خالتو قالت ليهو نمشي الاحد نكلمهم،،نسوق معانا اعمامك الاتنين و معاهم عمتك،،لو وافقو نعمل الخطوبة الخميس عشان احمد،،قال ليها تسلمي ياااخ،،بجد ارتحت،،قالت ليهو الله يسعدك يا ولدي،،،امشي اتصل على ايناس واتكلم معاها،،قال ليها طيب،،مشى اتصل عليها وكلمها،،طبعاً ايناس في بيتهم عشان نحنا سافرنا و كداا،،اول م كلمها اتصلت علي،،،قالت لي و هي بتصرخ،،ح يخطبني يا مرااااام،،،اتخيلي قال بحبني 😫♥♥♥♥،،،قلت ليها بااايرة وبورتك كعبه خلااااص،،،قالت لي ي بت انتي م فااهمه عصام قال بحبنييي،،،وااي بس 😭😭❤❤❤❤،،،قلت ليها انا عارفه 🌚،،،قالت لي انتي كلبه ياااخ،،،خلاص قولي لي حاجه تفرحني 🌚،،،قلت ليها عصام بحبك 🐸❌،،،قالت لي انا جاياك اسي دي،،غبيه متخلفه ☹،،،قلت ليها ايناااااااس حقتي يااااخ،،الف مبرووووك و انا اسفه بس حبيت انرفزك حبه والله☹☹💘،،قالت لي الله يبارك فيييك،،و بعد ده قربت ابقى م حقتك 😏،،قلت ليها خاااينه م اكتر🙁،،،قالت لي عقباالك،،امين بس عايزه اكلمك،،حكيت ليها بقصة احمد،،قالت لي غلطانه يا مرام 💔،،،قلت ليها اها اسي اعمل شنو؟،،و ابرر ليهو موقفي كيف،،اوووف ياااخ🤦🏼♀🤦🏼♀💔،،قالت لي الله يعينك بس،،انا زاتي م عارفه يتصرفو كيف في موقف زي ده،،قلت ليها م مشكله بفكر،،ان شاءالله القى لي حل،،قفلت مني و اتصلت على الباقين تكلمهم،،فرحنا ليها شديييد يوووخ😍💕💕،،اتصلت على مناف كلمتها باحمد😞،،قالت لي احسن تلاقيهو وتتكلمي معاهو،،قلت ليها طيب،،بس م اظن اقدر عشان اجازتو انتهت،،و خايفه م الاقيهو في الاسبوع ده😢،،قالت لي بتلاقيهو ان شاء الله،،يلا امشي نومي عشان تعب السفر،،و بكرة في جامعة كمان،،قلت ليها اي والله،،تصبحي على خير💘✨،،،،
قفلت منها،،وبقيت افكر في احمد،،،بالجد احمد اي بت بتتمناهو،،عيونو النعسانة،،حواجبو الغزيرة كمان مرتبة ومقرونة😫،،ولا ملامح وشوو المتناسقة و عضلاتو و لحيتو الكثيفة ديييك😭😭☹♥،،بس حكايتنا غريبه،،خايفة البيني وبينو م يكون قوي عشان نمشي لقداام،،خايفة والله،،،ياربي انا بحبو!!؟،،،استغفر الله حب شنو كمان،،بعرفو من وين انا،،عشان لاقيتو صدفة بس،،و امي كمان اتكلمت معاهو م معناها هو حباني ولا حاجه،،استغفر الله🤦🏼♀،،،نومي يا بت بلا قلة ادب،،،حسبي الله ونعم الوكيل فيك يا مخي 🌚❌،،نمتاا،،المنبه صحااني الساعه 6،،،اتسوكت وصليت،،،نزلت اعمل الشاي عشان خالتو بتكون تعبانه من السفر،، عملتوو و شربت كبايتين 😚😚💛،،خالتو نزلت،،قالت م كان في داعي والله،،قلت ليها م مشكله بتكوني تعبانه،،علياء وعلا جو؟؟،،،قالت لي بجو بعدين،،علياء تخريجها قرب،،شهر 9 الجاي ده،،قلت ليها ايواا،،مبروك ليها من اسي،،قالت لي الله يبارك فيك،،صحي ذكرتيني،،عمك امير اتصل،،قال نسى يكلمك عن ورثتك وانك لازم تستلميها،،قلت ليها،،طيب لي بعدين،،قالت لي ان شاء الله،،لبست عبايتي وبقيت منتظرة محمد واينااس،،لمن جو ايناس كانت فرحااانه ياااخ،،قربت تنزل لو م محمد اتحرك 😂😂،،،اتصلنا على منااف عشان نسوقها،،بيتهم في الصحافه 💓💓،،قلنا ليها ناس البيت صاحيين؟؟،،قالت لينا اي انزلو سلمو عليهم،،،دخلنا ليهم( امها خالتو رماح و ابوها عمو محمد،،عندها اخت اكبر منها اسمها منال و اخت اصغر منهم الاتنين اسمها ماجدة،،و اخر العنقود مجتبى 🤤💘✨)،،،سلمنا عليهم ومشينا الجامعه،،لاقينا الشله جنب البوابه،،باركو لي ايناس تاني😂😂،،قلت ليهم شفقانين مالكم،،يمكن اسي اهلها م يوافقو 🌚😂😭😂😭💔،،ايناس قالت لي تفي من خشمك يا باايرة ☹💔،،،قلت ليها بايرة بايرة 👅😂😂😂،،،عصام اتصل علي،،قال لي م صحيت بدري عشان اكلمك،،بس بعدين بجي اسوقك من الجامعه طيب؟؟،،،قلت ليهو ايناس معانا ولااااا😶،،قال لي لالا براك😌♥،،قلت ليهو طيب ان شاء الله ومشى،،،،
خلصنا من الدوام و بقيت منتظرة عصام،،قلت لايناس ومناف امشو عشان همشي مع عصام😎،،حسيت ايناس عايزه تبكي،،قلت ليها م تعايني لي كدا،،قايلاني شلابه ولا شنو كمان 🙁😏😂😂😂،،عملت لي اننننن ومشت 😕،،عصام جا،،قلت ليهو ماشين وين،،قال لي مش وعدتك افسحك؟،،،يلا اسي ح افسحك لانو الموضوع عامل لي جوطه في راسي وعايز اتخارج منوو،،قلت ليها خلاص ارح اوزون😗💓،،بعدها شوادي،،وبعدين مول عفراء اشتري منو ونرجع البيت بهناك 😙💕،،قال لي حتفلسي بي يشهد الله،،م بشتري كتير بس انت اتحرك يلاااا،،،،
غايتوو لحدي الساعه 3 احنا حايمين في المطاعم،،لمن وصلنا مول عفراء،،خالتو اتصلت علي وقالت عمو جا،،قلت ليها خلاص نص ساعه ونصل،،،حنست عصام حنيييس عشان ندخل نشتري سرعه ونرجع ليهم،،غاايتو لمن وافق،،اشتريت من اقرب محل حاجات كدا هايفة ساي ومرقتاا😫💔،،،قال لي م من نصيبك بس ☹☹☹،،،وصلنا البيت،،سلمت على عمو قال مستعجل عشان ح يرجع البلد،،قاال لي نحن حسبناها وطلع عندك زي 300 مليون طيب؟؟،،ده غير ورثة امك طبعاً،،و في وصيتو كان كاتب نشتري لاول ابن او ابنة ليهو عربية او يبدلها بقروش او شي تاني،،قال لي عاوزة شنو؟؟،،العربية ولا تشيلي قروشها او حاجه تانية ؟؟،،،فكرت كداا وقلت ليهو احسن لي عربيه،،،قال لي خلاص انا اسي برجع،،بس انتي رسلي لي في رقمي اسم موديل العربية العايزاها وخلال الاسابيع دي بتستلميها،،يلا العفو والعافية،،ودعناهو ومشى،،،اوووو اخييييراً حيكوون عندي عربية لي براااي،،بس لازم اتعلم السوااقه وكدا 🤦🏼♀،،اتذكرت انو بعد اسبوعين عندنا امتحان للسمستر الاول،،قلت خلاص في اجازتو اتعلم و انزل بيها باقي السنة💃🏻💃🏻،،،م كلمت ناس ايناس،،،،،،،،
جا يوم الاحد،،،ايناس مشت الجامعه معانا عادي وجات،،،بالليل مشو ليهم ووافقو 💃🏻💃🏻💃🏻،،،و يوم الخميس هيعملو الخطوبة 💓💓،،،،،،
قبل الخطووبهه بي يوم،،وسام ومناف ودعاء اتصلو و قلنا نمشي السوق نشوف فساتين مفصلة،،اتفقنا،،طلبت لي ترحال ومشيت لاقيتهم،،لفينا حبهه كدا حتى لقينا محل فساتين زابط،،،انا ومناف اشترينا فستان لونو كهرماني بين الاصفر والبرتقالي 💋،،اكمامو طويلة وفاري كداا،،وسام ودعاء اشترو فستان لونو اصفر قريب لي حقنا،،طقمناهم ومرقناا،،،
البنات جو يبيتو معاي،،و نمشي الخطوبة سواا من هنااك،،،الخطوبهه كانت في صالة 💕،،،المهم جلبطنا وشووناا زييين 😂💛💛،،،يوم الخطوبة من الصباح،،نظفنا البيت ورتبنااهوو،،لمن جا الوقت،،لبست فستاني مع ميكب خفيف و هادي،،مع الطرحه،،و كذلك الحلووات 🤤🤤♥،،قلت لييهم يلا نتصور ي مزز انتوووو💋💋✨،، طلبنا ترحال طبعاً،،لانو لا محمد لا عصام مستحيل يجونا 🐸💔،،،كنت خايفه اني م الاقي احمد،،و خايفه اني القاهو و م اقدر اكلمو،،،استغفرت و سرحت في الشارع لحدي م وصلنا،،،الخطوبة كانت بي مسجل بس و حتى الناس كانو م برقصو والاغاني م مهججة😪💔،،،اول م دخلنا و قعدنا شوية كدا طفو الانواار،،جا عصام وقف و الضوء كان مسلط عليهو،،اقسسسم قال كلام عن ايناس انا طول حياتي م سمعتو 😂😭😂😭🤧💔،،،واااااي ثم واااي كرمش لي مشاعري عديييل😭😭،،ايناس بت اللذينه ياااخ،،،لمن انتهى من كلامو،،جابو الضوء عليها،،كانت لابسه فستان قريب لالوان فساتيننا،،يعني الناس بقولو علينا مطقمين 💋💛✨،،،مشينا عليها وحضناها مع بعض 😭😭💕💕💕،،قلنا ليها اتحصني يمزتنا انتي ☹🤧♥،،،كانت بتبكي،،عصام جا وقف جنبها ومسح ليها دموعها،،،ولبسو بعض الدبل 🤧😭😭،،،فرحت ليها شدييييد وبقينا نبكي معاها،،لمن غلبني طلعت منهم برا الصالة بقيت ابكي براي جنب شجر كدا تحتو مسطبة قعدت فيها😢💛💛💛،،،م عرفتا نفسي انا ببكي لييه زاتو،،بس دموعي م قادرة توقف،،،سمعت صوت زول جاي علي،،،وقفت بكى وبقيت اتشهد بس 😂😭😂😭💔،،،لمن قرب زيادة كدا عرفتو احمد،،،قال لي بتبكي ليه؟،،،قلت ليهو فرحانه عشان ايناس بس،،و قشيت دموعي،،،في نفسي قلت الليلة ووووب ☹☹،،،م كنت متخيلة الاقيهو كدا اسي اقول ليهو شنو؟؟،،و ابدا ليهو بشنوو وااااع الليلة بمووت قدامو 🌚💔💔💔💔،،،،،لاااا احسن اتشجع و اتكلم معاهو زي م قالت مناااف،،،اي اي احسن لاني ح اندم لو م كلمتو الليلة واصلاً هو مسافر و م معروف يرجع متين،،،،،،،،
