حواديت أخر الليل بقلمي آلاء محمود

الحدوتة الاولي "لعنة الفضول " الفصل الثاني

فوت 💜 رايكوا 💜
****************

اول مالفيت لقيت شاب قاعد باين عليه الوقار ببدله وشكله شيك جدا ووسيم
سارا : انت مين ودخلت هنا ازاي
صقر بهدوء : انا اسمي صقر ودخلت هنا ازاي انتوا اللي استدعتوني
سارا : يعني نجح اللي عملته
صقر : انتي شايفة ايه
سارا : طب انت ازاي زينا
صقر : بدا يتجول ف الاوضه اللي عملوا فيها الطقوس .. عشان متخافوش وبصلها بمكر تحبي اظهرلك بشكلي الحقيقي
ولقيت نفسي بجمع شجاعتي وبحاول اخليها متبنش عليا : ياريت
وفجأه لقيت شيء غريب قدامي ايوه شيء ده مش كائن ده حد يخوف ويرعب حد بكذا ايد وعينين بيضا واصلع ووش مسلوخ .. انا بصراحه خوفت .. لا كلمه خوف قليله ع اللي انا شوفته ده ولقيته رجع تاني لشخص ابو بدله اللي كان من دقايق
صقر : مش قولتلك هتخافي ولقته قرب مني حسيت بسخونيه كأني واقفه قدام نار
صقر : مش دايما الشجاعه بتخلينا منخفش .. الشجاعه دايما بتخلينا نتنازل عن حاجات كتير لمجرد ارضاء الفضول .. كلمي صحابك عشان انفذلكوا طلبتكوا
بصراحه انا ك سارا مفهمتش بس اكتر حاجه جت ف دماغي اني اجيب سما وريتال ودلوقتي وجريت ع الموبايل
سارا : ريتال انتوا لازم تيجوا انتوا اكيد ملحقتوش تخرجوا برا شارعي اصلا .. يلا بسرعه   وقفلت من غير حتي ماسمع ردها عشان انا متأكده اني فضولهم هيجيبهم زي مافضولي ماخليني واقفه بالثبات ده قدام عفريت او اي ان كان الشىء اللي قدامي ده ولنفسي هو ازاي قدر يعمل نفسه بني ادم كده ده كأنه بني ادم بجد ولقيت نفسي بفوق ع جرس الباب خمنت اني اكيد ريتال وسما
ريتال : ايه اللي حصل جبتينا ع ملي وشنا ليه
سما : سارا بتمني اني مايكنش ف اي حاجه من اللي حصلت من شويه
صقر بهدوء غريب : نورتوا
لقيت سما وريتال بصوا لبعض وبصولي اللي هو عنيهم بتسألني مين ده بس بصراحه لقيته هو اللي اتكلم مش انا
صقر : طلبتكوا هتتنفذ انتوا استدعتوني وواجبي اني انفذلكوا طلبتكوا
علامات الدهشه اللي كانت مرسومه ع وش سما وريتال غريبه
سما : يعني انت النفس اللي سارا حسيت بيه جمب ودنها وانت اللي فتحت النور
بصراحه لقيت نفسي ببصله لقيته مبتسم ابتسامه سامجه اللي هو كأنه بيقولنا ايوه انا
وفجأة لقيت ريتال جريت عليه بحماس غريب ولقيتها قعدت جمبه
ريتال : اي حاجه هطلبها هتنفذها ؟
صقر ببرود : طبعاً
ولقيت ريتال وسما طلبوا منه حاجات كتير وكان الغريب انه فعلا بجد بينفذها وهنا حسيت اني فعلا قلبي انقبض من اللي بيحصل ده ومش عارفه ليه حسيت بده وفوقت ع نظرته ليا .. نظرته حسيت فيها حاجه غريبه بس حاجه تخوف ومبتقدمش  ع خير ابدا
صقر : وانتي يا سارا عايزه ايه ؟
سارا : مش عايزه
ولقيت ريتال خدتني ع جمب   سارا انتي هبله اطلبي اللي انتي عايزه الفرصه دي مش هتجيلنا تاني
وريتال بتكلمني انا عيني عليه .. ابتسامته السمجه دي مش مطمناني .. ايوه انا معترفه اني مش مطمنه .. وقلبي كل مدي بينقبض اكتر 
سارا : قولت لا .. ورحت وقفت قدامه .. انت بتنفذلنا طلبات وحاجات غريبه ازاي من غير مقابل
صقر : ومين قالك اني مافيش مقابل
هنا فعلا انا اتأكدت اني ف حاجه غلط واهي بدات تبان
سما : ايه المقابل
صقر : انكوا تبقوا من عشيرتي واخدكوا مملكتي ..

يتبع ««««««««