زينــــــــــــــة 2

الفصل العشرون

 رواية زينة الجزء الثاني ،،،،،،،،،،،، بقلمي اسماء سليمان

الفصل  العشرون

ملحوظة توقيت مصر يسبق امريكا بــ 6 ساعات علشان كدا التوقيت مختلف للاحدات التي تقع في نفس الوقت في كلا البلدين في هذا الفصل والفصول التالية - قراءة ممتعة

شركة الاستيراد والتصدير بامريكا الساعة 7 صباحا يوم الجمعة 

بعد وصول رياض وأمجد وطارق وزينة الي شركة الاستيراد والتصدير او المخبا كما ادعي رياض - وتبادل امجد السلام مع سعيد واكرم – فشانهم كشأن رياض قد عملوا معا في فترة وجود امجد بامريكا – وقدم امجد كلا من طارق وزينة الي سعيد واكرم - واخبرة سعيد باتصال حسن ورسالته – ثم اخذه علي جنب واخبره عن قلق المخابرات بمصر من طارق لانهم مش عارفين عنه حاجة من ساعة خطف زينة - وطلب أمجد من سعيد الاتصال بحسن حالا بعد تامين هذا الاتصال جيدا

سعيد يشير الي احد الغرف : علي ما تغير هدومك -- هيكون جاهز

أمجد جاذبا يد زوجته : تعالي يا زينتي

زينة باستسلام : حاضر

أمجد بعد ان دخل الغرفة واغلق بابها : فيه ايه يا زينتي -- وايه اللي حصل

زينة بحسرة والم : بعدين يا حبيبي لما ربنا يخلصنا مين اللي احنا فيه – اهم حاجة انك كويس وبخير وشيفاك ادامي

أمجد وهو يزيل الباروكة ليري حجابها الملتصق براسها وعيونها الدابله قائلا : كدا احلي مليون مرة

زينة بندم وعيونها أرضا: سامحني يا أمجد

أمجد مطوقها بذراعه : مسامحك من غير ما اعرف

زينة وهيا تخرج من احضانه : انا مستحقش الحضن دا – ولا اني اكون مراتك

أمجد باستغراب قاطعة طرقات سعيد علي الباب قائلا : حسن معاك

@@@@

في مبني المخابرات في مصر يوم الجمعة الساعة 12.30 مساءا

في مكتب اللواء فهمي

يدخل حسن بسرعة رهيبة جعلته يتجاهل برتوكل التعامل والطرق علي الباب حيث كان يعمل في غرفة الاتصالات ويرافقه زين --- الذي تبعه بلفهة غير مدرك السبب من هروله حسن عند تلقيه هذة المكالمة – حاملا بيده هاتف قائلا للواء فهمي : أمجد علي التليفون واتاكدت انه هو

اللواء فهمي بلهفة متناسيا خطا حسن في طريقة دخوله : بحد – طيب افتح الاسبيكر -- أمجد – حمد الله علي السلامة

أمجد براحة : الله يسلمك

حسن بحب : ارجع يا أمجد احنا محتاجينك هنا – فيه حاجات كتير حصلت

أمجد بهدوء : انا لسه مش عارف حاجة يا حسن – كل اللي اعرفة ان زينة معايا وطارق كمان – وهيساعدني رياض وسعيد واكرم