حضرتا محاضرتي و كان ممله بشكل😒اول م انتهت طوالي طلعتا لقيت هديل مستنياني..
نرمين:ياخ محاضره قرف بس😒
هديل:م بتلحقي حقتنا😂
نرمين:ارح ناكل طيب جعانه
هديل:يلا طيب(مشينا الكفتريا و طلبنا و قعدنا بقينا نتونس اثناء م بعاين لقيت ليك فادي جاي داخل بي بنطلون اسود و قميص بني كده و تمبر احي انا😭بقيت بس بعاين ليهوو و هديل بتتكلم معاي،،مشا قعد مع بتين و ولدين كده قصادنا..
هاجر:(دي طبعا من شلتو بت كده دمها سكر عديل😂جنها هظار و زي اختو❤)وين ي المز😉
فادي:م كنتا جاي زاتو بس ف البيت ماف مووضوع😂
كمال:(ده صحبو شديد)ياخ انتا كل يوم ف حاله م جاي و بتجي
سمر:اي😂
هاجر:حسي سيبونا من الكلام ده عاينو البت ديك مزه كيف احي😭التقول امها كانت بتتوحم بعسل
كمال:هاجر انتي م ح تسيبي سطلك ده😂😂
هاجر:لا بجد عاينو ليها عاجباني ياخ❤
احمد:وينا
هاجر:وراكم لابسه بنطلون رمادي❤(فعلا الشله الكريمه كلها قبلت عاينت لي😂و انا مركزه و الشمار قاتلني لمن لقيتم بعاينو لي قبلتا جهه هديل..)
سمر:حلاتا
احمد:دي قنبله ياخ😍
هاجر:بالله ده زوقي اكيد حلوه❤لو ولد بجسكا😂
فادي:(طبعا هو م معام لانو لمن شاف هديل بقا مركز معاها❤انا شفتو و افتكرتو بعاين لي و انبسطا❤بس هو كان مركز مع هديل لفتتو طرحتا و كيف بتتكلم و الهدوء الفيها❤)
هاجر:ي الاخ هى م تكون فكرتا بليله عرسكم😂😂😂😂
كمال:😂من متين الخغه دى
فادى:😒😒استغفر الله اسكتو مني بالله(تلفونو ضرب)اى ي فهد..ف شنو..عربيه شنو دى؟!..طيب طيب طالع م تهيج ساى(و قفل منو)
كمال:ف شنو
فادى:ده فهد قال ف عربيه واقفه قصادو و م قادر يطلع
سمر:فهد هنا😍ليه م وريتني
هاجر(قرصتا)اتقلي ي بت😒
فادى:جا قبيل وصلنى و كان قاعد فوق مع دكتور فارس
سمر:اها
فادى:يلا أستأذنكم(و جا طالع و انا لسه مراقباهو)
هديل:ي بت سرحانه وين انتى😒
نرمين:انتى عندك تانى محاضره
هديل:اى
نرمين:اها..لانى ح ادك محاضرتى م ح ادخل
هديل:اجى من بدايتا كده😒
نرمين:و الله مصدعه
هديل:خلاص ارجعى طيب انا بجى بمواصلات
نرمين:متأكده
هديل:اى ي بت انا م شافعه يلا😂
نرمين:ظابط يلا باى(و شلتا حاجاتى و جيت طالعه سريع عايزه ألحق فادى لقيتو واقف قصاد عربتي و بتكلم ليهو مع واحد مديني ظهرو،قلتا فرصه و جات لحدى عندى😍بقيت ماشه جهت العربيه و فتحتا قام عاين لى..
فادى:نرمين
نرمين:ي اهلين
فهد(أتلفت علي)انتى😡
نرمين:انتا تانى😡
فادى:بتعرفو بعض
فهد:كيف م اعرفا..يعنى انتى ح ططلعى لى ف اى مكان
نرمين:لا ي شيخ انتا الشكلك ح ططلع لي دايما😡
فهد:ي ربي ع ده صباح
فادي:كدي براحه ي جماعهه..ف شنو
فهد:ياخخ دي البت الحكيت ليك عنها امبارح
نرمين:مشيت بكيت لصحبك؟!..😂
فادي:😂عليك الله دي هيا
فهد:الموضوع م ظريف عشان تضحكو..و ع فكره فعلا م مربيه و الا م كان ده لبسك و لا شعرك بره
نرمين:يبدو انك عايزني اكسر ليك شي تاني من سيارتك؟!..
فهد:ي شيخه
نرمين:طيب شوف(شلتا لي حجر عايزه ارميهو جا مسكني قوي و جراني عليهو الناس كلها بقت تعاين و انا هبطا عديل😳😳)
فهد:انا م بهظر😡😡
فادي:فهد دي بت سيبا،،بعدين عيب عليك انتا ف الشارع
فهد:الزي دي م بتعرف العيب😊
نرمين:انتا بتغلط مع الزول الغلط😡
فهد:ي شيخه😊وريني ح تعملي ايه(و هو لسه ماسكني حاولتا افكو بس م قدرتا💔جا فادي زحاهو مني💔)
فادي:😡فهد خلاص..انا ساكت بس لمن هنا خلاص،اي غلطت بس م تطول يدك ع بت
فهد:استغفرك ربي
نرمين:ع فكره عمرها الرجوله م كانت كده ي ..
هديل:(قاطعتني)نرمين😳😳بسم الله ف شنو
فادي:هديل امشو انتو الموضوع م مستاهل
فهد:😒يكون احسن لو مشيتو
هديل:نرمين الله يخليك م وقت عصبتك ارح
نرمين:جامعه ابو
فادي:لو سمحتي ي نرمين
هديل:(مسكتني من يدي و ركبتني السياره و طبعا انا اخلاقي دي بقت زباله💔)سوقي ياخخ
نرمين:(حمرتا لفهد و اتحركنا و انا قربتا انفجر ياخ اول مره زول يتعامل معاي كده بس نهائ م بخلي وصلنا و هديل بقت تنق معاي م اشتغلتا بيها و دخلتا البيت اول م دخلتا لقيت امي مدوره ليها شكله مع ابوي كالعاده💔)
ساميه:عاين ي محمد م ممكن و بعدين يعني شنو لو طلعتا معاهو المطعم قلتا ليك بنتكلم عن الشغل😡
محمد:الشغل بتكلم فيهو ف المطاعم😡بعدين احنا اتفقنا اليطلعكم براكم شنو
ساميه:انتا قاصد شنو يعني..عاين انا استحملتا كتير ياخ م ممكن فوق انك عجزتا بديت تخرف لي كمان😡
محمد:😡😡انتى اصلا وصلتي هنا بفضلي ي ساميه م تخليني اندمك(طبعا انا واقفه و بعاين ليهم و نهائ م مستغربه لانو ده جونا كل نهايه اسبوع😂)
نرمين:عاينو انا جايه من الجامعه مصدعه ينفع تتشاكلو بصوت واطي؟!..
ساميه:😡نرمين اطلعي فوق ي بت
محمد:اصلا بيت كلو ناس م طبيعين(و فتح الباب طلع💃)
ساميه:استغفر الله(و دخلت غرفتا💃)
نرمين:و الله ماف ناس م طبيعيه غيركم😂(و طلعتا ع غرفتي طوالي💃)
عنده ناس فهد:
فهد:(سايق السياره و فادي راكب جمبو ساكت)كان تخليني اشوف شغلي معاها😡
فادي:فهد قلنا خلاص😒
فهد:اصلي م بخليها💔
فادي:عاين هدي لى شويه احنا ح نصل البيت و ح تقابل ابوك..و هو م عارفك جيت البلد،،مهما حصل امسك اعصابك و انتا اصلا عارفو
فهد:ماف زول عارفو غيري😊ربنا يعدى اليوم ع خير(فعلا وصلو و نزلو اول م فتحو الباب آسيا جاتم جاريه لمن شافت فهد و بس تبكي😭)
آسيا:اححى ولدى ي ناس💔
فهد:ست الكل(و باسا ف راسا)و الله اشتقتا ليك
آسيا:امشي ي كذاب😢سنتين ي جزمه م تجى لكن كويس
فادى:امى عليك الله انا جعان😂حبو بعض بعدين
آسيا:انت تسكت م وريتني انو جاى ليه😒
فادى:😂حسي اسكت صح عشان ولدك التانى جا
فهد:امى جد جعان انا خلاص😂
آسيا:ادخل طيب ي ولدى😍(و دخلت جابت الاكل💕و بقت قاعده تتونس معاهم)اكل ي ود زى الناس
فهد:و الله باكل
آسيا:قول م عجبك بس💔
فهد:مما ماتت امى الله يرحما و ابوى عرسك م باكل غير من اكلك و انتى عارفهه❤❤
آسيا:ربنا يرحما ي ولدى😢(فجأه الباب فتح و جا داخل صالح..)
فادى:ابوى كيفك😊
صالح:فادى مالك جاى بدرى الليله😂ان شااء لله خير..و شكلو معانا ضيووف
فهد:م ضيف ي ابوى😊(و قام طبعا صالح اول م شافو اتصدن و فضل ساكت..)
أصبحت العائله ليست بعائله،،و الامان ليس بأمان،،الحب ليس بحب و لا انا انا و لا المجتمع كما كان..💔
كأن كل شئ تحول للأسوء فما النفوس كما كانت و لا الحياه كما اعتدنا..♥
