اول ما دخلت البيت،،كان ظاهر عليهو كئيب،،راسي كان فيهو صورة الناس يوم البكاء،،كانت حاجه مووجعه بمعنى الكلمة،،خالتو جات ضمتني،،كانت عايزه تبكي بس عصام طبطب ع كتفها فقامت اتراجعت،،قالت لي امشي غرفتك ادوشي و تعالي عشان نخت الاكل مع بعض،،طلعت فوق لغرفتي،،كانت زي م خليتها من شهر،،ايناس جات داخله قلت ليها بجد انا غبت عن الوعي شهر كامل؟؟،،الصدمه دي اثرت فيني شديد،،اسي امي دفنوها خلاص تحت التراب؟؟،،يعني هي مدفونه ليها شهر و زياده،،انا ليه م شفتها،،مشتاقه ليها انا،،،ااا اتذكرت انهم قالو حيدفنوها في البلد،،اسي البوديني هناك شنو،،احييي ي امي احييي فتي وين خليتيني😭💔،،و قعدت في الارض ببكي،،ايناس جات قعدت جنبي،،قالت لي مرام اول شي م تبكي،،كفاايه دموووع كفاايه يا اختي،،امك محتاجه دعاك ليها اكتر من حسرتك عليها،،و ثانياً كلنا بنمووت يا مرام انتي م تعذبي امك في قبرها يااخ كفايه،،و عايزه اقول ليك خليك قويه،،الدنيا دي لسه فيها مصاعب و ابتلاءات كتيييييرة،،وربنا م ببتلينا عشان يعذبنا،،بالعكس عشان نقوى زيااادة،،م تقيفي في النقطه دي و امشي لقدااام،،اكيد امك م حترجع ببكاك بس هتحسي بوجودها لمن تدعي ليهااا وتتذكريها بالحلوه يا مرام،،اقري ليها قرآن واستغفري ليها،،اكيد حتفرح بيك و تفتخر بانها عندها بنت تدعي ليها وهي تحت التراب،،حترتاااح كل م تصلها دعووااتك بجد حترتااح يا مرام،،بس اقري القرآن و ربنا يصبرك يا اختي،،
عن كميييييه الراحه الحسيتها وايناس دي جنبي،،ضميييتها علي قلت ليها ونعم السند ياااخ انا بحبك وبحب امك زااتوو،،قالت لي اي ارجعي طبيعيه عليك الله،،و امعطيني اليوم كلوو لاني بجد اشتقت لهظارك وبياختك،،قلت ليها هووي زحي من جنبي يلا،،قالت لي خلاص قومي م اعطلك،،ادوشي و انزلي،،قلت ليها سمح يلا جااااو من غرفتي،،قالت الله يصبرني انا دي،،ابتسمت ليها،،طلعت وانا رجعت قعدت في الارض وبقيت اتذكر امي 💔،،احيي يا يما تصدقي مشتاقه ليك كيف،،اشتقت لصووتك ومكالماتك الديمه بتجي في عز حوجتي ليها،،اشتقت ليييك يا نوره دربي 😢💔💔،،قمت من محلي وادوشت،،لبست لي بجامه عاديه و بفوقها عبايه وطرحه سودااء،،نزلت لقيتهم كللللهم قاعدين و الشله زاتها،،قلت ليهم انتو حاسين بشنو؟؟،،وسام قالت لي اختنااا وكدا،،رفعت ليها حاجب و قعدنا ناكل،،طول القعده بحاولو يفتحو مواضيع معاي بس انا م جايبه خبر 😪💔،،خلصنا اكل و الشباب بتونسو،،دخلت المطبخ قلت اساعد خالتو في الشغل،،،
مرام انتي ليه لابسه اسود في اسود ؟؟،،،يا بتي والله حاسه بيييك بس دي م طريقه تعيشي بيها باقي عمرك،،م تشوفيني بقول ليك كدا،،هي اختي و كانت معاي طول حياتي،،و انا لاقيت الوجع الاكبر في خساره اختي الوحيده و نور بيتنا،،بس يا بتي انتي م تعملي في روحك كدا،،كلنا لي الله الدنيا دي م دايمه،،افردي وشك ده حبه،،امك زاتها بتكون زعلانه منك،،فرحيها بشوية دعواات،،اقري قرآن واستغفري،،هي محتاجه لدعواتك م اكتر،،اكيد هي م ماتت عشان انتي تتعذبي باقي عمرك بفراقها،،و م بهون عليك تنسيها،،بس اتذكري حياتك وانو لسه قدامك عُمر،،اقري و اتخرجي وابقي اكبر واشطر دكتورة زي م هي كانت متمنيه تشووفك،،،،
قلت ليها حاااضر يا خالتو،،عمري م هنساها و داااايماً حأدعي ليها،،بس م ظنيت ارجع زي زمان،،قالت لي لااا م تقولي كدا،،حترجعي تضحكي و تنبسطي اكتر من زمان،،،شوفي انتي عندك اصحاب بالدنيا و سند،،اكيد م بخلوك و حتحسي امك موجودة بيناتهم و هي بتقول ليك خليكي قويه زي م انا عاهدتك❤،،قلت ليها انتي امي التاااانيه ياااخ،،ربنا يحفظك لي و م يحرمني منك،،بس يا خالتو انا عايزه امشي البلد اشوفها،،عايزه اتكلم معاها 😢💔،،قالت اثناء م انتي في الغيبوبه انا مشيت زي 3 مرات البلد شفتها وشفت امي،،تصدقي حبوبتك زاتها عايزه تشوفك والله،،و انا بحاول في الايام الجايه نمشي،،يلا اسي م تحزني وارجعي لاصحابك يا نوره الصغيره ☹😢♥،،باستني في راسي يااخ احسااس حلووو و مطمئن،،طلعت من المطبخ و انا مرتااااحه،،بحب خااالتوو دي ياااه،،مشيت لقيتهم قاعدين برا في النجيله،،مع الشله قاعدين عصام و الاخوات و مناف و احمد + اسراء و عمر معاهو نون،،بلعبو صراحه و جراءة،،عاينت ليهم كدا 😑☹،،قلت ليهم انتووو جاادييين بتلعبوووو؟؟؟،،ولا حتى فكرتو في مشاعري ولا انتو جاييين هنا لشنوو؟؟؟!!،،بجد م كنت متخيله صحبتكم كداا ☹💔،،عصاام قال احم احم م كلنا ينفع يتقال علينا اصحاب،،عاين لاحمد وغمز لي 😕💔،،استغربت فيهم يعني ديل جادين بعملو كدا وبوعيهم؟؟،،قلت ليهم انتو اكيد شاربين شي،،م على طبيعتكم،،علا قالت عصير قبيل و عملتو انا،،عندك شك في عصيري ؟😌،،مهند قال عايزين نطلعك من الموود الانتي فيهو عشان اشتقنا لمرام العبيطهه م اكتر 😪✨جنبي كان كراسي جلوس،،شلت الجداعه ورميتها وحده في عصام والتانيه في علا ومهند،،قلت ليهم تفووو عليكم ي ولاد الخاله،،وانتاا يا مهند 😐💔،،علا عملتها لعبه و بقينا نتجادع بيهم كلناا بي عمر ونون،،الجداعات قريب ال10 بنلعب و نتخابط بيهم،،خالتو وقفت جنب الباب قالت لو حصل للجداعات شي م برحمكم،،علياء قالت ليها واولادك ي حجه لو حصلت ليهم حاجه،،قالت ليها في ستين داهيه،،شداد و قويين اسي البحصل ليكم شنو يعني بالجداعات مثلاً،،قالت ليها عادي نقع نكسر لينا شي،،قالت ليها انتي وحده مستهتره م اكتر و دخلت👅😂😂♥،، اقسممم جرينا جري يااخ،،،علا كانت ساكاني وانا تقريباً لفيت البيت ده 3 مراات لمن بطني وجعتني 😂💔احمد كان واقف بعيد مننا،،،اثناء م انا جااريه و بضحك تعبت خلااااص،،قربتا اقع بس جريت ادسيت ورا احمد و مسكت في قميصو😂😂،،علا بت اللذينه اظن الموضوع عجبها طوالي عملت نفسها م شايفاني و جرت بالجهه التانيه 🙂💔،،غاايتو بت لذينه كيف،،المهم انا فكيت احمد وم قادره اوقف ضحك نهائي و حاسه مصاريني دي مرقت عديل،،احمد زاتو بقى يضحك فيني وفي منظري 😂😂،،بعد مسااافه حتى سكتنا،،قلت بدون م احس بحبهم ياااخ😂😢♥،،احمد قال لي وانا م معاهم ؟ 😉،،قلت ليهو على فكرة اسألتك غريبه شديد،،و اسي ارح انا رجليني ساحو من الجري،،مشينا ليهم لقيناهم دخلو ولسه شغالين يضحكو 😂😂،،علا بتعاين لي كدا 😏،،مشيت جنبها وقلت ليها ليك يوم يا معفنه 😚✨،،المغرب كان بيأذن،،قمنا نصلي،،الشباب مشو الجامع و احنا صلينا وقلنا نعمل شاي باللبن،،دخلت انا اسويهو و خالتو عملت كيك و يانسون،،لحدي م رجعو احنا جهزنا كل شي،،قعدنا كلنا مع بعض و بقينا نشرب،،غايتو كل واحد يشيل ويشكر في الشاي لمن م عرفتا نفسي 😪،،قلت ليهم انتو صحي الجامعه كيف،،حسام قال لي كويسه و مشينا لقداام حبهه يعني م فاتك كتير،،حتى الجامعه كان فيها شويه تصليحات فاا اخدنا اجازه اسبوعين كداا،،قلت ليهو ايوااا الحمدلله،،دعاء قالت لي طبعنا ليك جزء من الشيتات و في محاضرات مسجلنها ليك،،م فاتك كتير،،،مناف قالت ع فكره انا معاكم في نفس الجامعهه🙂✨،،قلت ليها احلى خبرررر ولا ايييه 😙😙♥،،تنزلي معانا طواااالي،،قالت لي اصننن م حخليكم 🌚💕،،رسلت ليها بوسه في الهوا لانها بعيده مني😂😂،،سامعاهم بنقنقو تحت تحت،،م اشتغلت بيهم🌚😂😂😂💔،،خالتو قالت لي انزلي بعد امك تتم الاربعين،،و خلينا نمشي البلد بعد اسبوع من تنزلي الجامعه،،عشان تشوفي وضعك و م تتأخري اكتر من كدا،،قلت ليها تمام وانا قلبي بجوه بحرقني،،الشباب استأذنو واتحججو بالجامعه عشان يمشو،،ايناس و مناف وقفو معاي عشان يسلمو عليهم،،قلت ليهم انتو لا عندكم اهل لا بيت ؟؟،،،قالو لي انتي اهلنا و بيتنا😚✨،،قلت ليهم هسسس ولاا كلمه و انتي يا ايناس اسي بنادي ليك عصام 😏،،قالت لي ارح ندخل عشان م ارتكب فيك جريمه 🌚💔،،،دخلنا،،ايناس و مناف قعدو يتونسو مع خالتو و علياء وعلا،،عصام طلع غرفتو،،و انا قلت ليهم مصدعه وعايزه انوم بس،،،،،،،
