Unsaid Words

Isa Hanggang sampu

"BILANG TAYO ISA HANGGANG SAMPU"

Hanggang kailan kaya matatapos ang paulit ulit kong pagluha

Hanggang kailan kaya mananatili ang mga ala ala

Hanggang kailan ko kaya pupunasan ang mga luhang patuloy na umaagos sa aking mga mata

Hanggang kailan kaya ako aasa na maayos pa

Isa, isang katulad mo na hindi ko inasahang darating sa buhay ko

Para pasayahin ako, para patawanin ako

Para sabayan lahat ng trip ko at higit sa lahat di ko inasahan na may ISANG katulad mo na mamamahalin ako ng totoo

Dalawa, dalawang salitang tumatak at nakatatak sa puso ko, noon hanggang ngayon

MAHAL KITA, naalala mo pa ba yon?

Dahil ako oo, dahil kahit lumipas man ang panahon, di ko makakalimutan yung oras na sinabi mong "MAHAL KITA"

Tatlo, tatlong salita ang lumabas sa aking mga labi
"MAHAL DIN KITA"

Syempre kinilig ka sabay titig sa aking mga mata

Na parang nangungusap sila

Apat, apat na beses kitang tinawagan

Apat na oras akong nag intay sa ating tagpuan

Inisip ko na baka tinatapos kalang o may pinagkakaabalahan

O naiwanan mo yung telepono mo sa sasakyan

Lima, limang eroplano na ang dumaan ngunit wala ka parin, nasan kana ba?

Darating kapa kaya? O maghihintay lang ako sa wala

Nakakapagod ng maghintay sa kawalan na dating kalangitan

Nakakapagod ng maghintay sa buhanginan na dating karagatan

Nakakapagod ng maghintay sa taong walang ibang alam gawin kundi magdahilan

Anim, anim na buwan na tayo mahal ngunit bakit ganito?

Parang ako lang yung kumakapit at lumalaban sa laban ng pag ibig na to

Parang ako lang, parang walang ikaw, walang TAYO

Ano bang tingin mo saken? Laruan na pagtapos mo laruin ay iiwan mo?

Damit na pag may bago na isasantabi mo?

Pusa na kapag maingay ililigaw mo?

Dahil mahal, tao ako

May pakiramdam, nasasaktan, pero lumalaban

Lumalaban sa pagitan ng TAYO sa KAYO

Walo, walong bote na ang aking naubos

Ngunit wala ka parin, ilang luha na ang bumuhos

Ilang luha na ang umagos

Ngunit tatlong salita na tumapos

Sa anim na buwan na ako lang yung lumalaban

Na ako lang yung nagpapakatanga at nahihirapan

Na ako lang yung kumakapit pa sa taong matagal na pala akong gustong bitawan

Siyam, siyam na beses kong binalikan yung mga ala ala

Kung bakit tayo humantong sa ganito at bigla nalang nag iba

Bigla nalang nagbago at yun ang aking pinagtataka

Yung ang aking pinagtataka?

Ngunit naalala ko yung text mo sakin nung gabi na di tayo nagkita dahil sabi mo may tatapusin ka

Naalala ko yung sinabi mo saking " salamat sa oras mo, napasaya moko ng sobra "

Ngunit naalala ko na di tayo nagkita, di kita nakasama

Sampu, sampung ulit kong tinanong ang sarili ko kung san ako nagkulang

Dahil naalala ko nung gabi na di ka nagpakita, di ka nakapunta

Ni di mo sinasagot yung mga tawag ko,

KASI NGA KASAMA MO SYA, KASI NGA SOBRANG SAYA NYONG DALAWA

Habang ako, nakaubos na ng walong bote, isang timbang luha, at isang milyong pag asa na darating kapa

Dahil lagi naman ganun diba?

Nakabilang na ko ng isa hanggang sampu bago ako magdesisyon

Bago ko hinanda ang sarili sa panibagong bukas, panibagong buhay at panibagong pagkakataon

Nakabilang na ko hanggang sampu bago ko bitawan ang mga salitang matagal ng nakatira dito

Matagal ng gustong lumabas sa pinagtataguan nito

Sa wakas natapos ko na din ang pagbibilang mula isa hanggang sampu

At gusto ko lang na malaman mo na pinapalaya na kita, hinahayaan na kitang maging masaya sa iba,

hinahayaan na kitang sumama sa kanya

Mahal kita pero masakit na