فوت 💜 رايكوا 💜
******************
الخوف اتملك مني خلاص صاحبتي ميته قدامي وانا مش عارفه اعملها ايه .. واللي اسمه صقر ده مش عارفه اخرتها معاه ايه وبقت العن ف نفسي ع اللي حصل ... وطبعا الجيران اتجموا والشرطه جت بس مافيش اي ادله غير انها ماتت مخنوقه من المايه وقفلوا القضيه ع كده حق صاحبتي مجاش منظر مامتها وهي بتعيط عليها مكنش عايز يروح من بالي لقيت ريتال جت وبتقرب مني وهتموت من كتر العياط
ريتال : انا اللي عليا الدور يا سارا صح .. يارتنا ماكنا عملنا كده احنا اللي جبنا لنفسنا
سارا : وليه مايكنش انا اللي عليا الدور يا ريتال مش انتي
ريتال : بصي يا سارا احنا ماينفعش نسيب بعض الفتره الجايه احنا لازم نبقا مع بعض
طبعا وافقت هي فعلا عندها حق احنا ماينفعش نسيب بعض
ريتال : انا هروح اجيب هدوم وهجيلك
روحت البيت واول مادخلت لقيته قاعد ف الصاله وحاطط رجل ع رجل بتناكه ومبتسم الابتسامه السمجه بتاعته ... انت عايز مننا ايه ولقيت نفسي بنهار من العياط منها خوف من الموت ومنها عياط ع صاحبتي ومنها الله اعلم انا هخسر ايه الفتره الجايه
صقر بهدوء : اهدي يا ساراااا
لقيت نفسي بزعق فيه ... بتقولي اهدي ع اساس ايه ع اساس انك بتحس مثلا .. انت قتلت صاحبتي واكيد الدور الجاي يا عليا يا ع ريتال
صقر : بس انا مش هموتك يا سارااا انتي غيرهم
سارا : يعني ايه غيرهم
صقر : يعني انتي هتكوني ملكه مملكتي يعني مراتي وفكري بس انا عايز افهمك انتي بنسبالي اهم منهم ..
واختفي زي كل مره .. كل مره بيسبني فيها ويختفي وعارفه اني ف كوارث بتحصل بعدها وفُقت ع صوت جرس الباب وخمنت اني اكيد ريتال
ريتال : مالك وشك اصفر ليه كده .. هو كان هنا
بصتلها وانا حاسه اني ف دنيا تانيه بصي احنا لازم نشوف حل .. احنا نجيب الكتاب وهو اكيد في حاجه تخلينا نصرفه عننا
ريتال : صح يلا نجيبه
طلعت الاوضه وفتحت درج المكتب واول مافتحته لقيت ....
يتبع ««««««««««
أنت تقرأ
حواديت أخر الليل بقلمي آلاء محمود
Horrorبقلمي آلاء محمود 💜 حواديت منفصله منهم اللي هتكون خيال ومنهم اللي هتكون حقيقة اذا كنت تجرأ ع دخول عالمي فلتتفضل ⛔ غلاف من تصميم : فريق تَفَرد للتصميم♥️
