أيقظ شعورك بالمحبة إن غفا لولاالشعور الناس كانوا كالدمى
أحبب فيغدو الكوخ قصرا نيرا وابغض فيمسي الكون سجنا مظلما
إيليا أبو ماضي
■■■ بعد 8 سنين ■■■
يوسف ..الجوهره ...
جاء يوسف من الشغل وابتسم على الازعاج الي يسمعه دخل الصاله وشاف حبيبته الي ماتغيرت ابد كعادتها
جات عنده بإبتسامتها الي يعشقها : يعطيك العافيه حبيبي
باس جبينها : الله يعافيك
جوان غطت عيونها : عيب خربتوا برائتي انا والبزارين ذولي
ضحك على هبالها
فهد : بزارين في عينك
الجوهره : فهد كم مره اقولك لا تكلم اختك الكبيره كذا
فراس : يمزح معاها يا ماما
ملاك : وانت بث تدافع عنه
ضحك يوسف وشالها : انت متى بتنطقين السين صح هااه
ملاك : بابا والله ثعب ثويه
ضحك وباس خدها جلس وجلسها في حضنه وجلس جنبه فراس و فهد وجوان راحت تساعد امها تجهز الغداء بدأوا يحكون له عن مغامراتهم الين نادتهم جوان للغداء جلسوا كلهم
فراس : بابا متى راح نروح لخالي فارس
يوسف : بعد المغرب الكل يكون جاهز
كلهم بصوت واحد : ان شاء الله
ضحكوا ابتسمت وهي تشوفهم تحمد ربها الي رزقها بالعايله هذي طالعت في جوان الي جمالها يزيد بوم عن يوم وفي فهد وفراس شعرهم بني فاتح يميل للأشقر عيونهم زرقاء زي ابوهم وملاك شعرها اشقر زي ابوها بس غجري زيها وعيونها بنيه بعد المغرب تجهزوا وراحوا لبيت فارس
♡♡ الظلم والالم الي تعرضو له زادهم فرحا وسرورا وتقديرا لحياتهم وعائلتهم القدر جمعهم وجمع قلوبهم اعطته معنى للحياه وطعم ولون واعطاها امان وحب وعائله وزادت سعادتهم بفراس وفهد وملاك ♡♡
_____________
وعد و خالد ......
شافها جايه ومعصبه : طبعا انت جالس وانا اراكض وراء عيالك القرود قوم لبس مجاهد ابغى اجهز قبل العشاء
ابتسم وقام وباس خدها : تامرين امر
باست خده : الله يخليك لي واتامر عليك طول عمري
ضحك وراح لاولاده ابتسم لما دخل غرفتهم : بسرعه اجهز انت واياه
ابو 7 سنين : انا عن نفسي جاهز شوف لهم
طالع فيه خالد : انا ايش ضربني على راسي واسميك لؤي طالع على خالك المعفن
لؤي : خالي مو معفن وراح
ابتسم وراح لمجاهد ابو 3 سنين لبسه وراح لغرفة اميرته شافها في المهد لما شافته بكيت وتحرك يدينها تبغاه يشيلها ابتسم ونزل مجاهد وشالها : يا قلب ابوك انت
وعد : افااا وانا وين مكاني
ابتسم لها : انت القلب والعقل وكل شئ
ضحكت وعد : يالله قبل لا نتأخر على الجماعه اخذت بنتها وطالعت فيها نفس عيون ابوها شافته شايل مجاهد ولؤي يمشي وراه ابتسمت على اشكالهم وطلعوا لبيت فارس .
♡♡ ابتدأ حبهم بإرتياح واعجاب وتحول لحب عاصف وعد كسرها كل رجل في حياتها وجبرها خالد بحبه ودفئه كان دائما متجاهلا لرغباته من اجل االغير فوجد من تضعه اولا كانت اول خيباته في امه المرأه الوحيده التي عرفها كسرته وجرحته فداوته وعد وزادت سعادتهم بلؤي ومجاهد والجازي ♡♡
____________
فارس و فرح .....
: حبيبي لبس فراس الضيوف راح يجو وهو بلبس البيت
فارس قام واخذ فراس ابو 4 سنين ولبسه شافها ترضع طفلتهم قرب منها وباس خد البيبي
فارس : صار عندنا اثنين فرح
ابتسمت : لسا الشبه مايبين بس كأنه عيونها تشبهني
ابتسم حط عامر ابو سنتين الي يلعب عند رجوله في حضنه : هذا يكفيني
ابتسمت : الله يخليكم لي يا رب ابتسم لها : خذ بروح ألبس حطت عهد في حضنه وراحت تلبس
قرب منه عامر وفراس : بابا ابعاها ومد يدينه ابتسم له فارس : اجلس واحطها في حضنك شويه بس وجلس وحطها في حضنه وهو ماسكها ابتسم على اشكالهم
♡♡كان يعيش في جو من الكأبه فقد اهتمامه حتى بالكلام جائت فرح كأسمها جبرت قلبه المكسور وملئت فراغ صدره عشقها قبل ان يعرف او يعترف لنفسه بعد عودته لبلاده شعر بفراغ كبير بدون ازعاج يحثه على الكلام او مزعجه تشاركه الاكل اما هي فأحبته واحبت هدوئه وقلت كلامه زادت سعادتهم بفراس وعامر وعهد ♡♡
_______________
ليان وعز .....
عز : ليون يالله احنا جاهزين باقي انت بس نزلت من الدرج وبدأ يصفر : ايش الحركات هذي لف يا ولد انت واياه ابغى امكم بكلمة راس
ضحكت على هباله الي تعشقه : حبيبي يالله من اول تستعجلني خلنا نمشي
عز : والله لا اسوي الي في بالي مالي شغل
ابتسمت وضحكت لما شافت اولادهم الاثنين لافين للجدار : عزوز حرام عليك
قرب منها وحط يده على بطنها الكبيره : حرام عليك انت ايش الحلاوه هذي
حمرت خدودها : يالله راح نتأخر
باس شفايفها وخدها وشال عبدالعزيز ابو3 سنين معاه مسكت يد خالد ابو 6 سنين وراحوا لسياره
♡♡ كسرته امه ظلمته واهانته وجرحته وعانى من قسوة زوجها ولاكن عندما رأى ليان رأى كل ماعانى منه في عينيها كأنه مرأة لما حصل له شعر برغبه في احتضانها ومواساتها وفجأه بدأ بيشعر بإحساس جديد احبها بكل مافيها عوضته بحنانها عن ما افتقده وهي عانت واهينت من اهلها جاء عز كالدواء لجروحها اعطاها امان وعائله افتقدتها من طفولتها وزادت سعادتهم بخالد وعبدالعزيز وضيف جديد بعد شهر ♡♡
____________
عامر و وسن .....
: حبيبي انا جهزت فارس
وسن : وانا جهزت خالد يالله خلنا نمشي قبل لا يبدأون يبكون صدعوا فيني الله يهديهم
ضحك : يالله الحين ماراح نوصل بيت فروس الا واجهزت الانذار اشتغلت تعلن عن وصولنا
ابتسمت : بس جميلين
عامر : الله يخليهم لنا يارب
وسن : امين كلمت لؤي وعمر ما راح يحضرو العقيقه
عامر : اكيد مشغولين كالعاده
♡♡ زواجهم كان تقليدي بس قلوبهم ركبت على بعض حبوا بعض جدا عوضها عن فقد والدها وعوضته عن فقد امه حبها كثير وزادت سعادتهم بفارس وخالد توئم 6 شهور ♡♡
__________
لؤي .......
خلص شغله متأخر واتجه لبيته دخل البيت كان هادي جدا ومظلم اتجه لغرفة النوم ابتسم بحب على شكل زوجته الي نايمه بتعب واولاده على السرير حولها غير ملابسه وانسدح جنبها واخذ بنته وعد 4 شهور لحضنه
شاف زوجته فتحت عيونها وابتسمت بحب : تأخرت اليوم
ابتسم لها : على طول دورتي بديل
ضحكت بصوت واطي وضمت ولدهم 2 سنتين : ايش اعمل تعودت على شخص يشاركني السرير وبنتك جننتني بس تبكي
ابتسم بحب لها
: تبغى عشاء
لؤي هز راسه بلا
ساره : مصدع ومسحت على راسه هز راسه بأيه قربت منه وباست جبينه
ابتسم لها : الحين صرت تمام
ضحكت ورجعت باسته من جديد ضحك لانه مايبغى يتحرك ويصحي بنته عض شفته وهو يشوف نظراتها وابتسامتها : عشان كذا اعطيتني بنتك صح
هزت راسها بأيه : احلى سجن بعدين تراها بنتك انت بعد .
♡♡ ضل جريحا لسنين فقد رغبته في الحياه وفي الناس اصبح الخوف والتقزز هو كل مايشعر به فقد الامل بأن يعيش كإنسان اصبح يعد انفاسه ويتمنى انتهائها وجدها كشمعة اضائة عتمته لا يعرف لما احبها او كيف ولاكنه احبها اعادته للحياه بحنانها ودفئها وبرائتها اما ساره فلم ترى الا انه رجلا كامل فارس احلام لا طالما حلمت به عشقته وزادت سعادتهم بوجود سلطان سنتين ووعد 4 شهور ♡♡
___________
: فارس كلم ابوي يوسف الله يخليك
فارس ببرود : طيب
عصب من بروده ووقف : يالله اجل امشي اليوم كلمه لا تتعلل
وراح للمجلس ابتسم على اخوه ووقف ولحقه جلسوا يسولفون
فجأه دخلت ملاك تبكي ركضت ليوسف : بابا ثوف فلاث مايخليني ألعب معاهم <بابا شوف فراس مايخليني ألعب معهم > وبدأت تبكي
ضمها يوسف وكملت : ولولو كمان
ضحك خالد : الحين تنادين ولدي لولو وتبغينه يلعبك معاه ناديه زين بعدين تشكي
ملاك: مالك ثغل اكلم بابا
ضحك يوسف على كلامها خالد بعصبيه مصطنعه : انت اضحك اصلا ماحد طول لسانها وكبر راسها غيرك
يوسف بهدوء : انت ألعبي مع البنات
تكتفت وقالت بضجر : بابا ابغى ألعب معاهم حماث <حماس>
ضحكوا كلهم على كلمتها وخذها محمد : تعالي معايه انا باخذ لك حقك ولا يهمك وراح للأولاد شويه وجاء وجلس جنب فارس : يوسف نبغى نطلبك طلب واتمنى ماتردنا
طالع فيه يوسف بشبه ابتسامه وهو عارف الطلب : اذا اقدر عليه ابشر
ابتسم فارس ومحمد توتر : نبغى نخطب جوان لمحمد على سنة الله ورسوله
ابتسم يوسف : ونعم في محمد بس انا ما اقدر اقرر لوحدي لازم اشاور البنت وامها
بوز محمد
دخل عامر : ايش فاتني اشر له خالد يجلس وقال له وشوي جاء عز وجلس
محمد قرب من يوسف : يبه انا ابغى نتزوج بعد شهر عشان بنسافر مع بعض ندرس برى الله يخليك وافق ضحكوا على اسلوبه الي زي الاطفال
يوسف : حمود الموضوع مو بسهوله انا بسأل البنت وامها وارد لك
محمد بتأفف : كم يعني
ابتسم يوسف : اسبوع
محمد : اووف مراجعه حكوميه هي كلها سؤال وجواب ضحكوا على كلامه
عامر : وانت على بالك بتشيل البنت كذا باقي مهر وحفله ومصاريف
محمد : ييه مالها داعي اخذ فلوس منك واعطيها جوان كنسل المهر
يوسف : مهر جوان انت راح تدفعه من عرق جبينك عشان تحس بأهميتها
محمد فتح عيونه بصدمه : يبه ايش عرق جبينك ذي والله لو اشتغل سنين ماطلعت نص المهر بدونه قسم بالله ابيها ومهمه عندي واذا رجعنا من البعثه اكرفني قد ماتبغى الله يخليك وافق
فارس : المهر عندي نط محمد وباس راسه
عامر : اذا سويتوا زواج القاعه علي
ابتسم محمد : الله يخليك لي يابوفارس .
●●●●●●●النهايه ●●●●●●●
