دخلنا القاعه و م كان فيها ناس كتار..لقينا بنتين طوالي جرينا قعدنا جنبهم و اتعرفنا عليهم طلعو ظريفين وكيوووت يااخ..وحده اسمها دعاء و التانيه وسام دعاء بت شهاده عربيه جايه من الامارات..لونها فاتح و عيونها و ملامحها حلوه يعني ظاهر عليها من بره ووسام دي صحبتها..لونها قمحي و عيونها كحيله و سودااء حلووه 😭🤤..قعدنا معاهم و اتونسنا و شلنا ارقام بعض عشان هم قالو ماشين عندهم مناسبه..ودعناهم وقعدنا احنا قلت لايناس مدام الزهج لاحقنا ارح انا عازماك ناكل في شارع النيل قالت لي و محمد ؟ قلت ليها نقول ليهو يجينا هناك قريب المغرب قالت لي تمام و طلعنا وقفنا في الشمس و المواصلات زي الزفت 💔 ركبنا بعد معااناه ووصلنا قعدنا في الكراسي حبه لقينا الساعه 4 قلت ليها عايني المواصلات أخرتنا كيف 😪💔 طلعنا من 12 و اسي 4 جات ارح نشتري قبل م اخوك يجي..مشينا اشترينا ايسكريم و بقينا ماشين و ناكل..لمن انتهينا منو وصلنا جنب الكبري و في اولاد كدا بشاغلو فينا لكن م هببنا ليهم قامو مشو..كنت براقب فيهم لحدي م طلعو بالسلم و بقو ماشين في الكبري و يضاحكو قلت لايناس شوفي ديل عايشين دنيتهم كيف..يشاغلو البنات و يضاحكو و يمرقو احلى الاماكن واحنا الحمدلله م في دعي لذكر حالنا😢😢💔،،قالت كان نفسي ابقى ولد 🐸🔪 قلت ليها كنتي بتصاحبيني ؟ قالت لي الا اكون مختله عقلياً عشان اصاحب قرده زيك 🐸💔 قصفت جبهتي...في الاثناء دي في واحد جا ماشي جنبنا و شكلو م طبيعي..كان بعاين لينا بطريقه غريبه و قام شاغل ايناس..المتخلفه قالت ليهو يلعن ابوك بدون م تحس 🤦🏼♀💔💔 الرااجل ولااا اتلفت جنبو طواالي طلع سكين و جاي علينا..و احنا جريينا طلعنا في الكبري نحنا جارين وهو ورانا لحدي م طقشت لي واحد من الاولاد القبيل وادسيت وراهو و الباقين اتهجمو و بقو واقفين قدامنا عشان يشوفو في شنو..
لقو الراجل جاي علينا بي سكين بقو يضارو فينا..الانا ماسكه فيهو قال ليهو مالك عايز شنو ؟ قال ليهو وواضح من كلامو انو سكران البت ديك نبزتني و لسه جاي علينا و انا بتمسك في قميص الولد بشده..قال ليهو و انت تجري وراها بي سكين ؟ قال ليهو انا م داير اعمل ليها شي قلت ليهو بدون م احس طيب عايز تعمل شنو ؟ تلعب معانا؟ قال لي احترمي نفسك ي زوله..زول م بتعرفيهو م تفتحي خشمك معاهو..و كان مرة اطلعي من ورا الاولاد و تعالي اتكلمي معاي..الصراحه كنت خاايفه خصوصاً اننا برانا و م عارفين زول في الحته ديك..عشان كده لميت خشمي علي.. قال لينا اسي انا خليتكم لكن تاني م تردو بي كلام م ياهو ايناس قالت ليهو طيب انت ما تشاغل بنات الناس لانهم كدا كدا ح يداعوك..حمر لينا و مشا..صنينا مساافه و ماف زول اتكلم انتبهت اني ماسكه الولد لسه قمت بسرعه زحيت منو و مسكت يد ايناس و ماشه..الولد كان بنادي فينا،،و انا عامله نفسي م سامعه...
اللهم صلي وسلم على سيدنا محمد 💕💕
#يتبع
