حواديت أخر الليل بقلمي آلاء محمود

الحدوته الاولي " لعنة الفضول " الفصل الثالث

فوت 💜 رايكوا 💜
**********************
لساني اتلجم عشيره ايه ومملكه ايه اللي عايزنا فيها
صقر : عشيرتي انا تبقوا خدامي ولقيته باصص عليا ومركز فيا اوووي بس مش كلكوا
ريتال : وانت مين بقا ف المملكه .. ملك مثلا
نبره ريتال كانت تريقه بس ابتسامته السمجه اثبتتلي انه كده فعلا
صقر : ايوه الملك
انا لقيت سما وريتال وشهم احمر والخوف بقا ظاهر عليهم جدا وانا زيهم بس كنت بحاول ابقا ثابته .. مكنتش عايزه يستغل خوفي
ريتال : ايه الهبل ده انت فاكر يعني اني احنا كده هنصدقك تبقا بتحلم وغير احنا مش هنروح معاك ف حته انا همشي احسن يلا يا سما
لقيته وقف وعنيه ابيضت وشراين عينيه باينه وبدأ صوته يتغير لو مشيتوا من هنا هتكون نهايتكوا
سما وريتال كانوا ف مرحله من الا وعي وخوفهم بان اوووي بجد وتقريبا دي حاجه بسطته جدا عشان رجعت تاني ابتسامته السمجه تترسم ع وشه
صقر ببرود : ها موافقين ؟
وهنا طلعلي صوت اخيرا لا مش موافقين
لقيته تجاهلني كأني متكلمتش وبصلهم هما كأني مش موجوده وعاد نفس جملته تاني ها موافقين ؟
سما : لا ولقيتها جريت وريتال جريت وراها
بس انا حتي متحركتش من مكاني كأن ف حاجه مثبتاني ف الارض وفقت ع صوته
صقر : ياخساره صحابك اغبيه حكموا ع نفسهم بالموت
ال انا سمعته ده بجد موت هو قال موت .. لالا ارجوك متأذيهمش
صقر : ده كان اتفاق
سارا : احنا متفقناش ع حاجه ويلا اتفضل اخرج من بيتي 
صقر : مش بالسهوله دي .. انتي حضرتيتي وصعب تصرفيني بس متلوميش الا نفسك 
وفجأه لقيته اختفي حاولت اطمن نفسي واقول ممكن يكون يأس وطلعت اوضتي ودخلت خت شاور وحاولت اهيأ نفسي للنوم وكل اللي حصل ده كأنه شريط وبيتعاد قدامي بس حاولت اقنع عقلي انه مجرد حلم وبكره الصبح هكون كويسه وغمضت عينيا وشوفت سما ف حمام بيتها  وبتصرخ
سما : ساراااااااااا الحقيني ابعديه عني ارجوكي ابعديه عني
قومت اتنفضت حتي مهتمتش اني خارجه من البيت الفجر وببجامه البيت بس كان اكتر حاجه بفكر فيها سما واخيرا وصلت عند بيتها وطلعت بقيت ارزع ع الباب لدرجه من صوت الترزيع البواب طلع
البواب : ف ايه يا ست سارا
سارا : هو مافيش حد جوا
البواب : لا مافيش غير ست سما بس .. يا ابوي ايه المايه اللي خارجه من تحت عقب الباب دي
طب اكسر الباب واول مادخلنا الشقه .. الشقه كلها غرقانه مايه بطريقه غريبه كانه حمام سباحه ايوه الشقه منسوب المايه فيها عالي لدرجادي .. انا مببالغش فعلا كانه حمام سباحه واول مادخلت لقيت سما ف البانيو ووشها ازرق وعنيها بيضا ومافيش نفس خالص .. ولنفسي لالا استحاله تكون ماتت وببص ورايا عشان اكلم البواب ينده ع حد ملقتوش لقيت صقر .. صقر هو السبب ف اللي حصل
صقر نظراته كلها انتصار وعنيه بدأ لونها يتغير المرادي حمرا كانها كاسات دم مش قولتلك صحابك اغبيه يا سارااا ..

يتبع ««««««««