مرت الاياام و امتحنّا انا و ايناس...الامتحانات كانت بين ساهله و صعبه لكن الحمدلله كنا بنشجع بعض...
يوم النتيجه كنا قلقانين لدرجه م عاديه..ايناس و امها جونا و كناا منتظريين لحدي م زاعوووونااا 😭😭😭😭😍❤❤..انا 94.5 و ايناس 93.9 قريبين لبعض الحمد لله 😭😭😭❤❤❤ اليوم داك بكينا بكي...امي م قدرت تجي و اتمنيت لو امي و ابوي جنبي في اللحظات ديك 😢😢💔..خالتي جات قعدت جنبي و حست بي..بقت تبكي شديييد انا استغربته قلت ليها مالك ي خالتو ؟ قالت لي لالا حبيبتي بس فرحانه عشانك..مرام انا امك و ابوك و كلو طيب؟؟ و م ح اخليك تحسي بعدم وجودهم..لو حسيتي بأي ضعف ي بتي كلميني..لانك امانه في رقبتي..قلت ليها ي خالتو انا من قمت لقيتكم حوليني..انتو الساندتوني و م خليتوني و قلتو اهلها بعيدين منها و م بنمسكها...انتو كنتو كل شي بالنسبه لي..م تزعلي ي خالتو و انا والله بحبكم ودمعت دمعه نزلت حاااره على خدي..حسيت في حاجه و هي م قادره تقولها..قشت دموعها و حضنتني قالت لي اعفي لي و مشت 💔 قلت العفو و العافيه..طوالي جات ايناس ناطه فيني و بقت تلبعني..قلت ليها ي الفقر الشووم قومي مني الله يقتلك..اسي انتي بت ولا ولد ؟ قالت لي فرحااااااانه يااااخ..ان شاء الله يقبلونا في الخرطوم قلت ليهاا اميين لكن زحي مني عشان م اكفتك..طواالي قامت العفنه 😂😂😂..اليوم داك البيت م فضى نووهائي..الناس داخله و مارقه..جيران على أهل..في مره كدا اظنها جاره جديده..جات سلمت علي و باركت لي..كان في ولد صغير وراها دايره اسلم عليهو لقيتو الولد الكان ابا يترسل لي طوالي سحبت يدي و مشيت منهم 😑😑🔪 جني وجن قله الادب حقت الشفع...
جا الليل و البيت بقى شبه فاضي..و نحناا تعبااانين انا عن نفسي م اتناقشت مع اي زول صليت و رقدت مع العِشاء..صحيت اليوم التاني زي الساعه 8 شعري منكووش و مصدعه شديييد و ايناس نايمه لمن بتشخر..مشيت استحميت و اتسوكت بس دايره اقيف في المصلايه الباب دقا..م حبيت ازعج الناس عشان كدا مشيت فتحتو طوالي لقيتو ده الشافع الصغير داك..قلت ليهو داير شنو ؟ قال لي امس نسيت لي شي هنا..قلت لي عاين لي هنا داير شنوو ؟؟ و م دايره اخليهو يدخل..سكت كدا و عاين لي بيت قصادنا و بقى يبكي بصوت عالي..حاولت اسكتو ابا يسكت لي طوالي اخوهو جا قال ليهو مالك بتبكي قدام بيت الناس ؟..انا بقيت متنحه في الملاك القدامي ده..اخو الهنا و السرور ي يما 🤤🤤..قطع سرحتي الشافع بقول ليهو خالتو م دايره تديني شبشبي..بدون م احس قلت ليهو خالتو بتاعت امك 😶💔..اسي انا خاله يا...قبل م اتم لقيتهم مشو و اخوهو بقول ليهو بنشتري ليك واحد تاني و م تبكي و بتاااع انا قفلت الباب طواالي و مشيت صليت و استغفرت..م ناقصه الا عوارض من الصباح 😒😒💔..صحيت ايناس و عملت الشاي عشان نشرب سوا..بقينا نشرب و نتونس..حكيت ليها قصه الشافع من يوم البقاله لحدي قبل شويه بقت تضحكت لمن اتشرقت 😂😂😂 قالت لي عفنه لي م كلمتيني..قلت ليها انتي قعد توريني ؟ قالت اااي يوم متين م كلمتك ؟ صلحت قعدتي و اتكلمت معاها بجديه..قلت ليها يا ايناس بعد ده احنا بقينا كبار و لازم نعتمد على نفسنا..و افضل نبطل حركات الشفع و التعرصه دي...عشان الطب حاجه م هينه..قالت لي اي والله لازم نلحق حالنا بعد ده..قالت لي بعدين نمشي السوق ؟ قلت ليها اي نشتري حاجات للجامعه و كدا..قالت لي تمام بضرب لي محمد اخوي يجي يسوقنا❤،،محمد اخوها لايناس واخوي انا كمان😂♥،،من ونحنا صغار هو معاانا،،ياخ بالجد اخوو الاخوااات والسند 💕💕💘✨
