طحالب مائية من يديه حول صخرة طويلة و رقيقة ..

كان بعيد ..

سبحات تجاهو و حسات بشيء شد رجليها ..

دارت بجسدها العلوي تشوف اشنو هو و هي كاتسبح عكس الاتجاه الذي يتم سحبها ليه ..

الطحالب المائية هي اللي كانت ملوية عليها كاتجرها ..

الساحرة الشريرة ..

بقات كاتقاوم .. ماخاصهاش تضيع وقت ..

الاكسجين كاينفذ و هي غاتخنق ..

اثناء مقاومتها لاحظت ان كاع الهياكل العظمية تحت الماء ملوية حول الطحالب ..

هكا كلهم ماتو ..