عاينت ليهو،،كان لابس بدلة كبدية واحييي بس 😫،،اترددت كتيير عشان ابدا اتكلم معاهو،، حتى هو زاتو استغرب فيني،،في النهاية قلت ليهو،،احمد،،نعم،،،انت الرسلت لي الرساله ديك صح؟؟،،،انت الأمي اتكلمت معاك يوم الرحله،،بالجد امي وصتك علي؟؟،،،ااا و عايزه اقول ليك معليش لاني بلكت الرقم قبل م اعرف سيدو منو،،،اسفه كتييير،،بس الوقت داك كنت تعبانه شديييد والله،،،اخد نفس وقال لي،،ايوا يا مرام،،،انا الرسلت ليك الرساله ديك،،،و م تتأسفي لانها كانت قبل امك تتوفى،،يعني م مشكله تقريها بعد شهر وزيادة،،،مرام انتي م بتعرفي عني اي شي صح؟؟،،قلت ليهو ايوا،،كنت بلاقيك صدفة سااي يعني م عارفه عنك ولا شي،،،قال لي ايوااااا بس،،،كنا بنتلاقى صدفة و بنتكلم مع بعض 5 دقايق بس بالكتير،،،امك لمن جات اتكلمت معاي،،،قايلاني متقرب منك اكتر من الباقين،،فهمتي،،،قالت لي بغض النظر عن علاقتكم،،،انا عايزة بتي مرام تكون بأمان،،،الكلام ده كان ممكن اقولو لي عصام ولا اي زول تاني،،،بس انا جيت قلت ليك انت ده لاني ارتحت ليك،،،م عرفت اقول ليها شنو،،لانو اصلاً مافي بيني وبينك اي شي،،قلت ليها يا امي م تشيلي هم،،ربنا يحفظ ليك بتك بس انا م بيني وبينها اي شي،،،لمن قلت ليها كدا حسيت بيها زعلت شويهه،،و انا م حبيت ازعلها وقلت ليها عشاانك انتي وعشان قلتي لي ارتحت ليك انا ح احاول اتكلم معاها ونبقى اصحاب و بكدا اكون جنبها وقت م تحتاج زول يسندها،،،قاطعتو قلت ليهو،،بالجد انت كنت دايرنا نبقى اصحاب ولا كلام ساي؟؟،،،قال لي م عارف،،،والله حسيت بإحساس ملخبط بس الساعه ديك،،المهم شلت رقمك من مهند ورسلت ليك الرسالة،،و بعدها ربنا اخدها جنبو قبل م انتي تعرفي الكلام ده،،،قلت ليهو ايوااا،،قربت ابكي بس نهائي م خليت ولا دمعة تنزل،،ابكي لييه بس،،هو م جاب سيرة نتقرب من بعض،، انا بيدي شنوو،،عايزه اقوم،،بس هو مسك لي يدي وقال لي اقعدي عندي كلام تاني،،و الطيارة زاتها فاضل ليها 4 ساعات،،قلت ليهو لو الكلام م مهم امشي و خليهو الكلام،،،قال لي لا انا لو م كلمتك ح اندم باقي عمري،،،هنا انا قلبي اشتغل زي دلوكه انصاف،،قعدت وهو بدا يتكلم،،،،قال لي عايز اعرفك على نفسي،،،انا مشترك معاك في حب حاجات كتيييرة،،،زي الليل و الجو المغيم،،،بحب اصحابي وعيلتي كلهااا،،،بحب لمن انوم ارقد على بطني واحضن المخدهه،،خصوصاً لمن تكون بااردة و ناعمة،،بحب القهوهه والشاي باللبن برضو،،،بحب ريحه الكتب و البنزين،،،بحب اسمع القرآن كتيييير و بحب سورة يوسف،،،بحب جو البحر،،بحب الناس الهادئين،،عاين لي مسافه كدا لمن اتوترتهه،،في نفسي قلت م تتعولقي يا مراام اوعى من العولااااق🌚💔،،،تم باقي كلامو،،،قال لي بكرههه لمن زول يصحيني من النوم عشان حاجه وانا وصيتو م يصحيني،،،و لمن زول يعمل حاجه انا اقول ليهو م تعملها وهو يعملها،،و لمن زول انا بتكلم معاهو يقطع كلامي وكدا يعني!،،،قلت ليهوو شخصيتك حلوهه،،قال لي تسلمي،،،قعدنا مسااافه كدا،،لمن حسيت انو الكلام البينا انتهى خلاص ومافي شي تاني،،و اني ماف داعي افكر اني ارتبط معاهو،،قمت على حيلي عشان امشي،،و دموعي كانو في طرف عيني،،،بس قبل م اتحرك،،،مسك يدي وقال لي بحبك،،قبلت عليهو كان قاعد في المسطبه،،قام على حيلو،،،قال لي والله بحبك يا مرام،،،انا بحبك وشديد كمان،،م عارف انا حبيتك متين،،بس حبيتك انتي دي،،من قبل م اعرفك كويس،،،من لحظة ادسيتي وراي في الكبري وانا حسيت اني عايزك،،،انا م كنت داير اقول ليك كدا سريع و من قبل م نتعرف ع بعض كويس،،،كنت خايف في يوم اخسرك،،،الله عالم بالدعوات الانا بدعيها كل يوم عشان انتي تكوني جنبي،،،و لمن امك اتكلمت معااي،،قربت اطلب يدك،،،انا كنت ببكي وبعاين ليهو بس،،،قال لي يمكن اعترافي جا متأخر عشان انا ح اسافر بعد شوية ويمكن ارجع بعد 5 سنوات بالكتير،،،م عارف اقول شنو بس يا مرام جاوبي بصراحه،،،انتي بتحبيني؟؟،،،هزيت ليهو راسي بالموافقه،،،،كان عايز يحضني بس انا بعدت منو،،،قال لي اسف،،،قلت ليهو م مشكلة بس خليني ادخل جوا واغسل وشي،،،قبل م يلاحظو لي،،،قال لي طيب ارح،،،مشيت غسلت وشي،،احمد قال لي انا ماشي بعد ده،،،والناس برضو بقو يطلعو من الصاله،،،قلت ليهو ناس امك جو؟،،،قال لي لا من هنا بمشي البيت وعلى المطار،،،مشيت معاهو لحدي جنب عربيتو،،،م كنت عايزاهو يمشي،،قال لي بتوعديني انك تكوني لي؟؟،،،قلت ليهو ايوا،،بإذن الله،،،ودعتو وهو مشى عشان اتأخر شديييد،،،،،،،
مشيت للبنات لقيتهم صارين وشوشهم،،،لمن شافوني جو علي،،،قالو لي كنتي وين؟؟،،،قلت ليهم برا،،،قالو لي لينا ساعتين بنفتش فيك،،،المهم اسي ارح ح نرجع البيت،،،،قلت ليهم طيب ارح،،،
مرو ال4 شهور بسرعهه،،و انا كنت بمشي الجامعه بي عربيتي معاي مناف وايناس،،يوم سفر عصام،،بكينا كتييير،،،قال لينا م تبكو اسي 5 سنين بتمر زي الاربعه شهور الفاتو،،سلم على ايناس وودعنا،،،اما احمد من يوم الخطوبهه م سألت عنو ولا حتى عارفه الحاصل عليهو شنو،،بس مهند بقول انو كويس وكدا،،،،،،،،،
