كالعاده قاعده و سرحانه ف غرفتي💔و زهجانه شديد جاني اتصال من مازن😒عاينتا لرقمو و م رديت💔ف نص سرحتي دي جاتني هديل ناطه..
هديل:مزتنا ياه😂نفسي يوم اجيك تكوني بتعملي شي غير سرحتك دي
نرمين:زهجانه ياه😒بعدين م ترطمي لي كتير براي مصدعه
هديل:اجي اجي😂بكره ااول يوم جامعه ي بتي😍
نرمين:اصلو م بصدق😳انتى غبيه؟!..
هديل:😂خلاص مالك الليله
نرمين:م عارفه عايزه لي حبيب يجي يسليني
هديل:😒😒نرمين اها خلاص نويتي تسيبي مازن..المره دي عايزه تلعبي بمين؟!..بجد م معقوله انتى
نرمين:مازن كده كده كنتا ح اسيبو
هديل:الولد بحبك ياخخ..مستقله انتى حسي ده الحبيب الكم..
نرمين:(قاطعتا)المليون غيري السيره اصلا م ممكن كل م تجيني تنقي ف الموضوع ده
هديل:خير ي زوله😒بكره ح تلبسي ايه😍
نرمين:اي خارم بارم من الجوه الدولاب
هديل:اصلا من يومك فقر ح اختار ليك انا😂(و مشت ع دولابي فتحتو و بقت بتفتش)احي من هدومك الكتيره دي لو كان عندي نصها كان بقيت اسعد وحده😍
نرمين:(طبعا م كنتا شغاله بيها و شغاله بالتلفون❤)
هديل:ده ظريف😍(فستان كحلي طويل كده)
نرمين:(عاينتا ليها بطرف عيني)طويل
هديل:نرمين انتى حسي ف الجامعه يعني تسيبي لبسك المخشلع داك و...
نرمين:هديل لو انتى محجبه م ضروري اكون زيك😊دي شخصتي و انا كده😊(باب الغرفه فجأه دقه،،و جات داخله امي)
ساميه:هديل السمحه😍نورتينا ي بت(و سلمت عليها)
هديل:بنورك ي عمتو😊
ساميه:ارح انزلو الاكل
نرمين:خلي الشغاله تطلعو لينا هنا
ساميه:ليه..
نرمين:(قاطعتا)لانو مصدعه و م ناقصه اقعد معاك انتى و ابوي و تتكلمو لينا عن شغلكم الم بخلص ده😊
ساميه:البريحك طيب(و مشت)
هديل:متشاكله معاها
نرمين:هو متين م كنتا متشاكله معاها😒(المهم قعدنا اتونسنا و بعدين جات الشغاله ختت لينا الاكل و طلعت..اكلنا و شربنا و هديل مشت بيتم💃قصاد بيتنا طوالي بعاين ليها من البلكونه اول م اشوفا دخلت بدخل❤يلا هديل دي صحبتي شديد من 7 سنين❤❤و جارتنا و حبيبتي و كلو❤بس انا و هيا مختلفين ف كل شي..هيا محجبه مؤدبه و م عندها شغله بالاولاد عايشه حياه بسيطه مع امها و ابوها و اخوها الكبير😍مرات كتيره بتمني اكون مكانا💔رغم انو وضعنا احسن بس الاختلاف ف الاهل💔امي و ابوي شغالين ف شركتم الاسسوها سوا..مرات بيعدي يومين م بشوفم💔م بسألوني شي بس بدوني قروشي و خلاص كانو القروش دي كل شي💔عشان كده بفتش راحتي بره..بين الاولاد،بحسه بفرح لمن العب بواحد و بمشاعرو💔طبعا انا حلوه شديد طولي متوسط و وزني متوسط عيوني رماديه ع لون حبوبتي ربنا يرحما❤شعري طويل شديد❤و لوني فاتح عندي غمازه بجهه وحده😍يعني من ناحيه الجمال و القروش 100%..بس الاخلاق و الراحه عمرها م كانت عندي💔امكن عشان من البدايه امي م كانت فاضيه تربيني زي م بقولو و توريني الصح من الغلط و ابوي عمرو م اتشدد علي زي باقي الابهات😊و م عندي اخوان و لا صحبات انا وحيده بمعني كلمه وحيده و امكن انا الاخترتا الحاجه دي💔...)
نمتا و صحيت تاني يوم من الساعه 7 صباحا💜لبستا اسكيرت اسود ضيق كده و قميص لونو ابيض كمو تلت اربع..و طبعا فكيت الشعر💃عملتا لي روج بمبي و كحل و لبستا اسبورت اسود بأبيض و نزلتا لقيت امي قاعده ف الصفره بتفطر..
ساميه:نرمين😍صباح الخير
نرمين:صباح النور😊
ساميه:تعالي يلا الاكل
نرمين:ابوي وين؟!..
ساميه:ابوك سافر امبارح بليل عندو شغل مهم
نرمين:ههه و ان شاء لله متذكر الليله اول يوم جامعه
ساميه:و ح تفرق شنو لو اتذكر و لا لا؟!..
نرمين:ع قولك م بتفرق😊يلا انا ماشه
ساميه:طيب اصبري اديك قروش
نرمين:عندي
ساميه:طيب سوقي ع مهلك السياره جديده
نرمين:😒خير ي امي(و طلعتا ضربتا لهديل قلتا ليها يلا اطلعي❤فعلا طلعت و مشينا بسيارتي طوالي ع جامعه الخرطوم💃انا بقره اداره و هيا طب لانو نسبتا كان عاليه❤)
هديل:وي متحمسه😍
نرمين:شافعه بس😂
هديل:انتي عشان طول عمرك مصاحبا اولاد و عايشه جو الاختلاط بس انا اول مره
نرمين:ي شيخه هديل😂(و تلفوني ضرب كان برضو مازن😒رديت ليهو بدون نفس..)خير ي مازن م ملاحظ انو مكالماتك كترت
مازن:كترت كيف يعني ي نرمين مش حبيبك😒و بعدين الليله اول يوم جامعه حبيت اسمعك صوتي من الصباح
نرمين:ليه عمرو دياب عشان تسمعني صوتك😂(و بقيت اضحك)
مازن:نرمين😒
نرمين:مازن اظن لمن هنا خلاص..احسن نفركش اصلا علاقتنا م ح تمشي لقدام
مازن:نرمين ده كلام شنو!!انتى عارفاني بحبك و عايز اجي اطلبك عديل
نرمين:بس انا م عايزه😊و ي ريت م ترجع تضرب لي😊(و قفلتا الخط هديل عاينت لي بطرف عينا و نهائ م فتحت خشمها معاي لانو عارفه الكلام م بجيب حقو💔نسيت اوصفا ليكم..هديل دي قصيرونه كده لونا فاتح و عيونا بنيه❤جميله بس طبعا م اكتر مني يعني جمالا عادي❤محجبه و نهائ م بطلع طرحتا دي قدام راجل❤،،المهم وصلنا الجامعه وجينا داخلين طبعا مما دخلنا و الاولاد ديل كلهم بعاينو لي😍و انا و لا الخطيره ديك😂طبعا عارفه قاعتي وين عشان م يبرلموني..وصلتا هديل قاعتا و مشيت قاعتي طوالي مما دخلتا و الاولاد ديل يصفرو..قعدتا ف البنش التالت جو علي كم بت كده بقو يتونسو معاي و انا برد حسب السؤال لمن حسيتم زهجو و مشو...
_مفتريه😒
_احنا الغلطانين مشينا ليها يختي
طبعا انا سامعه و بضحك😂فتحتا تلفوني و دخلتا الواتس كميه رسايل رديت ع مزاجي و سفهتا الباقين💃شويه كده و دخل الدكتور..ي يما سمح سماحه عمرو بكون بدايه ال30😍دخل و عرف عن نفسو..اسمو فارس😍طبعا البنات ديل كلهم يعلقو😂المهم ادانا المحاضره و انا اصلا م فهمتا شي كنت شغاله بتلفوني بتحت قبل يطلع عاين لي و قال..
فارس:طبعا دي عشان اول محاضره م ح اطرد بس الناس الشغاله بتلفونا دي تنتبهه تاني(و الله من الخلعه لمن بقيت اكحح😂قلتا الحمد لله م طلعني حسي كان برستيجي ضاع💔و انا طالعه جا علي واحد..)
_الجميله اسمها منو😍
نرمين:اسمها زفت انت مالك😒
_معليش يعني م قصدي بس..
نرمين:لا معليش لا بطيخ عاين لنفسك ف المرايه بعدين تعال اتكلم معاي😏(و طوالي مشيت و سامعه الاولاد بضحكو فيهو😂طلعتا ع الكفتريا طلبتا لي سندوتش و بقيت اكل❤)
عنده هديل:
كانت طالعه من القاعه و بتدخل ف حاجاتا الشنطه اطاقشت مع زول و حاجاتم وقعت💔
هديل:اسفه ياخ😢
_لالا و لا يهمك😊(و رفع ليها حاجاتا و شال حاجاتو❤)بس تاني انتبهي😊
هديل:ان شااء لله❤(و جات علي ف الكفتريا👏قعدنا نتونس و تاني م عندنا محاضرات فرحتا كيف😍طوالي طلعنا و احنا ماشين ع السياره ف واحد نادانا اتلفتنا و جا ع هديل طوالي..
_ده مفتاحك شلتو بالغلط،معلش
هديل:لالا و يهمك😍تسلم شديد
_م بينا بالمناسبه انا اسمي فادي
هديل:و انا هديل
نرمين:(طبعا الولد مز مزازه😭طويل كده لونو اسمر شعرو ناعم و لا القطعيه الفي حواجبو😭اتكسرتا فيهو و ف نفس الوقت شميت الوضع شديد 😒و لا عبرني و بتكلم مع هديل للحظه قربتا ادقم الاتنين)
هديل:دي صحبتي نرمين
فادي:😊اهلين،اتشرفنا(و سلم علي)
نرمين:الشرف لي😊
فادي:انا قاري طب برضو و دي اخر سنه لي لو احتجتي لمساعده انا جاهز
هديل:تسلم😍(و مشا و انا اخلاقي دي قفلت خلاص💔)
و ف كل منا نقطه سوداء يحملها ف قلبه..كبرها او صغرها بيدك انت..رغم ان حقدي و غيرتيي جعلني افقد اعز الناس لى،،الا انى هنا اناضل لأكون بقربهم من جديد..♥
