فوت 💜 رايكوا 💜
*******************
اول مافتحت الدرج لقيت ثعبان .. ثعبان اسود سواد الليل كحل زي مابيقوله وكبير جدا اللي هو انا معرفش دخل الدرج ازاي وقاعد ع الكتاب كأنه بيحرسه بس الغريب انه مقربليش بقيت انده ع ريتال واصرخ عشان تيجي والثعبان باصصلي ومبيتحركش حتي فحيح الافاعي مبيعملوش واول مادخلت ريتال بقا فحيحه بيعلي .. بيعلي بطريقه ترعب
ريتال : ايه ده وبقت ترجع لورا من الخوف .. ده ايه اللي جابه ف الدرج .. تلاقيه هو اللي حطه هو عايز يقضي علينا واول ماقالت كده باب الاوضه اترزع وفجأه لقيت ثعابين بقت تطلع من الارض كلهم ثعابين سوده .. كانت حاجه مافيش حد يقدر يستحملها وبقوا يقربوا من ريتال ويلفوا ع جسمها كله .. صوت عضم ريتال كنت سمعاه صوتها وصريخها اني الحقها بس كان ف حاجه مثبتاني ف الارض مكنتش عارفه اتحرك لحد ما ريتال ماتت ايوه ماتت .. والثعابين اختفت قعدت ع الارض وانا حاسه اني خلاص هتجنن انا السبب انا السبب انا السبب يارتني ماعملت كده بس كلمت يارتني مبقاش ليها لزمه ...
*************
بعد ٥ شهور من موت سما ريتال الصحافه والتلفزيون بقوا يعرفوا بس انا مكنتش عايزه اتكلم مع حد واللي حوالين بيتي بقوا يقولوا عليا ملبوسه ودجاله ومحدش بقا يقرب ناحية بيتي لحد مافيوم جتلي واحده ..
سمر : اهلا انسه سارا انا سمرعبدالرازق
حسيت بهمس جمب ودني عليها ايوه يعني عايزه ايه
سمر : بصراحه انا عايزه اتكلم معاكي انا طالبه وعندي مشروع عن حاجات حصلت بالفعل وحكايتك ظهرتلي بالصدفه ع الفيس بوك
سارا : مش خايفه
سمر : لا مش خايفه ممكن ادخل
دخلتها وقعدت قدامها
سمر : انا بصراحه مش هلف وادور كتير .. حكايتك يا سارا ماليه السوشيال ميديا دلوقتي بس طبعاً مش كل حاجه وانا متأكدة ان مش كل حاجه اكيد ف حاجه ناقصه واولهم انك ازاي قاعده قدامي
لقيت نفسي بقيت اضحك
سمر : هو حضرتك بتضحكي ع ايه
عشان انتي غبيه طب قولي الحقيقه انك مش طالبه انتي صحفيه بصراحه جزء مني كان مبسوط من خوفها اللي بان ع وشها .. متخافيش كده .. اسألي عايزه ايه
سمر : انتي عرفتي ازاي اني صحفيه
سارا : مش مهم يا سمر اتفضلي اسألي
سمر : انا بصراحه اول مره اعرف عن حاجه اقوي من شمس المعارف هو الكتاب ده لسه عندك
طلعتهولها من شنطتي انا اصلا بقيت دايما ماشيه بيه .. وبتحذير مش لازم تفتحيه ها اسألي السؤال اللي بعده
سمر : صقر ملك ايه بظبط
سارا : ملك الجان
طبعا خوفها بقا يزيد او بمعني اصح هدوئي مخوفها
سمر : ازاي لحد دلوقتي هو سايبك عايشه محصلكيش حاجه زي سما وريتال الله يرحمهم برغم اني انتوا كلكوا كنتوا مع بعض
سارا : هجوبك ع السؤال ده بس هقولك ع حاجه ..
" مش دايما الشجاعه بتخلينا منخفش .. الشجاعه دايما بتخلينا نتنازل عن حاجات كتير لمجرد ارضاء الفضول " بس للاسف انا فهمتها متأخر
وقربت منها وابتسامتلها خوفها كان مفرحني بس اتأكدت انها مفهمتش الجمله زي مانا مفهمتهاش لما صقر قلهالي .. فضولك جابك هنا عشان تعرفي انا ايه برغم انك ف اسأله ممكن تكوني عارفه اجابتها بس حبيتي تغامري وتشوفي ايه اللي بيحصل .. سما وريتال ماتوا غباء منهم مستسلموش لصقر .. صح انا نسيت اقولك انا كنت عارفه اني هيحصلهم كده بس مكنش ينفع اقولهم اصل تحضير صقر كان هيبوظ فكان لازم مايعرفوش حاجه .. كانت بتبصلي وهي مصدومه وعلامات الخوف واحمرار وشها بيزيد من الخوف
سمر : انتي بتحاولي تخاوفيني صح
انا مبخاوفكيش انا بقولك ع الحقيقة الجزء اللي انتي نفسك تعرفيه .. مش عايزه تشوفي صقر ملك الجان هخليكي ترضي فضولك اللي جابك هنا منكرش اني كان نفسي ترفض بس للاسف وافقت اسرع من سرعه البرق
سمر : ياريت انا فعلا عايزه اشوفه
سارا : لفي وراكي
كان ظهِرلها بشكله البني ادم مش هنكر انبهارها بيه ف الاول شايفه شاب وسيم فيه رجوله طاغيه بس بعد كده نظره الانبهار اتحولت لخوف نفس خوفي لما بدا يظهر لشكله الطبيعي الشىء او الكائن اللي بيخوف وبدا بقرب منها وهي بقت ترجع لورا عنيها كانت بتستنجدني بس مقربتش منها بصراحه بقت واخده ع كده اصل مش هي الصحافيه اللي جتلي قبل كده وصقر قتلها قدامي او بمعني اصح خدها جحيمه انتي كنتي سألتيني
و مستنياني اجاوبك ليه عايشه ... بصراحه انا عايشه عشان صقر ماينفعش يموت ام ابنه ماينفعش يموت ملكه مملكته يا سمر ... وللاسف انتي دلوقتي عرفتي السر كله فهيبقا مصيرك زي سما وريتال قولتلك
"مش دايما الشجاعه بتخلينا منخفش .. الشجاعه دايما بتخلينا نتنازل عن حاجات كتير لمجرد ارضاء الفضول " وبرضو انتي كمان فهمتي معناها متأخر باي يا سمر جحيمك مستنيكي او بمعني اصح صقر مستنيكي ف جحيمه مع سما وريتال .
انتهت الي القاء ف حدوته جديده من حواديت اخر الليل 😈
أنت تقرأ
حواديت أخر الليل بقلمي آلاء محمود
Horrorبقلمي آلاء محمود 💜 حواديت منفصله منهم اللي هتكون خيال ومنهم اللي هتكون حقيقة اذا كنت تجرأ ع دخول عالمي فلتتفضل ⛔ غلاف من تصميم : فريق تَفَرد للتصميم♥️
