اصبح اليوم التاني و صحيت بي صوت تلفوني وهو بضرب لقيتها دي علا..رديت عليها قالت لي بتجي متين قلت ليها الليله ان شاء الله قالت لي بس عشان اخوي عصاام جاي الليله قلت ليها ايوااا بالسلامه ان شاء الله و اول م يخلص دوام الجامعه بجيكم قالت لي طيب و مشت لقيت الساعه سته الا ربع صحيت ايناس و مشيت حضرت حاجاتي..فتحت باب الغرفه برااحه و مشيت شفت محمد لقيتو ماف و خالتو سهام "ام ايناس" نايمه و آيه "اخت ايناس اصغر منها ب3 سنين "مافي..قلت بكون ترحيلها جا و مشيت لايناس كلمتها انو نحن دقسنا الليله..لبست عبايتي الرماديه مع حاجاتها و ايناس لبست عبايه سوداء ساده مع طرحه مورده و اسبورت ابيض و مشينا بالمواصلات و الحمد لله اتسهلت..وصلنا الساعه 8 مع زمن المحاضره و مشينا لي دعاء ووسام قعدنا معاهم..بعد المحاضره مشينا الكافتريا و هناك حكينا ليهم الحصل بالتفصيل الممل 😂😂😂❤ و اليوم داك الونسه كانت حلووه ياااخ..البتين ديل عسسل..المهم و نحنا بنتونس في ولد واخوهو دخلو الجامعه و كانو بلمعو عديل من النضافه 🙂😂😂😂 الجامعه كلها مركزه معاهم...انا عرفت الصغير لانوو ده هو ولد جيراننا اخو الشافع الابا يترسل لي 🙄💔،،الولد اسمر شعرو مفلفل،،عيونو كحيله وعندو غمازه باليمين يااخ حااجه كدا منتهى المزازه ماشاء الله 😢💛💛و معاهو واحد تاني لابس اسود في اسود ملتحي و معضل و لابس نظاره شمسيه سودااء 🤤🤤🤤 حيينا شكلو اخوهو و ماشاءالله الاخوان اي واحد احلا من التاني..جو داخلين الكافتريا كلمت ايناس قلت ليها ديل اخوان الشافع الاهبل قالت لي واااي لكنن 😢♥..قلت ليها واي ف عينك..قالت لي يا مرام انا متأكده ده احمد قلت ليها احمد منو ؟ قالت احمد الوصّلنا امس ي متخلفه 😒 قلت ليها الله يشلني كضاابه ده البجيبو هنا شنو ؟ و بعدين انتي ركزتي ف ملامحو امس عشان تعرفيهو ؟ قالت لي اااي ارح نمشي عليهم قلت ليها انتي عندك كك في راسك ده ؟ نمشي نسوي شنو ؟مالي و مالهم انا،،قالت لي ع كيفك انا بمشي برااي قامت و انا قمت وراها قالت لي معااطهه خلاص انتي...مشينا سلمنا عليهم و طلع داك صحي احمد قال لينا محمد سألكم ؟قلنا ليهو م شفناهو من امس و خايفين منو والله 😢😢..قال لينا م بحصل شي ان شاء الله..واا اعرفكم على اخوي برلوم زيكم و اسمو مهند"العندو غمازهه😢♥"،،،قلت ليهو اخوك ؟ قال لي اي جيت معاهو عشان عندي مشوار قريب من هنا،، قلت ليهو انتو ساكنين وين ؟ قال لي العمارات قلت ليهو انا زاااتي..مهند قال لي مش انتي الابيتي تخلي امجد يدخل بيتكم قلت ليهو اااي دي انا😒💔 احمد قال لي مش انتو قلتو ساكنين عماره النفط الوداك العمارات شنو ؟ اخدت نفس طوييييل و حكيت ليهو قصه حياتي انا و ايناس كلها 🐸🐸💔 قال لي ايوااا يادوب فهمتااا قلت لايناس ارح لناس دعاء نسيناهم عديل..قمنا منهم وقلنا ليهم نشوفكم بعدين..رجعنا لدعاء ووسام و حكينا ليهم 🌚 شغالين حكاوي زي الحبوبات بس 😂😂😂😂💔 قالو لينااا خطرييين ياااه مزز زي ديل بتعرفوهم بالله ؟ قلت ليها اي م نحن زاتنا مزز و ضحكنا 😂😂😂..انتهى الدوام و قلنا نمشي بيتنا عشان عصاام جاي و لازم اساعدهم..ركبنا المواصلااات و وصلنا لبيت خااالتي الحنييينه 🤤🤤🤤💞💗💓 و كانت راجياانا مفاجآت كتييييره من بعد اليوم ده😞😞.....
#يتبع
