يوسف ...
طلع الغرفه يبغى يقعد لوحده جلس في مكتبه وارخى راسه على الكرسي بتعب تذكر لما عمره 12 وكان في ميتم لقيط ولد الحرام ياما نادوه فيها او سمع الهمس فيها وشكله الاجنبي كان الشئ الي اكد لهم كره نفسه بس البرود بدأ معاه من الصغر يمكن لو انه ماتصنع البرود والقسوه كان مات من القهر تصنع البرود الين صارت صفه من صفاته ، لما جاء رجال كبير في السن نفس شقاره ونفس لون عيونه يذكر صدمته لما قاله انه جده وراح ياخذه معاه اخذه وسافروا بريطانيا وطلع له اسمه وجوازه وكل حاجه قعد 6 شهور ما شاف احد غير جده تعلم اللغه بسرعه لما سأل عن امه قاله جده انها تزوجت وسافرت وماتبغى يكون لها علاقه معاه ابد كانت اول طعنه تجيه عشان كذا ألمها كان اكبر بعد سنتين وبعد اصراره جده حكاه قصة امه وابوه وكيف انه كان عايش في ميتم بالسعوديه وهو بريطاني ابوه كان مبتعث لما تعرف على امه كايتلين وتزوجها وبعد ماخلص سافر وتركها بعد ما اكتشفت انها حامل سافرت لعنده بس رفض يعترف فيها وفيه واهله رفضوا واكتشفت انه متزوج وعنده اولاد وانه اخذ ممتلكاتها الي اعطته توكيل عليها بعد ما اقنعها انه يعرف ناس يمشون لها امورها في السعوديه خلاها تشتري له بيوت واراضي واخذها له جلست الين ولدت وتركته ورجعت لبلدها بعد ماعرف قرر ياخذ اسمه ونسبه مو له بس للمستقبل بعد 6 شهور زادت األامه بموت جده سنده الوحيد في الدنيا كتب جده البيت وممتلكاته الباقيه بأسمه كانت لابأس بها بس مو كثيره رجع السعوديه بجنسيه بريطانيه واتجه مباشره لمكتب محاماه ورفع قضية اثبات نسب وبعد سنه ربح القضيه واخذ اسمه وجنسيته الثانيه بس ماينسى كلامهم واحتقارهم له وكيف عمه زايد تفل عليه عند باب المحكمه وناداه بأسوء كلمه في حياته ابن الحرام رجع بريطانيا وكمل دراسته ورجع لسعوديه قدم على الجامعه ودرس ادارة اعمال وتخرج بمرتبة الشرف وتوظف في شركة ابو منى وبعد سنه من الحيل تزوجها وانطرد من شغله واضطر يشتغل في شركه صغيره بس زن منى خلاه يرجع لابوه ويطالب بحلال امه الي انذل وانهان عشانه وماحصله كله عشان منى ولومها المستمر بأنها تركت اهلها عشانه وهو مو راضي يضحي عشانها مايعرف ليش تمسك فيها يمكن عشان رغبته الشديده انه يكون عنده عايله حتى لو ضحى بكرامته في سبيل رضاها وماناله ابد تنهد بألم ولاحظ الساعه كيف تأخر الوقت طلع وراح لصاله شافها فاضيه راح لغرفة جوان كانت نايمه جلس جنبها ومسح على شعرها وباس جبينها وحس بغصه في صدره لما جاته جوان وهي مولوده وشم ريحتها نزلت دموعه لاول مره وحس بالقهر من اهله كيف قدروا يرموه كذا معقوله ماحسوا بلي يحسه وهي بين يدينه كيف قلوبهم طاوعتهم يرمونه كذا اكيد ماعندهم قلوب ولا كيف احد يقدر يترك ولده لحف جوان وخرج راح غرفة محمد وابتسم على شكله البطانيه في الارض وهو متكور على نفسه شال البطانيه وغطاه ومسح شعره البني وباس راسه وخرج وطلع لغرفته دخل وسمع صوتها في الحمام انسدح على السرير بتعب حس فيها خرجت وشم ريحتها وهي تقرب منه وتنسدح في حضنه
الجوهره : حبيبي ايش مضايقك
ابتسم وطالع فيها : رحت لاهل ابوي اليوم عشان كذا متضايق
الجوهره :زعلوك قول الله يسامحهم انت قلت انه مابينك وبينهم شئ لا تزعل نفسك وتحقد محد بيتعب غير قلبك يا قول حسبي الله عليهم وربك يتكفل فيهم يا قول الله يسامحهم وعيش حياتك وانت خالي البال من كل الحقد والزعل طالع فيها ونزلت دموعه لاول مره جلس ومسح دموعه بسرعه حس بيدينها تحاوط خصره وارخت راسها على ظهره : لا تسوي كذا الله يحاسبهم على كل الي عملوه نزلت دموعه اكثر وغطى فمه سنين وهو كاتم لانه مافيه احد ممكن يشتكي او يحكي له بس الحين لقي الي يشيل معاه شويه من حزنه دموعه ماوقفت قربت منه وارخى راسه على صدرها وقعدت تمسح على راسه الين نام نزلت دموعها حزن عليه وهي متأكده مانزلت دموعه من حاجه سهله ابد بعد ساعه صحي وهو حاس براحه غريبه شاف هو نايم فين بعد عنها وحط يده على بطنها برقه وابتسم وباس بطنها بحب شافها نايمه بعمق اخذها لحضنه ورجع نام وهو يحمد ربه على النعمه الي جاته من دون لاحول منه ولا قوه .
___________
لؤي ...
عصب من منظر اخته بس خالد ما اعطاه فرصه يعمل اي حاجه شالهم كلهم للحجز الي برد قلبه انه مجاهد هو الي ماسك التحقيق راح لموعده عند الدكتور النفسي الي خالد اصر انه يروح له
دخل وجلس عند الدكتور : ايوه يا لؤي ما تبغى تتكلم معايه كالعاده
لؤي : ايش راح يفيد الكلام
الدكتور : وايش راح يضر فيه
لؤي : ايش تبغاني اقول
الدكتور : ليس ماتبغى احد يلمسك
لؤي ابتسم على السؤال المباشر : انقرف من اللمس
الدكتور : ليش تنقرف
اقشعر جسمه من الي تذكره وقرر يحكي ويشوف اخرتها مع الدكتور حكى كل حاجه وحس انه راح يستفرغ راح للحمام بسرعه واستفرغ ونزلت دموعه مشكلته في ذاكرته الفولاذيه الي تخليه يتذكر كل لمسه كل نفس كل احساس حسه بكى بتعب من كل الي يحسه رجع مع الدكتور للمكتب وتكلموا اكثر قرر يجرب العلاج والجلسات هذي يمكن يرتاح لانه الانتقام ماريحه ابد .
_____________
وعد وخالد .....
دخل عندها خالد وكانت تصلي خلصت وجلست على السرير بتعب : تقبل الله
ابتسمت له : منا ومنكم صالح الاعمال ايش عندك
ابتسم خالد : انت ايش عندك
وعد : ما ابغاك تزعل
خالد وهو عارف السالفه بس يبغاها تتكلم : ماراح ازعل اكثر مما انا زعلان
لمست خده : مافهمت ايش يبغون بس كل الي قالو لي انهم بيرفعون قضية خلع وبعدها بيزوجوني ولد خالتي
عصب وبان عليه وعد : لاتزعل مايستاهلون تزعل نفسك عشانهم
خالد : جدتك كتبت ورث بإسمك ارض والبيت عشان كذا ماكانوا يبغوك تطلعي من عندهم و يروح ورثهم للغرب
لاحظ صدمتها ودموعها الي متحجره في عيونها انسدحت وغمضت عيونها : ابغى انام
باس جبينها وطلع وتركها رتب قسمه عشان ترجع معاه
نزلت دموعها ومسحتها مايستاهلون يا وعد مايستاهلون ربي يجازيهم في الليل جاء خالد وجلس جنبها ومسح على شعرها وحرك يده على خدها والكدمات الي على شفتها حس بدمه يفور شافها فتحت عيونها بعد يده وابتسم لها
ابتسمت له : امي ماراح تجي
خالد : خالك ما رضي يخليني اجيبها بس لما نطلع راح تزورك اكيد
شاف دموعها الي نزلت فجأه حست انه ماعاد لها احد حتى جدتها بيحرموها منها نزلت دموعها الي ماتنزل قدام احد ابد وطلعت شهقه من جوه صدرها : يعني خلاص صرت وحدي
مسح دموعها بحنان : وانا وين رحت ولا ماتحسبيني من اهلك
ابتسمت وسط دموعها وجلست ومسحت دموعها الي تعاندها وتنزل قربت منه وحطت راسها على صدره تجمد من حركتها لثواني لف يدينه حولها وحس يدينها على ظهره : انت امي وابوي واهلي كلهم لا تتركني ابد يا خالد
شد عليها : انا ماصدقتك تكونين لي ما اتركك لو على موتي انت ماتدرين ايش كان راح يصير فيني لو صار لك حاجه كنت راح اموت
مسحت على ظهره : بسم الله عليك بعدت عنه وابتسمت له : بموت جوع واكل المستشفى يبس بطني
ابتسم ابتسامه عريضه : يخسى الجوع وانا ابومجاهد ضحكت : يا واثق اول ولد بسميه لؤي رفع حاجبه : اشوف مقرره وخالصه ولا كأني ابوه
وعد : والله اذا بتحمل وتولد وتاكل زفت ابشر من عيوني سمي مجاهد جيفارا الي تبي
ابتسم : اذا جاء هذاك اليوم افكر
وعد : بس اول واحد بعدين انت قرر الباقين
ابتسم وباس خدها : الله يعجل بهذي الايام
احمر وجهها بخجل : قوم قوم جيب العشاء
ضحك على حركاتها وخرج ابتسمت قد ايش تحب هذا الانسان شافت جوالها يدق كان لؤي ردت بسرعه : يا هلا بسمي ولدي
لؤي : ولد ايش مستعجله حضرتك
ضحكت : كيفك وحشتني
لؤي : كنت عندك الظهر بس كنتي نايمه
وعد : لازم تجيني مره ثانيه وجيب وسن وعمر معاك
لؤي: ان شاء الله كيفك انت
ابتسمت : الحمدلله خالد مو مقصر ابد
لؤي : بعد ماتطلعين بتجين بيتي الين يوم زواجك وبعدها بزفك بنفسي لبيت زوجك لاتظني ابد انه مالك ظهر وسند لا تنسين انه وراك لؤي الي يحرق الدنيا ومافيها عشان خاطرك وخوالك ماسكتني الا انه الي ماسك قضييتهم اعرفه وواثق فيه ولا كنت تصرفت معاهم
نزلت دموعها : الله يخليك لي
لؤي : انا بكلم خالد لا تشيلين هم وانتبهي لنفسك وانا بكره راح اجيك واطلعك
ماكانت تبغى ترجع لبيت خالتها زوجة ابوها : لؤي ما ابغى اضيق عليكم
لؤي : انا وانت راح نعيش في بيتي انا الين يوم الزواج وبعدها برجع بيت امي لا تشيلين هم ابتسمت ودعت لاخوها الي ماعمرها حست انه اصغر منها دايم تحسه الكبير الي يسندها ويداريها .
__________
عز...و ليان......
طاير من الفرحه مع انه ليان تعامله ببرود قاتل بس راح يبين لها قد ايش هو يبغاها ويحبها شافها رايحه للكفتيريا راح وراها : احمم ليان ممكن نتكلم
ليان ببرود : عندي شغل
عز : طيب ليش رايحه الكفتيريا
ليان : باخذ كوفي
عز : يعني ماعندك شغل
ليان وهي معصبه منه ومن اهلها الي وافقوا على خطبتها وهي ماتدري : انا ماوافقت على الخطبه ولا راح اوافق ولفت بتروح
عز لحقها : ليش ماتوافقين ايش فيني مو عاجبك
ليان : الرجال كلهم مايعجبوني
ابتسم عز : يعني اعتراضك مو عليه شخصيا حلو خليتيني اتفائل حسبت انك حاقده عليه عشان خليتك تبكين كذا مره والله مو بقصدي
ابتسمت على كلامه الي ما ينتهي وصلوا مكتبها وهما بس يراددوا بعض : انت ليش خطبتني انا مطلقه ودكتوره ونكديه وبارده ومو ذاك الحلا واهلي خسروا فلوسهم وشركاتهم
طالع فيها عز وقال بكل صدق : لاني احبك
فتحت عيونها من كلمته وجهها حمر ودخلت المكتب وقفلت الباب وابتسمت بفرح لاول مره احد يقول لها هذي الكلمه ويقولها لها من قلب غطت فمها بكفها ونزلت دموعها حطت يدها على قلبها باقي يدق بسرعه عز ابتسم على ردت فعلها ومو قادر يصبر لبعد ثلاثه اسبابيع .
___________
لؤي .....
راح لموعده في المستشفى وخرج وكلم وعد الي ما وقفت دعاوي له ابتسم بحب لها حصل رقم غريب يتصل عليه كان متعب جدا كالعاده بعد جلسات العلاج النفسي يحس انه مهلوك ومو طايق شئ : نعم
صاحب الرقم : الاخ لؤي الجاسر
استغرب : من يبغاه
صاحب الرقم : انت تعرف عماد ال....
. لؤي عقد حواجبه بتملل من السيره : ايش تبغى
صاحب الرقم : اخوي عماد اعطاني رقمك قبل فتره وقال لو صار له شئ اكلمك اخته في المستشفى وحالتها صعبه وتسأل عنه مو عارف ايش اقول لها هي في مستشفى ال..... غرفه b34 الدور الرابع
لؤي : قولها انه مات انا ايش دخلني
صاحب الرقم : انا ايش دخلني انت المسؤول وقفل
ركب السياره ورجع البيت حاول ينام بس ماقدر طلع وراح للمستشفى دخل الين الغرفه دق الباب وماسمع صوت استغرب من نفسه ايش راح يسوي ايش راح يقول لها ايش جابه اصلا رجع مشي للأصنصير
: انت لؤي صح
سمع صوت ناعم وقف ولف لجهتها كانت متحجبه ولابسه قناع طبي وباين المرض على جسمها الهزيل هز راسه
: عماد مات ؟
هز راسه بأيه شاف دموعها نزل عيونه وبلع ريقه شافها لفت بترجع لغرفتها وهي تسحب المغذيه معها وجعه قلبه عليها مايعرف ليش حصل نفسه يمشي وراها يحاول يساير خطواتها الصغيره
لفت عليه : ما يحتاج توصلني لا تخاف ماراح يغمى عليه
لؤي وقف وقعد يطالع فيها الين دخلت غرفتها وهو يسمع شهقاتها دق الباب وشافها سادحه ومتلحفه ومعطيته ظهرها دخل
: كيف مات ؟
لؤي : كمين لشرطه
سمع صوت بكاها وجلس بتعب على كنبه في نهاية الغرفه مايعرف ليش بس يبغى يشوف احد يعاني زيه
: متى وليش ماحد بلغني
لؤي : ماعرف بدأت تكح واشرت على اسطوانه الاكسجين وقف بسرعه وقربها منها ومد لها الانابيب الرقيقه الي طالعه منها شافها جلست بتعب وارخت نفسها على الكرسي الي رفعته لوضعية الجلوس واخذت الانبوبه منه وفكت القناع وحطت جزء منها في فتحات انفها ورجعتها وراء اذانها وانسدحت وهي تتنفس بصعوبه رجع مكانه وجلس
: ايش تبغى الحين
لؤي : ايش مرضك
ردت بتعب : سرطان
لؤي ببرود: كيف العلاج
ردت ببرود : متعب
لؤي : تبغين تموتين
طالعت فيه ورجعت طالعت في الشباك : لو ابغى اموت ماكنت جلست في المستشفى اتعالج
ابتسم بسخريه : طيب ليش تبغين تعيشين يا ..
طالعت فيه ولفت لجهته : انا ساره وابغى اكمل دراستي وابغى اتزوج واجيب ولدين وبنتين وابغى اكبرهم وازوجهم وابغى اعيش مع عايله وابغى اعيش سعيده ومرتاحه عشان كذا ماراح اموت وراح اتعالج واعيش واعمل كل الي نفسي فيه تقدر تتركني في حالي الحين
انصدم من اجابتها وحس بإحساس غريب كيف عنده الصحه والشباب وماعمره فكر في عيله او اطفال او حتى مستقبل وقف وطلع ورجع البيت ابتسم لما تذكر كلامها .
■■■ بعد 4 شهور ■■■
الجوهره ويوسف ....
وقفت قدام المرايه وطالعت في نفسها لابسه فستان الصدر ذهبي وماسك وواسع من تحت الصدر بشيفونات بنفسجيه الين نص الساق وبارز بطنها الكبير ولابسه حذيان واطيه ذهبيه وفاكه شعرها على طبيعته وظفرته من الجنبين وفكت غرتها : ايش الجمال هذا بسم الله ما شاء الله
ابتسمت ولفت له : يا شين الكذب
ضحك : حلوه ولي خلقك قمر
ابتسمت : خلاص بصدقك وين جوان جهزت
هز راسه : بس شعرها ماعرفت اسويه زي ماتبغى
الجوهره : يالله خلني اخلصها ونروح الزواج انت ساعد حمودي
مسك يدها : ابشري
وراح مشت ببطء وجلست في الصاله ونادت جوان سوت لها زي شعرها شافت فارس : فارس تعال قومني قرب منها ومسك يدها وقومها وابتسمت على شكله طالع وسيم بثوب والشماغ ومسوي دقنه ديرتي وطالع جذاب : اقرأ الاذكار ا
ابتسم وطالع فيها : وانت بعد
ابتسمت : انت ويوسف بتكبرون راسي اليوم يالله قبل لا نتأخر
شافت يوسف جاء لابس بذله سوداء بالكامل ومحمد لابس بذله سوداء زيه ضحكت وصفقت : بسم الله عليكم لا تنسون تقرأون الاذكار جابت جوان البخور اخذته وبخرت يوسف الي ماوقف ابتسامات وبخرت فارس نط محمد على الكنبه عشانها ماتقدر تدنق وبخرته وباست خده وبخرت جوان وخلتها تلبس عبايتها وخرجوا وصلو القاعه نزل فارس ومحمد
وراح يوسف وصل الجوهره وجوان لمدخل الحريم نزل وساعد الجوهره تنزل : انتبه لمحمد
ابتسم وحط يده على بطنها وعلى راس جوان : وانت انتهي للكل وانتبهي لنفسك ولف بعيونه حولهم وقرب وباس راسها
يوسف.......
انتظر الين دخلوا القاعه ورجع وقف السياره ودخل قاعة الرجال سلم على خالد وابتسم على عز الي باينه الفرحه من عيونه وعامر وانصدم من اهل العروس ولف ماسلم عليهم وراح جلس جنب فارس
جاء محمد يجري : بابا بابا ابغى فلوس
عدل ملابس محمد الي انفكت ولاحظ نظرات عمه عبدالله وعياله وكم واحد شك انهم اخوانه فيهم شبه من ابوه : ليش
محمد بحماس : بشتري ايسكريم
يوسف : حبيبي بعدين بتتوسخ ملابسك واحتا راجعين اجيب لك تمام
ابتسم : تمام وكمان عشان نشتري لجوان عشان ماتبكي علينا
ضحك وابتسم فارس على كلامه راح يلعب
فارس : تعرفهم ولف عيونه لجهة اهل العروس
يوسف : اهل ابوي
فارس : نكرهم ولا نحترمهم
ابتسم يوسف : مابينا وبينهم شئ
ابتسم فارس : مالي نفس للمجاملات اساسا
ابتسم يوسف : ومن متى انت تجامل
فارس : عشانك بس ممكن اسويها
ضحك يوسف : لا اجل ريح نفسك
جاء عامر وجلس معهم : يا لبى ارض الوطن كيفك يابو جوان
يوسف : الحمدلله عقبالك انت وابوفراس ابتسم فارس
عامر بسخريه : الله يسمع منك واشوف فارس يحس بالفرح وكذا وضحك
وفارس كشر وضربه على رجله يوسف حس انه فيه سالفه بس ماحب يحرج فارس شويه وجاهم عز وهو طاير من الفرحه : عمير قوم انقلع ساعد خلود
عامر بتذمر : شغاله عند ابوك انا كارفني من يوم رجعت. شوف خويلد جالس الا بتطلع لي شغله من تحت الارض
عز : قوم بس شوف للعشاء انا عريس ما اشتغل
عامر : اقول لا تخليني انسدح هنا واخليك تأجل زواجك المنحوس ذا
قرب عز وباس راس عامر : لا تكفى ماصدقت جاء الزواج وكلنا عايشين خلك جالس انا اكرف ولا يهمك ضحكوا على كلامه ووقف فارس وسحب عامر من ثوبه وراحوا لصالة العشاء يجهزون
جلس عز جنب يوسف وجاء خالد : كيفك يا يوسف
ابتسم لهم ماعمره كان عنده اصدقاء بس حبهم الثلاثه هذولاء : تمام بخير وعافيه
عز : انتوا اقارب اذا انا مو غلطان زوجتي حكت لي انك ولد عمها
يوسف : ايه ولد عمها بس مابينا علاقه يعني بلأسم بس
جاء محمد : بابا فارس وين
ابتسم يوسف : ايش تبغى فيه
محمد : لا بس ابغى اعرف وين راح عشان اروح معاه
خالد : تعال انا اوديك عنده انتبه على العريس لا يفشلنا بس
عز : هو غلط واحد وانت ماسكه علي ضحك خالد واخذ محمد
يوسف : قول لفارس ينتبه عليه خالد اشر على عيونه يعني من عيوني
عز : اووف احس اني متوتر مرره
يوسف : شئ طبيعي
عز : الصراحه ماعرف كيف انت وليان من نفس عليلتهم فرق كبير
ابتسم يوسف لان عدم الرضى باين في صوت عز يوسف : ليش ايش شفت منهم
عز بحزن : انا ما شفت منهم الا المظاهر الي يخدعون الناس فيها بس ليان هي الي انضرت
يوسف : خلك من الغثاء اليوم اسعد يوم لاتفكر غير فيك وفيها
اشر له عز على ثلاثه جالسين جنب عبدالله : هذولاء اخوانك نفس الاسم
يوسف : تقدر تعتبره تشابه اسماء
ضحك عز : ازين لك صدقني .
الجوهره ....
فسخت عبايتها واخذتها جوان وحطتها في الامانات وجابت الرقم ابتسمت لها الجوهره قد ايش تعشقها دخلوا وشافت وعد جايه لجهتهم ابتسمت لها : ياهلا والله بأم كرش
سلمت عليها وعلى جوان : زحفي عني ابغى اجلس رجولي تكسرت
ضحكت وعد : تعالي اجلسي هنا واخذتها لطاوله
وجلست بتعب وجلست معاها
جوان وقفت : ماما بروح مع البنات
طالعت وشافت بنات من جماعة وعد : روحي ماما بس كل شويه تعالي عشان اتطمن اوك
هزت راسها وراحت معاهم
وعد : كيفك
الجوهره : تمام بس ابغى اولد واخلص الله يعين بس كيف العروسه
وعد بحزن : تحزن ياقلبي تخيلي اخواتها وامها جالسين كأنهم ضيوف بس انا حاولت اساعدها بس خجوله مره احسها تستحي مني
جات سلوى شايله ولدها : يويلي كرهت الحمل وشوفتك تذكرني فيه وجلست
ابتسمت الجوهره : ادعي لي الله يحفظ اك عبدالرحمن يزنن ماشاء الله
ابتسمت سلوى : الله يقومك بسلامه يارب وعيد مافيه شئ بطريق
وعد بدلع مصطنع: حاجه خاصه فيني انا وخلودي
سلوى : وع وع وع مو لايق الدلع لوعتي كبدي اقبله من هذي مايعه وخالصه واشرت على الجوهره بس انت مو لايق ابد
ضحكت الجوهره على صراحة سلوى ووجه وعد الي عصب : اهم شئ دلعي عاجب زوجي الله يعينك يا عبيد على لسان زوجتك ذي
سلوى : تلاقين المسكين يجاملك وصابر المهم قومي شوفي للعروسه المسكينه لوحدها من اول
وقفت وعد بتروح الجوهره : نادي لي جوان الله يسعدك
وعد : خليها مع البنات
الجوهره : ابغاها تجيب لي جوالي في شنطتها وعد : طيب
كل سوالفها مع سلوى ضحك شافت جوان جايه والطاوله الي قدامهم عيونهم مانزلت من عليها ويتساسرون خافت عليها مره قامت سلوى ترضع ولدها
جوان: ايوه ماما
الجوهره مسكتها وجلستها جنبها واخذت الجوال وقرأت عليها وهي تسولف معاها وبعدها خلتها تروح تجيب لها مويه وخلتها تروح للبنات شويه وجات حرمه جلست معاها على الطاوله : السلام عليكم
ابتسمت : وعليكم السلام والرحمه
الحرمه : معليش على السؤال بس هذيك بنتك
استغربت : ايوه بنتي ليش تسأليني
الحرمه : ابد فضول عن اذنك وقامت ما ارتاحت لها الجوهره ابد
بعد ساعتين بدأت تحس بتعب جاتها وعد : ايش فيك
الجوهره : ابد بس ظهري يوجعني من الجلسه
وعد : امشي شوي يمكن ترتاحين
الجوهره : ما اظن ابد رجولي توجعني بس ببارك للعروسه وراح اتصل على يوسف واخرج
وعد : والعشاء
الجوهره والتعب باين عليها : مشكورين وخيركم سابق
ساعدتها توقف وراحوا لغرفة العروسه دخلت بعد ما استأذنت ابتسمت على جمال ليان الناعم سلمت عليها وباركت لها وخرجت نادت جوان وطلعت لصاله الخارجيه ومددت رجولها على الكتب واتصلت على يوسف : هلا حبيبي تعشيت ؟ .. طيب اذا خلصتوا خلنا نرجع .. لا حبيبي لا تستعجل بس تعبت من الجلسه خذ راحتك .. طيب اذا خلصت دق عليه جلست جوان عندها
الجوهره : معليش حبيبتي راح ارجعك بدري
جوان : عادي ماما اهم شئ وقصرت صوتها وقربت من الجوهره البيبيات
ضحكت على حركات بنتها لانهم اتفقوا مايقولون لاحد انهم توئم بعد عشر دقايق دق يوسف وقال لها انه برى جابت جوان العبايات حست بتعب يزيد وألم اسفل ظهرها بس تحملت ومشت شافته واقف عند السياره قرب منها ومسك يدها وحط يده وراء ظهرها فتح لها الباب ودخلت
ولف على جوان ومحمد : اربطي الحزام بابا
جوان : حاضر بابا
حاولت تتنفس بعمق عشان يخف الالم حست بركلات البيبيات ابتسمت بتعب وحطت يدها على بطنها
يوسف: تعبانه ؟ تبغي نمر المستشفى
لاحظت الخوف في صوته : لا بس ابغى اتمدد
وصلو البيت ونزل بسرعه ونزلها وفتح لهم محمد الباب وجوان ولعت المكيف صارت تقعد في الغرفه الي تحت عشان الدرج يتعبها دخلت الغرفه وفك لها العبايه وجلست على طرف السرير وفسخ لها الحذيان حست بركلات حطت يدها على بطنها
يوسف : يألمك
ابتسمت وحطت يده على بطنه وحس بركلات : منطربين طول الليل ماخلوني اجلس ابتسم تمددت وطلعت منها اه وعضت شفتها بتعب ظهرها يألمها بشكل فضيع شافته واقف عندها وباين الخوف عليه : حبيبي روح شوف لجوان ومحمد خلهم يتعشون حبيبتي جوان خليتها تطلع بدون لا تتعشى قرب وباس راسها
يوسف : اذا احتجتي حاجه ناديني
هزت راسها وخرج غمضت عيونها بتعب صحيت بألم فضيع في ظهرها نزلت دموعها جلست وشافت يوسف نايم جنبها : يوسف يووسف
شافته فز : ايش فيك وقام عندها
وقفت : ظهري يألمني مرره ونزلت دموعها وقف بسرعه ولبسها عبايتها وهو كان لابس بنطلون البجامه بس لبس قميص وخرجوا للمستشفى جاب لها كرسي ودخلوا للطوارئ بعد ساعه ما اعطوها الا ادويه بسيطه ومسكنات خفيفه ورجعوا البيت بعد نص ساعه خف الالم قامت تروشت وغيرت لبسها ولبست فستان واسع للبيت ورجعت انسدحت شافت يوسف نايم وهو جالس ابتسمت بتعب : يوسف حبيبي
فتح عيونه مفزوع : ايش تعبانه
الجوهره : لا بس نام انت متعب وعندك دوام بكره انسدح ونام من التعب اخذت
جوالها دقت على فارس : انت رجعت البيت
فارس : لا
الجوهره : وينك فيه الساعه 3
فارس : بنام عند عامر
الجوهره : ليش ماعندك بيت انت كل شوي نايم عند الولد
فارس : اخر مره
عرفت انه يتمسخر : الله يهديك بس تعشيت
فارس : ايه انت تعبانه
الجوهره : تعب الحمل انتبه انفسك وقفلت ونامت .
______________
عز و ليان .....
ليان اهلها اجلو الزواج كثير كان عندهم امل ترجع لمشعل الين ملكت وكل شويه يأجلونه لاسباب غبيه حبت كيف عز متمسك فيها بعد الملكه حست قد ايش عز هو الي تحتاجه يهتم في ادق تفاصيلها حتى غيرته عليها تعجبها كل ماعرفته اكثر تحبه اكثر حكا لها عن طفولته حقدت على امه وزوجها حست انه يفهمها والاهم متأكده من حبه لها الي تشوفه في عيونه وكلماته قد ايش كانت تحتاجه حبته جدا غصبت اهلها وهددتهم انها بترفع عليهم قضية عضد وهما طبعا الا المحاكم كفايه واحد من البراق وقفهم فيها وافقوا على الزواج وحددوا وقته اخيرا امها واخواتها واخوانها وابوها زعلانين ومو راضين على زواجها من عز بس جدها اجبرهم يحضرون وعيال اعمامها الموجودين في السعوديه كلهم عشان اسم انه الناس مايقولوا عنهم شئ مو عشانها ماشافت اخواتها وامها بس وعد زوجة اخو عز ساعدتها بكل حاجه قد ايش طيبه وعد واسلوبها يضحك ويدخل القلب صديقة وعد الجوهره الي جات تسلم عليها جمالها الطاغي غير عن ابتسامتها الي تريح مع انه باين عليها التعب بس قامت بالواجب دخلت وعد وقالت لها انه وقت الزفه عز اصر انه يعملون زواج كامل وهي ما اعترضت لانهم ماسوو لها زواج في زواجها الاول وقفت وانزفت وبعدها دخل عز غصب عنها تبتسم اول ماتشوفه وقف جنبها ومسك يدها شدت عليها واخذوا كم صوره وراحوا في الفندق كانت متوتره وعيونها في الارض
قرب منها وباس جبينها : مبروك
ابتسمت بخجل وهي تطالع في يديها : الله يبارك فيك
عز : بدلي فستانك انا بستناك عشان نتعشى وطلع ابتسمت وراحت بدلت لبست فستان حريري طويل علاقي وعليه روب طويل وفكت شعرها الطويل الناعم ورشت عطر واخذت نفس وطلعت شافته فتح فمه انحرجت ماعرفت ايش تسوي لفت بترجع للغرفه
بس سمعته يضحك : تعالي تعالي يا بنت الحلال جات جلست وجلس جنبها وشربت عصير واكلت شوي وقامت دخلت الغرفه ودخل وراها بدل ولبس بجامه وجلس جنبها رفعت عينها فيه : ليان انا احبك
تجمعت الدموع في عيونها من صدقه الي يبان في كل حرف : هزت راسه بأيه
ابتسم : ايه ايش
نزلت دموعها ومسحها : لا عاد اشوف دموعك
ليان : وانا احبك .
____________
لؤي.......
راح للمستشفى وراح لغرفتها صارت عاده عنده دق الباب ودخل شافها نايمه قرب منها وشاف وجهها الشاحب والاكسجين الي مايفارقها والقبوع الي دايم لابسته جسمها ضعيف شاف كفها ومد يده لمسها بطرف اصبعه وطلع برى الغرفه بسرعه وراح الحمام وغسل يدينه : انهبلت انت طلع وراح لسيارته وراح للبيت ودخل غرفته واخذ كتبه وبدأ يقرأ هو اذا قرأ ماينسى عشان كذا ماشال هم الدراسه ابد بس تفكيره مو معه طالع في اصابعه وتذكر شكلها وكلامها وتذمرها من جيته ابتسم ومسح الابتسامه وهز راسه وضرب على صدره عشان قلبه يوقف يدق بغرابه كذا ورجع يقرأ بعد العشاء ماقدر يقاوم ورجع للمستشفى وكالعاده تسللل لغرفتها ودق الباب : اذا كنت لؤي لا تتفضل
ابتسم ودخل : انت ماتفهم لا عاد تجي
لؤي وهو يجلس على الكنب بعدم مبالاه : اتصلي على الامن طيب
ساره طلعت سناره وصوف وبدأت تشتغل عليها لؤي : انت ليش ماحد يزورك
ابتسمت بسخريه : انت كفيت وفيت وبجديه انا ماعندي احد غير عماد الله يرحمه وبعد العلاج بسافر برى واكمل دراستي ان شاء الله تنهدت وكملت شغلها
لؤي : عشان كذا ما اتصلتي بلأمن وقف عند السرير تبغيني اجي صح
تنهدت ولفت لجهته : انت ليش تجي ارتبك من نظراتها ومن سؤالها وقربها
رجع على وراء ولف : كذا حزنتيني وطلع وتركها وهو يسأل نفسه انا ليش اجيها .
_____________
فارس ....
كان جالس في غرفته الي جهزوها له يوسف والجوهره حس انه فاقد حاجه بس تعوذ من ابليس وخرج جلس في الصاله عند محمد وجوان الي يصدعون الراس بهذرتهم الزايده جاء يوسف وجلس وباين التعب عليه طالع فيه بإستفهام
يوسف : الجوهره تعبانه شويه
فارس : ايش فيها
يوسف : تعب الحمل الله يقومها بسلامه
فارس : امين بروح اشوفها
يوسف : اخذت الدواء ونامت روح جيب عشاء مافحالي اتحرك وقف ومد له يوسف فلوس اخذها وراح .
______________
وعد وخالد ......
جوا من الدوام وتغدوا وناموا صحيت قبله نظفت شقتهم وبخرتها وسوت حلى وقهوه وجلست في الصاله وشغلت التلفزيون شويه وصحي طلع وشعره حوسه
ضحكت على شكله : سكنهم في مساكنهم
ابتسم وعدل شعره وجلس اخذ حلى وقهوه : اه نفسي في اجازه طوووويله
وعد : لا تاخذ اجازه الا وقت اجازتي
خالد : حاضر عمتي ماتلاحظين اسلوبك اوامر بس
ابتسمت : ابشر اغيره عشانك وكم خالد عندي انا
ابتسم : ايه اضحكي علي بكلمتين
وعد بسخريه : 7كلمات مو كلمتين شافته فها مافهم قصدها ضحكت وباست خده
خالد : بروح اشوف عمور وراجع لك انت وكلامك ذا
وعد : انتظر راحت وجابت له سله فيها قهوه وحلى طالع فيها : حرام مسكين جالس لوحده اكيد يبغى
باس راسها واخذ السله وخرج راح لعامر حصله جالس على التلفزيون
عامر بتذمر: سحبتوا علي انت وعزيز اه ياقلبي العزابي ماله اي اهميه مهمشينه متى اتزوج بس
ابتسم خالد : انت كلامك مايخلص ما شاءالله دوبي بعد الظهر جايب لك الغداء خذ ومد له السله
وفتحها واخذ الحلى والقهوه : زوجتك ماعندها اخوات قسم بالله انها حرمه سنعه
ضحك خالد : عندها واحده اذا تبغى ابشر اخطبها لك
لاحظ انه انحرج : امزح معك انا وين والزواج وين
خالد : ليش ايش ناقصك بعدين خطبه بس
عامر : انا ابغى اركز على دراستي الحين بعدين اسبوع واسافر انا وفروس بعد ما اخلص بشوف
خالد : براحتك كيف الحلى
ابتسم عامر : لذيذ الله يعطيها العافيه
ابتسم خالد وجلس تقهوى معاه شوي ورجع لوعد ماحصلها في الصاله دخل الغرفه
وشافها تكلم : طيب انت تعال وتعشى معانا اليوم ايش قلت ...... لولو لا تزعلني منك ...... الله يهديك ماحد يقدر على راسك اليابس ذا فمان الله وقفلت وبانت الضيقه عليها
خالد : ايش فيه
وعد : لؤي احس فيه حاجه مضايقته بس مو راضي يقول ولا حتى يجي عندي اتطمن عليه
خالد : لؤي رجال وماينخاف عليه
مسحت دمعه نزلت : الله يجبر قلبه
ضمها خالد : كل هذا حب للؤي شكلي راح ابدأ اغار منه
ضحكت : لا عاد كلهم كوم وانت كوم ثاني ابتسم .
____________
يوسف .....
كان مشغول باله على الجوهره بس عنده اجتماع مهم اضطر يروح له طلع بعد الظهر وهو راجع دق عليه رقم غريب
يوسف : نعم صاحب
الرقم : الاستاذ يوسف البراق
استغرب الصوت بس عرفه : ايه نعم
الرجال :انا جابر ابو منى كيف حالك
يوسف ببرود : امرني
جابر : مايامر عليك ظالم اتمنى تجيني البيت عندنا موضوع لازم نتكلم فيه
ارتفع ضغطه مو فاضي لهم ابد : المغرب اذا امداني جيتك
جابر : حبياك الله
ابتسم بسخريه على الاسلوب المتغير وصل البيت ونزل وراح لغرفتهم شاف الجوهره سادحه وقدامها كتاب تقرأ فيه
ابتسمت له بتعب : يعطيك العافيه حبيبي
ابتسم لها وانسدح مقابلها وحط يده على بطنها الكبير : الله يعافيكم ايش الهدوء هذا
الجوهره : فارس اخذ الشله وراحوا بيت جده قبل شويه تبغى احط لك الغداء
طالع فيها قد ايش يحبها باس جبينها وحس بركله قويه ضحك : من الحين مخربين عليه
ابتسمت ومسحت على شعره ودقنه : الله يخليكم لي
مسك يدها وباسها : ويخليك لي
بعد المغرب رجع فارس وصاه على الجوهره وطلع وصل بيت جابر دخل للمجلس ابتسم بسخريه على الاسلوب المتغير جلس وبدأوا كلام عادي
يوسف : ايش الموضوع الي تبغاني فيه
جابر : احنا فكرنا ونبغى نشوف حفيدتي وامها تبغاها
يوسف ببرود : بنتك وقعت تنازل عنها بالكامل وانتوا مالكم فيها بنتي ماراح تجي لبيتكم ابد الا بأختيارها لما توصل 16 راح اقول لها وهي واختيارها قبلها مستحيل
جابر : امها لها حق تشوفها
يوسف ؛: حقها تنازلت عنه من سنين
جابر : يعني بتحرم البنت من امها
ابتسم يوسف : بنتي عندها ام تبيع الكون عشانها مو محتاجه وحده رمتها وهي في اللفه وحسبتها غلطه وكانت تبغى تذبحها قبل لا تطلع لدنيا وقف : اذا بنتي وافقت تشوفكم ماراح امنعها بس لما توصل السن الي اشوفه مناسب وخرج من عندهم
ورجع للبيت حصل الكل نايم دخل الغرفه وشافها صاحيه وطالعه من الحمام : ما نمتي
ابتسمت : كيف انام وانت مارجعت ضمها برقه .
