فارس .....
وصل لندن وحصل واحد ينتظره شايل لوحه عليها اسمه بالعربي عرف بعدين انه من موظفين يوسف اخذه لشقه جهزها له يوسف كانت مرتبه صاله فيها كنب بسيط وتلفزيون كبير ومطبخ مفتوح على الصاله وشاف غرفتين مأثثه وحمام واحد عجبته نزل اغراضه وارسل للجوهره وعامر وارسل شكر ليوسف نام ولما صحي الصباح راح للمستشفى اخذ الاوراق الي يحتاجها وجدوله والخطه الخاصه فيه ورجع لشقته حصل لستة توصيات من الجوهره ابتسم على لاتفتح الباب الين تقول مين هز راسه بيأس من اخته الي تعامله زي الاطفال اخته عانت ومع ذالك مازالت تحس بالذنب انه انترك لوحده كأنه كان بيدها شئ كل ماتذكر الي صار لها يحس بقهر وحقد على عمه ووعيلته كل ماتذكر شكلها اول ماشافها في بيت عمه محمد يحس نفسه يذبحهم كلهم يكره يقعد لوحده لبس جاكيته ونزل لسوبر ماركت شافه قريب من شقته اشتراء اغراض للبيت ورجع طبخ لنفسه اكل وطلع كتبه وبدأ يراجع ويذاكر جاته رساله فتحها وابتسم كان عامر " وحشتك صح محجوزه الغرفه الكحليه قلت لك من الحين راح اجيك الاربعاء الجاي بإذن الله " كان حاط اغراضه في العرفه الكحليه صورها وارسلها لعامر ورجع يقرأ في كتبه .
_________ □□□□□□
بعد شهر على ابطالنا .....
الجوهره ...
حبت حياتها الجديده وارتاحت ليوسف بس لساتها تخجل منه حبت جو عيلتهم كثير ومو شاغل بالها غير فارس الي خايفه عليه .
يوسف ....
تعلق كثير في الجوهره حب الجو الي مسويته في البيت هي ومحمد صاروا جزء من عيلته مايقدر يستغني عنهم ابد الشغل زاد عليه صار يعتمد على الجوهره في الاهتمام في البيت والاولاد اعتماد تام احيانا .
خالد ....
قرب زواجه بس باله مشغول على لؤي الي من شهر مختفي وحزين على عامر الي اول مره يبعد عنهم .
عز ....
تعلق في ليان كثير من مجرد شوفتها يحس بسعاده وحزن لانه يشوف الحزن في عيونها وحزين جدا على عامر الي سافر وبعد عنه وفرحان لخالد الي زواجه قرب
فارس ...
انشغل بدراسته وتدريبه وارتاح بعد ما سكن معاه عامر وصارت علاقته اقوى مع يوسف الي يشبه شخصيته شوي .
لؤي ...
صار مايفترق عن عماد ابدا عرف معلومات كثيره عن العصابه وعن المهمه الي عرف اخيرا موعدها وصار لازم يتصرف ويبلغ الفريق بس لازم يلاقي طريقه يطلع من دون لا احد يشك فيه .
وعد ....
توترها زاد مع قرب الوقت وخايفه كثير من المستقبل ..
ليان ....
مازالت تعاني من اهلها ومن مشعل الي ذلوها فيه صارت تاخذ شفتات زميلاتها عشان ماترجع البيت اهلكت نفسها بشغل عشان ماتفكر في الي تاعبينها فقدت الامل من الناس كلهم وتقربت لرب العباد تصلي وتدعي كل ليله انه يكتب لها الخير والراحه .
________□□□□
لؤي ....
بعد ما تأكد انه القصر هادي والكل نايم او على البوابات الخارجيه طلع من الغرفه وقفلها لبس كاب وحط المسدس في حزام البنطلون من وراء ومشى في الممرات بعيد عن الكاميرات وبحرص شديد وصل للحديقه الخلفيه وصل للجدار وتراجع للوراء وبدأ يجري وقفز وتمسك بطرف الجدار العلوي طلع عليه بخفه وقفز للأرض ركض للشارع الين ماعاد شاف القصر اخذ اول سياره كانت في وجهه وراح للشقه الامنه اول ماوصل ارسل الرسايل وجلس ينتظر نص ساعه ودخل مجاهد وبعده خالد وبعدهم غازي ابتسم : ايش فيكم كل ما شفتكم انصدمتوا
خالد بعصبيه : شهر وشوي يا لؤي ما نعرف انت فوق الارض ولا تحتها وجايينا بشكلك ذا ماينعرف صاحي ولا استغفرالله بس
لؤي : لا صاحي لا تخاف بس شهر وشوي على قولك لازم نتأقلم المهم تفضل هنا كل الي تحتاجوه واعطى مجاهد مسجل صغير وذاكره من سلساله والمهمه بعد اسبوع نفس اليوم راح تتنفذ راح يجتمعون كلهم في مكان الصفقه كانوا يتكلمون عن ابو الجود والاجنبي الي شركاته راح تدخل معاهم اتوقع قصدهم رجالك يوسف
غازي : ايش صار على ابو علي
كشر لؤي : دفنوه في حفره انظف منه وكملوا على اساس انه موجود لانهم يبغوا باقي العصابه ماترميهم برى الصفقه بس عماد خبرته على قده وراح يطيح بسرعه انتوا عليكم بالباقين يالله انا راجع وراح بس مسكه مجاهد من ذراعه هذا ايش قالها وهو يطلع المسدس
لؤي بسخريه : هديه تليق بمكانتي الجديده واخذ المسدس من مجاهد ورجعه لحزامه ببرود قدام مجاهد الي تكتف وقطب جبينه وخالد الي يطالع فيه بعصبيه
وغازي الي جالس بهدوء : ايش مكانتك الجديده
لؤي : صديق الرئيس الجديد وذراعه اليمين
غازي بنفس الهدوء : تعرف انه من اكبر المشاكل الي نواجهها مع الجواسيس انهم يفقدون المنطق الي يخليهم يفرقون بين مهمتهم وحياتهم الطبيعيه
ابتسم لؤي : لو فكرت لثانيه انه هذي راح تكون حياتي الطبيغيه كنت فرغت المسدس هذا هنا واشر على راسه انا مازلت بكامل قواي العقليه وقعدتي معاهم زادتني اقتناع بالي اسويه ولا يمكن اتراجع عنه
غازي : لا تنسى انك مو لوحدك كلنا معاك من اصغر جندي لاكبر ضابط نفداك برواحنا انت واحد منا والي تسويه قبل لا يكون انتقام مثل ماتسميه لنفسك انت بتنتقم لاباء وامهات فقدوا اولادهم ولاولاد وبنات تيتمو بسبب هذولاء المجرمين وراح تنتقم لوطن يحاولون يفقدونه اهم مميزاته امنه ومستقبله لا تنسى يا لؤي انك ضابط من ضباط الفريق غازي الي ما يترك رجاله وراه ولو على دمه ما ابغاك تفكر مجرد تفكير اني ممكن اتركك تتأذى ولو على حساب المهمه هذا واضح يا جندي
تأثر لؤي كثير بكلام الفريق غازي كان من جد حاسس انه لوحده وحاسس بالفراغ وفقد اهتمامه بالحياه كلها بس الحين رجع له حماسه وحس بالحماس يدب في عروقه من جديد ابتسم لغازي : مفهوم لف وطلع
بس شاف خالد يمشي وراه لف له شافه ابتسم : احمم كان نفسي تحضر الزواج بعد بكره
ابتسم لؤي بفرحه من سنين ماحسها : بارك لوعد بدالي وتراها امانتك لو اشتكت لا تلوم الا نفسك
ابتسم خالد : انا ما انجنيت وازعل اخت لؤي الجاسر وعد في عيوني
ابتسم لؤي وراح بعد ما اخذ نصايح ماتنتهي من خالد ورجع للقصر بنفس الطريقه انسدح على السرير ودخل يده في شعره الاسود الحريري الي طول وصار يلامس اخر رقبته وغمض عيونه بتعب من كل حاجه دخل يده تحت المخده وحط يده على المسدس الي مايفارقه من يوم اهداه اياه عماد ونام .
________
فارس .....
بعد ماجاء عامر ارتاح كثير خرج من المستشفى وحيله مهدود ودخل مطعم قريب من المستشفى جلس على اول طاوله وطلب اكل كان ميت جوع فتح كتابه وبدأ يقرأ بتركيز
: لو سمحت استغرب اللغه العربيه رفع راسه وشاف شاب من الطلاب الي معاهم في المستشفى تخصصه صيدله على حسب ما يعرف طالع فيه من دون لا يتكلم
: احمم انت عربي صح واسمك فارس
هز راسه وهو مصدع مافحاله على الكلام
ابتسم الشاب : حلو وجلس على الطاوله مع فارس على الكرسي الي مقابله ابغاك في خدمه وراح ادفع لك الي تبغى بس نفذ الي اقولك من دون اسئله استغرب من كلامه وقبل لا يرفض رجع يتكلم : احمم في واحده بعد شوي جايه ابغاك تصرفها تمام يعني تصرف معاها بأسوء اسلوب ممكن كرهها فيك اوك هي راح تحسبك انا ابغاك تبين لها قد ايش انت مو طايقها اذا سويت الي قلت لك راح اعطيك 5 ألاف اوك
فارس ماكان فايق له بس استغرب طلبه : ليش ماتقول لها بنفسك
الشاب : اهلي خطبوها لي بدون موافقتي وابغى الرفض يجي منها بس ما ابغاها تشوفني عشان اذا بلغت اهلي الرفض اقول انه مالي دخل بالموضوع تمام
ابتسم فارس بسخريه على عقله الصغير : انا مو فاضي
الشاب :اسمي مازن الله يخليك فرج علي اهلي متحلفين فيني اذا رفضت لا يشوتوني لسعوديه شوت عشان كذا ابغاها ترفض والصراحه انا اسلوبي جميل مع الجنس اللطيف وشفتك كذا مره اسلوبك دفش وينرفز عشان كذا اخترتك مع احترامي الشديد
فارس يكره التعقيد بس ما مداه يتكلم الا ومازن يأشر له على البنت الداخله ووقف وخرج من جهة المطبخ وجات شابه جميله ولابسه حجاب متكامل وجلست قدامه حس انه بدأ يعصب : انت مازن
فارس : لا
البنت : اوك وانا مو فرح
رفع راسه وشاف النادله تحط الاكل والبنت تطالع فيه ومتكتفه : انا مو موافقه يا ريت تقول لاهلك يبطلوا يزنوا على جدي لاني ماراح اوافق على واحد مثلك ابد واضح
ابتسم بسخريه على الي اسمه مازن هز راسه بأيه وبدأ يأكل
فرح : انت ماعندك احساس
تأفف الحين تبدأ تتذمر وتزعل عشان ما اهتم لها حركات البنات قلة عقل
فرح : تاكل وماتعزمني طالع فيها وشافها اخذت شوكه وبدأت تاكل من البطاطس الي في صحنه طالعت فيه : جوعانه وانت ماطلبت الا لنفسك
ابتسم بهدوء ورجع ياكل والمزعجه تاكل اكثر منه المفروض البنات يستحون وهذي شوي وتاخذ اكلي من يدي غير قرقتها الي ما وقفت شاف مازن واقف يطالع فيه لف لها واشر لها : هذا مازن
طالعت وراها ولفت عليه : وانت مين
فارس ببرود وهو يدفع وياخذ كتبه وشنطته : انا مو مازن ولف بيخرج شافها وقفت وراحت لجهة مازن الي تجمد شافها وقفت قدامه تطالع فيه بعدين تكلمت شاف وجه مازن يتغير ويكشر وبعدين خرج وراح لشقته حس بالجوع وابتسم لما تذكر المزعجه وكيف ماخلته يأكل دخل الشقه وشاف عامر جالس يذاكر نزل اغراضه وراح للمطبخ سواء توست بالطماطم والجبنه وكوب عصير وراح اعطاها لعامر
ابتسم عامر : ياقلبي انا على الي يهتمون فيني وشرب العصير واكل من التوست : ماتخيل انه زواج خلود وانا مو موجود
فارس : الله يوفقه
عامر بحزن : امين نفسي ارجع بس المشكله في نص الاسبوع ماحصل يوم افضل اووف فارس مارد عامر كل مايتذكر زواج خالد يزعل وهو مايعرف يواسي احد الافضل انه يسكت .
_________
الجوهره ....
لبست وتجهزت لدوام وخرجت لغرفة محمد حصلته جاهز شافت جوان جايه لعندها ومعاها المشط : تعالي الصاله واخذتها جلستها على الكنبه واحذت المشط ورتبت لها شعرها ورفعته بضفاير ورتبت لها لبسها وشافت يوسف نازل من الدرج : صباح الخير
ابتسمت له : صباح النور تذكرت انها لازم تطبع اوراق انحرجت منه بس مافيه وقت : يوسف عادي تجهز الفطور لصغار نسيت اوراق مهمه لازم اطبعها
شافته ابتسم يوسف : اوك لف بيروح للمطبخ
ولحقته : احمم عادي استخدم طابعتك
شافته ابتسم الين بانت غمازاته : حلالك انحرجت منه وراحت جري لفوق عشان تخلص بسرعه طبعت الاوراق ونزلت لتحت شافتهم جالسين على الطاوله حطت الاوراق في ملفها وجلست اعطاها كوب حليب : مشكور
كملو فطور وراحوا لسياره وصل محمد لمدرسته ووصل جوان
يوسف: ايش الاوراق هذي الي من الصباح منشغله فيها
الجوهره : بيجددوا ملفات الموظفين عشان كذا طبعت اوراقي الثبوتيه ووثيقة التخرج وشهادات الخبره الي قدمت فيها يوسف : ما شاء الله لسا محتفظه فيها
الجوهره : اكيييد
وقف عند مقهى ونزل رجع ومعاه كوبين قهوه وعلبه فيها دونات كالعاده اخذت كوبه وحطت له كيسين سكر وقفلته وخلته عشان يبرد مد يده بياخذه : لسا حاره راح تحترق زي دايم
ابتسم : خاطري فيه اخذه وشرب منه وما انتبه للمطب الي هز السياره وانكبت عليه القهوه : ااااااه الله يلع....
اول مره تشوفه معصب كانت بتضحك بس حزنت عليه القهوه حاره وقف السياره على جنب وبعد القميص عن صدره ونزل نزلت من السياره وطلعت مناديل من شنطتها وقربت منه مدت له المناديل : يألمك !!
يوسف اخذ منها المناديل وبدأ يمسح ملابسه : انا كويس بس لازم ارجع البيت ابدل ملابسي هذا ماراح ينفع ورمى المناديل في الزباله
حزنت عليه مرره لانه القهوه كانت حاره رجعوا السياره ماعرفت ايش تعمل عشان تحسن مزاجه الي انقلب اخذت من الدونات ومدتها له : تبغى
يوسف : مشكوره بس ما احب الحلى الصباح
الجوهره : سمعت انه يخلي الواحد مبسوط عشان كذا
لاحظت انه ابتسم : اجل اعطيني بس قطعه صغيره ابتسمت واعطته جزء من حقتها .
________
يوسف ......
صحي ونزل وقف في نص الدرج شاف الجوهره لابسه تنوره سوداء ماسكه على خصرها وواسعه من تحت وبلوزه بيضاء رسميه على جسمها وجاكيت اسود وشعرها مرفوع بشكل جذاب كمل نزوله وصبح عليهم وكمل مشيه للمطبخ
الجوهره : يوسف عادي تجهز الفطور لصغار عندي اوراق مهمه ونسيت لا اطبعها
ابتسم صار يحب يسمعها تقول اسمه يحسه غير على لسانها : اوك راح للمطبخ بس سمعها تمشي وراه بسرعه
الجوهره : عادي استخدم طابعتك
زادت ابتسامته على شكلها المحرج الي يحبه : حلالك كان راح يضحك على جريها بس شاف جوان ومحمد جايين لاحظ شكل جوان الجميل ابتسم لها ولمس شعرها : ايش الحلاوه هذي كلها
شاف ابتسامتها الي يعشقها : ماما عملتها ليه
دخل المطبخ وصلح لهم حليب وفطاير بالجبنه والزعتر على السريع وحطها على الطاوله شافها راحت لغرفتها معاها اوراق وبعدين جات لهم اعطاها حليب وجلست افطرت بعدين مشوا صار عندهم روتين يودون الصغار لمدارسهم ويمر مقهى قريب من دوامها ويشترون قهوه ويشتري لها دونات جاب القهوه وشافها تحط له سكر جاء بياخذ الكوب بعد ما شم ريحة القهوه ما قدر يقاوم
الجوهره: لسا حاره راح تحترق كالعاده
ابتسم وقال بعفويه ماتطلع الا معاها : خاطري فيها اخذه وهو حاسس بحرارته فجأه اهتزت السياره وانكب الكوب عليه ما انتبه للمطب حس بصدره ولع من القهوه الحاره : الله يلع.. استغفر ووقف على جنب ونزل حس بنار ونغزات في صدره وبطنه عيونه تجمعت فيها الدموع من الالم
الجوهره: يألمك سمع صوتها الخايف حمد ربه انه لابس نظاره شمسيه وماتشوف عيونه مدت له مناديل اخذها وجاء بيمسح ملابسه بس مليانه تغرق بالقهوه : انا كويس بس لازم ارجع ابدل ملابسي هذا ماراح ينفع رمى المناديل في الزباله بعد ما امتلت قهوه رجعوا السياره لاحظ نظراتها كل شويه له
الجوهره: تبغى
لف عينه وشافها مدت له علبة الدونات استغرب منها بس رد بهدوء وهو مو طايق نفسه من الالم الي حاسس فيه : مشكوره بس ما احب الحلى الصباح
الجوهره : سمعت انه يخلي الواحد مبسوط عشان كذا
ابتسم على تفكيرها الطفولي ولانها تحاول تبسطه ما قدر يردها : اجل اعطيني بس قطعه صغيره شافها قسمت له ومدتها له اخذها واكلها ووصلها لعملها
الجوهره : عادي استأذن ونروح المستشفى اذا تعبان
يوسف : لا انا كويس مايحتاج مستشفى بروح ابدل واداوم يالله لا تتأخري على دوامك
الجوهره : طيب اذا حسيت انك تعبان كلمني زين
ابتسم على اهتمامها : طيب ودعها ورجع للبيت بعد مامر الصيدليه واشتراء كريم للحروق دخل غرفته وفك قميصه ووقف قدام المرايه وكشر بعد ماشاف صدره احمرو جزء من بطنه ومع بياض بشرته زاد الحرق وضوح فتح الكريم وحط منه والالم يزيد عض شفته من الالم وراح لبس قميص يتقفل من قدام بأزارير بس يحس بألم من ملمسه لصدره مع انه خفيف لبس جاكيت وراح لدوام كان عنده ثلاث اجتماعات وشغل كثير ماخلص الا بعد العشاء حس بحراره في كل جسمه وحس راسه ثقيل فسخ نظاراته وحس بصداع طلع من الشركه وخلى السواق يوصله للبيت دخل للبيت وهو مو شايف قدامه من التعب جلس على الكنبه ماقدر يطلع لغرفته
الجوهره: يوسف ايش فيك تعبان
سمع صوتها المرعوب وعرف انه شكله مايبشر بخير مد يده لها : ساعديني اطلع لغرفتي شافها واقفه بتردد بس قربت ومسكت يده وحطت ذراعها حول خصره كان فرق الحجم بينهم فضيع بس ما اعطته فرصه يعترض وهي تمشيه حمد ربه انه لسا عنده طاقه يرفع ولو نص ثقله خاف عليها طلعته لغرفته وخرجت بسرعه انحرجت حس صدره يحرقه ويألمه بشكل فضيع فصخ الجاكيت بصعوبه والقميص وانسدح على السرير والالم يزيد عليه من كل الجهات حس بلمسات على كتفه وسمع صوت يهمس له : يوسف راح اعطيك ادويه حس احد يرفع راسه وحسه يعطيه ادويه بلع بصعوبه وهو يحس بألم مكان الحرق حس بشئ بارد يلمسه كل شويه جبينه ويدينه ورقبته بعدها ماعاد حس بشئ حس بنفس الصوت يناديه ويهزه الين فتح عيونه وهو مايشوف زين بس حس بأحد يقومه ويمشيه فجأه حس بحاجه بارده انكبت عليه شهق بقوه وتمسك في الي جنبه بعد ربع ساعه بدأ يستوعب وشاف الجوهره الي متغرقه من فوق لتحت جلسته على السرير وراحت جابت له منشفه غطته فيها وشافها حطت منشفه على اكتافها قربت منه ولمست جبينه وخده حس بكهرباء من لمساتها ودقات قلبه زادت من ابتسامتها راحت وجابت منشفه ثانيه وبدأت تنشف شعره لاول مره يحس بلاحراج وما يعرف يتصرف حس كأنه طفل ماعمر احد اهتم فيه او راعاه ماقدر حتى يطالع فيها
الجوهره: يوسف طالع فيه لازم تبدل ملابسك راح ابدل ملابسي واجي اوك بدل ملابسك هذي هي
وحطتها في حضنه وخرجت مسك ملابسه وراح بدل بس ماقدر يلبس القميص انسدح على السرير بتعب وحس بصداع حس بحركتها رفع يده الي تغطي عيونه ماعرف ايش يقول اشر لها على مكان كريم الحروق شافها جابته ومدته له مد يده بياخذه بس حس يده ترجف حس بيدها الدافيه تمسك كفه : خلاص ارتاح انا راح احط لك كان راح يعترض لانه لاحظ احراجها بس لما شدت على كفه كأنها تطمنه ماعاد عرف بتكلم ، حسها راحت للحمام وسمع صوت المويه شويه وجات حط ذراعه على عيونه عشان ماتنحرج بس كان يشوفها لاحظ شعرها المبلل والمنتثر على اكتافها حس بنار تشتعل فيه من لمساتها الرقيقه لاحظ وجهها المحمر وارتباكها غطى شعرها عليه ماعاد شاف وجهها مد يده وبعد شعرها عن وجهها ومسكه الين خلصت وقفت بسرعه وغسلت يدها وخرجت تنهد بتعب نام بس حس بصوت يناديه : يوسف قوم خذ الدواء حرارتك ارتفعت من جديد فتح عيونه واخذ الدواء ورجع نام حس بأحد يلمس جبينه وخدوده وحس يبشئ بارد يلمس جبينه ورقبته ويدينه وكل فتره تصحيه تعالجه وظل كذا طول الليل .
__________
الجوهره .....
رجعت البيت مع الصغار تغدوا وصحيو العصر وجاء المغرب والعشاء ويوسف ما جاء ناموا محمد وجوان بس هي جلست تخلص كم شغله وترسلها لدوام سمعت صوت الباب وعرفت انه يوسف رجع تركت لابتوبها وراحت تشوف له اذا يبغى عشاء وتشوف كيف صار بعد الي صار الصباح بس انصمدت من شكله وهو جالس على الكنب ووجه تعبان وباين عليه المرض راحت له بسرعه : يوسف ايش فيك تعبان ؟
طالع فيها : ساعديني اطلع الغرفه مد يده لها حست بالاحراج بس مو وقته حطت يده على كتفها وساعدته يوقف وحطت ذراعها على خصره ومشته الين طلعو الدرج ودخلته غرفته انسدح على السرير وهو يأن بألم حزنت عليه وراحت للمطبخ اخذت ثلج في صينيه وعلبة مويه وراحت لغرفتها اخذت خافض الحراره وطلعت لغرفته انصدمت لما شافته من دون قميص لفت ووجهها مولع بس تعوذت من الشيطان ولفت عليه وانصدمت من منظر صدره المحمر تجمعت الدموع في عيونها وهي تسمع انينه اخذت منشفه من دولابه واخذت خافض الحراره ومسكن الالم وجلست جنبه : يوسف راح اعطيك ادويه اوك رفعت راسه وحطتها في فمه وشربته المويه وبلعها بصعوبه اخذت المنشفه والثلج وبدأت تكمد له بس ماحست فيه فايده خافت عليه وبدأت دموعها تنزل ماخطر في بالها الا فارس
اخذت جوالها واتصلت عليه وهي تدعي يرد : فارس يوسف تعبان ومو عارفه ايش اعمل
فارس بهدوء : اهدي وقولي لي ايش فيه
الجوهره وهي تمسح دموعها : الصباح انكبت عليه القهوه بس مارضي يروح المستشفى المهم الحين جسمه محمر مرره ويأن من الالم وحرارته مرتفعه مره اعطيته خافض حراره وسويت كمادات بس مو راضيه تنخفض
فارس : لازم تخفضي حرارته خليه يتروش بمويه بارده
الجوهره ودموعها رجعت تنزل : طيب يالله بعدين بكلمك واطمنك وقفلت لفت على يوسف الي شبه مغمى عليه وحاولت فيه الين صحي وقفته ومشته للحمام حطته تحت الدش وشغلت المويه حسته فز من المويه بس مسكته واتغرقت تماما كانت ماسكته من خصره وهو لما فز تمسك فيها وصارت لازقه فيه انحرجت بعد ربع ساعه طلع لفته بمنشفه وهي متغرقه نفس حالته اخذت منشفه وحطتها على اكتافها قربت منه ولمست جبينه وخدوده ارتاحت لما حست انه راحت الحراره وفتحت دولابه وطلعت له بنطلون بيجاما وقميص وقربت منه وهو باقي متعب ومو مركز اخذت المنشفه ونشفت شعره اعطته الملابس : يوسف طالع فيه لازم تبدل ملابسك راح ابدل ملابسي واجي اوك بدل ملابسك هذي هي
وحطتها في حضنه هز راسه وخرجت وراحت لغرفتها بدلت ملابسها و طلعت عنده شافته لابس بنطلون البيجاما من دون قميص ورامي نفسه على السرير ومغطي عيونه بذراعه شافته رفع يده وطالع فيها اشر لها على التسريحه شافت كيس صيدليه اخذته وشافت كريم حروق اخذته ومدت له رفع يده ولاحظت انها ترجف حزنت عليه مسكت يده ونزلتها : خلاص ارتاح انا راح احط لك شدت على يده وبعدين راحت للحمام غسلت يدينها زين نشفتها وقربت منه حطت الكريم على اطراف اصابعها وبدأت تحط على صدره لاحظت جسمه الرياضي انحرجت مره وحست الدم اندفع لوجهها شعرها كان مضايقها وهو يجي على وجهها تبعده ويرجع حست بيده بعدت شعرها ومسكته بلطف حست بدقات قلبها توصل مليون بلعت ريقها وكملت شغلها بخجل شديد خلصت ووقفت بدون لاتطالع فيه راحت للحمام غسلت يديها وشافته مغمض عيونه خرجت بسرعه وراحت لغرفتها قفلت الباب وتكت ظهرها على الباب نزلت دموعها وحطت يدها على قلبها الي تحس بدقاته كأنها ركضت ميل : ايش فيك يالجور يارب ريحني وراحت لفراشها طفت النور ونامت بعد ما ارسلت لفارس تطمنه وظلت طول الليل تطلع تطمن عليه وتعطيه خافض الحراره كل اربع ساعات زي ماقال لها فارس حمدت ربها انه نايم كل ماجات تطمن عليه تصحيه ياخذ الدواء ويرجع ينام .
________
ليان ......
مشاكل اهلها زادت وهي تعبت خلاص تحس راح تنفجر من امس الظهر وهي في المستشفى ما تبغى ترجع ومالها نفس في الاكل نزل وزنها بشكل فضيع عظام وجهها صارت بارزه حتى النوم عيونها انحرمت منه راحت للأستقبال تشوف نتايج التحاليل الي طلبتها وصلت من المختبر بس فجأه حست كل حاجه تدور حولها وماعاد حست بشئ
________
عز ....
يشيك على المرضى ويحس بصداع من امس في الليل وهو في المستشفى عشان حالة واحد من مرضاه تأزمت فأضطر يناوب عشان يراقب الحاله ملكة خالد الليله فاجئهم خالها بأنه ملكه بس والزواج يبغونه بعد شهرين عصب خالد بس لما طلبته حرمه كبيره على مايبدوا جدتها استحى منها ووافق حس انه اخوه متعلق في البنت بس ماعرف كيف يعرفها خالد باين متضايق من خالها مرره بس مشى الليله وخلاها ملكه عاديه تذكر اشغاله الي لازم يسويها وهوما ارتاح و لا نام : اووووف فجأه شاف الممرضات يركضون ركض وراهم وشاف الناس مجتمعه عند الاستقبال دخل بينهم وشافها وقف بصدمه هو لاحظ عظامها الي برزت من النحف الزايد وشحوبها والساعات الزايده الي تقعدها في المستشفى
: دكتور اعمل حاجه
حس بنفسه قرب منها وحط يده تحت رقبتها والثانيه تحت رجولها ورفعها حس كأنه شايل طفله وزنها خفيف مشى بسرعه وقلبه يدق بسرعه من قربها حطها على سرير وركب لها مغذي وطلب تحاليل كامله وما طلع جلس عندها الين بدأ يحس عيونها تتحرك وفتحتها ببطء قرب منها : دكتوره تسمعيني
شافها تأشر على المويه اخذها وقربها منها اخذتها وشربت شويه ورجعت انسدحت : ايش صار
عز بحده : اغمى عليك تغذيتك سيئه والارهاق التعب الي انت فيه جسمك ماتحمله انت دكتوره المفروض تكونين اوعى من كذا وترحمين نفسك
شاف ذقنها يهتز وندم على عصبيته عض شفته لما شاف دموعها تنزل : لا تصرخ عليه مو ناقصه انا وغطت وجهها وبدأت تبكي قرب منها بس تراجع لما حس بنفسه تنهد بقهر نفسه يضمها يهديها يحميها كره عجزه طلع من الغرفه بسرعه مايبغى يسمع صوتها تبكي راح تطمن على مريضه وراح مكتبه فسخ البالطو واخذ اغراضه وطلع للبيت اول ما وصل شاف خالد اخذه وراحوا للحلاق تزبطوا وراح خالد للقاعه يجهز وراح عز شيك على العشاء وتأكد من انهم فاهمين المطلوب وجهز الضيافه عند الرجال والحريم حس عز انه ميت تعب بس فرحته في خالد لا تضاهى بعد العشاء كانوا جاهزين وواقفين في الاستقبال طالع في خالد كان وسيم جدا طويل وعريض ومعضل اسمر وعيونه سوداء ورموشه كثيفه وعنده غمازه في خده اليسار وشعره اسود قصير وكم شعره بيضاء في دقنه معطيته هيبه وجاذبيه اكبر عز كان قريب منه في الطول والعرض بس جسمه اصغر رياضي سماره فاتح عنده غمازات وعيونه نفس خالد سوداء ورموش كثيفه شعره اسود ناعم لاخر رقبته بدأ الناس يدخلوا الساعه 9 جاء الشيخ وتمت الملكه والساعه 11 دخلوا الناس للعشاء عز كان مهلوك من الشغل وتعب من الملكه جلس على الكنبه
وشاف عامر يتصل عليه : ايش تبي انت مرتاح وجالس وانا مكروف كرف الله يذوقك في زواجي ماحد راح يكرف غيرك انت وفروس ااااه يا ريجيلاتي قسم تكسرت
عامر : هههههههههههههه كأنك عجوز ابو 70 سنه كيف العريس بس والله نفسي اكون معاكم كنت راح اجيكم واسحب يومين بس فارس ما خلاني
عز : على كيف اهلك تسحب تراك مو في السعوديه عذر طبي وتمشي بيسحبون منك البعثه وتجلس فاتح فمك خلك في دراستك وان شاء الله في الزواج تحضرون
عامر : ان شاء الله
عز شاف خالد يأشر له قفل من عامر وراح له : امر
خالد : ايش فيك ماتعشيت
عز : كنت اكلم عمير الحين بروح اتعشى وراحوا مع بعض
بعد العشاء جاء خال العروسه وقال لخالد يدخلون عشان يلبسها الشبكه : والله صرت عريس حقيقي يابو العز
خالد : يا مكبر احلامك
ضحك على اخوه الي باين متوتر ومرتبك : السلسال هنا واشر على صدره والخاتم هنا واشر على اصبعه والاسوره هنا واشر على معصمه ضحك على وجه خالد المعصب
خالد: الشرهة علي الي معطيك وجه واسمع لك فايق انا
عز ابتسم : انت هدي وابتسم لا تخرع بنت الناس ابتسم وراح مع خالها.
_________
الجوهره ....
صحيت من بدري وهي تحاول تطمن وعد وتسمع لتذمراتها الظهر سوت الغداء وتغدوا سواء يوسف تحسنت صحته وصار يجلس معاهم بس الحروق باقي باينه على المغرب جهزت جوان ومحمد وراحت تتجهز تروشت وسوت شعرها فير وفكته حطت مكياج ناعم ورسمت عيونها بشكل جذاب لبست فستان اخضر غامق ماسك على الجسم ومفتوح من عند الصدر والاكتاف بشكل دائري ومن تحت لنص الساق ولبست ذهب ناعم وكعب ذهبي وخلخال طلعت ملكة جمال طلعت لصاله عشان تاخذ البخور وحطته في غرفتها ولبست عبايتها وطلعت : يوسف اذا تعبان نروح مع خالي ارتاح انت
يوسف : لا انا بوصلكم واذا خلصتوا ارجعوا مع خالك
الجوهره : طيب بس لا تنسى الدواء حقك والاكل لا تاخذه وانت ما اكلت شئ
ابتسم : طيب طيب يالله لسياره واخذ منها كيس الهديه وراحوا لسياره وصلوا للقاعه : انتبهي للعيال وانتبهي لنفسك ا
بتسمت على كلمته : ان شاء الله فمان الله ونزلت دخلت للقاعه فسخت عبايتها ورشت لها عطر ولجوان ومحمد ورتبت نفسها وقرأت عليهم الاذكار ودخلت شافت ناس ماتعرفهم واضح انهم اهل وعد شافت جدتها راحت لها وسلمت عليها وقعدت تسمي عليها شافت جدة وعد سلمت عليها وراحت لوعد تركت جوان ومحمد مع جدتها دخلت على وعد الي باين التوتر عليها : السلام
رفعت عيونها وبكت
انفجعت الجوهره : ايش فيك بسم الله
وعد : خلاص ماعاد ابي اتزوج احس بموت من الخوف
ضحكت الجوهره : اافففااا الحين وين الي بتقوي شخصيتي والضربه بضربه هااا
وعد وهي تمسح دموعها : مو وقت تريقتك ابد
الجوهره : لا تخافين ربي يكتب لك الخير بعدين ملكه بس مو زي حالتي
وعد : المشكله خالي ما قاله الا امس اخاف يزعل ويسحب علي
ابتسمت الجوهره : ابركها من ساعه مو انت هونتي ما عاد تبغين
وعد تخصرت : بسم الله علي يحصله يتزوجني ويسحب والله لا اطين عيشته
ضحكت الجوهره : ماعرفنا لك المهم مكياجك عجييب ان شاء الله الفستان عجبك اخذته من صحبتي بس مالبسته غير يوم واحد لملكتها
ابتسمت وعد : تسلمين ماعرف ايش كنت راح اسوي بدونك قسم خوالي ناوين يذبحوني المكياج يبغاله تعديل بعد الانهيار العصبي الي قبل شوي ابتسمت الجوهره ولا يهمك انا اعدلك
