صحيت تاني يوم من الصباح اتظبطا و نزلتا مشيت ع بيت هديل فتح لي مجاهد..
مجاهد:صباح القشطه للناس القشطه😉
نرمين:ههه صباح النور
مجاهد:انتى كل يوم بتبقي احلى و لا كيف😉(و قرب مني)احي من الريحه
نرمين:مجاهد(و زحيت منو)عاين انتبهه لكلامك و لمحل بتقيف تمام😊اخر انذار
هديل:نرمين😊اول مره تصحي بدري
نرمين:هه اي ارح(و عاينتا لمجاهد بطرف عيني و مشيت..هديل جات و ركبت💕)
هديل:عايني
نرمين:احكي
هديل:امبارح فادي رسل لي❤
نرمين:و قال ليك شنو ان شااء لله
هديل:اتونسنا عادي..بس اول مره احس انو ف زول بفهمني كده و..
نرمين:(قاطعتا)ده اول ولد تتراسلي معاهو طبيعي تفرحي و وتحسي بي كده بس ي هديل فادي ده انا عارفه نوعو شكلو م كويس و بتاع لعب
هديل:بالعكس شكلو مسكين..💔
نرمين:عايزه تغالطيني انا يعني😒
هديل:اخير نقفل السيره خلاص💔(و بقت مقبله تعاين ف الشباك..وصلنا الجامعه هديل كان محاضرتا بدت مشت دخلت و انا كان لسه بعد نص ساعه كده مشيت قعدتا ف الكفتريا لقيت هاجر و كمال بقيت بتونس معاهم،،لمن م جا فهد)
هاجر:تعال ي حيوان ليه م رسلتا لي الصور امبارح
فهد:رسلتا ليك
هاجر:لا بتاعت نرمين قلتا ليك رسلا
نرمين:😂هو صوري لي انا م وصلتني سيبيك منك
فهد:اظن مسحتا
نرمين:😒كان ترسلا و تمسحا(طبعا شميتو شمه)
هاجر:ياخ دي صور يمسحوها😢انا امبارح اتفننتا فيها💔
نرمين:م مشكله نتفنن يوم تاني😂(و عاينتا للساعه)محاضرتي ح تبدا يلا باي(و مشيت لقيت دكتور فارس دخل..طبعا خفتا يحرجني جيت عايزه امشي ناداني)
فارس:ي السمحه
نرمين:انا😳
فارس:(جا علي)ف غيرك ادخلي
نرمين:(سكتا مسافه)طيب(و دخلتا و طبعا مستغربه لانو بقولو عنو صعب و م بدخل الناس بعدو..و القاعه كلها بقت تتهامس💔ادا محاضرتو و كلها كان بعاين لي ياخخ لمن شككني في نفسي بعدين طلع لمن جيت طالعه البنات بقو يضحكو..)
_و الله لكن اتاريها م ساهله لحقت للدكتور تظبطو😂
_احي ي يمه عاد دي فايده السماحه
نرمين:(عاينت ليهم)و الله ي حبايبي بالضبط كده و عشان انتو م عندكم ربع السماحه دي ح تفضلو تنطردو و تتحرجو طول عمركم😊
_الاخت معترفه بالعاملاهو😒
نرمين:اي معترفه❤انتو خليكم تتهامسو كده😂(و جيت طالعه..رغم انو كلامهم غلط بس بحب احرق دم الناس💔مشيت الكفتريا لقيت هديل قاعده براها..)
نرمين:احي م شفتي حصل ايه
هديل:انتى الم شفتي حصل شنو
نرمين:ف شنو
هديل:مازن عمل حادث
نرمين:كذابه كيف
هديل:امبارح😢احي عايني اصحابو منزلين ليهو كلام و كده ف الفيس(و ادتني قريت و رجعتا ليها التلفون)
نرمين:ربنا يشفي
هديل:😳اجي ي نرمين مفروض تمشي لي المستشفي
نرمين:ليه خطيبي؟!..بعدين احنا سبنا بعض اصلا
هديل:مبالغه طبعا ي نرمين،،م قادره استوعب💔
فادي:السمحين
نرمين:ي اهلين
فادي:مالك ي هديل
هديل:و لا شي💔
نرمين:دراميه بس😊
هديل:م دراميه و لا بطيخ بس انتى م بتحسى و بجد فاض بي
فادي:هي هي براحه..كدي تعالي معاي
هديل:اي وصلني احسن
فادي:طيب بس اهدي❤(و قامو طبعا انا بعاين ليها و مخلوعه😳)بوصلا البيت م تخافي م ح يحصل ليها شي(و مشو)
نرمين:كده ي هديل😊..يعني نظام توقعي الولد بس خير انا بوريك(و شلتا تلفوني ضربتا لواحد صحبي اسمو مصعب)مصعب كيفك
مصعب:تمام التمام انتى كيف
نرمين:كويسه..عايزاك ف خدمه❤
مصعب:ياخ انتى تأمري بعد م ساعدتيني و اديتني القروش و طلعتيني من ورطتي ديك مستحيل ارفض ليك طلب
نرمين:طيب اسمع😊(و حكيت ليهو..)
مصعب:حاضر بكره دي القلتي يتنفذ بس اديني تلفون بالمواعيد
نرمين:ظابط😊(و قفلتا منو،بقيت قاعده و سرحانه بس)
فهد:انتى متوحده؟!..و لا نفسيه عشان اعرف اتصرف معاك
نرمين:😒😒الاتنين
فهد:😂(قعد قصادي)اها طيب و صحبتك وين
نرمين:اكلتا..و بعدين انتا مش م بتقره هنا البجيبك ايه؟!..
فهد:و الله بجي عشان اشوف اصحابي بتاعون زمان..
نرمين:يعني ح تنط لينا كل يوم
فهد:المهم انسينا من ده ممكن سؤال
نرمين:لا
فهد:هيا عيونك دي رماديه جد و لا دي عدسات؟!..
نرمين:😒شايف ايه انتا
فهد:امك تركيه
نرمين:لا فرنسيه😂غبي(تلفوني ضرب كانت امي عاينتا للمكالمه و صمتا التلفون لانو اكيد ضاربه لسبب)
فهد:امك بتضرب و م عايزه تردي
نرمين:اي ف اعتراض؟!..
فهد:بستغرب من الحاجه دي يعني الزول لمن تكون امو عايشه مفروض م يضيع ثانيه معاها❤انتو م عارفين عذاب غيابا
نرمين:و انتا م عارف عذاب وجودا
فهد:مستحيل تقدرو تفهمو حنيه الام لمن تروح
نرمين:مستحيل تقدر تفهم احساس انو عمرك م حسيت بحنية الام دي😊
فهد:حتى لو كان وجودا بزعل و مهما كانت ح تفضل ام و لمن تروح ح تتوجعي
نرمين:بس م زي لمن تروح و هيا سايبه وراها بصمه حلوه عشان اتذكرا😊م كل الامهات واحد و م كل الامهات ف زمنا ده بقو يخافو و يهتمو بي بناتم..الحياه اتغيرت شديد..شديد💔
فهد:(بقا يعاين لي بأستغراب)ماف زول بكرهه امو
نرمين:اي صح❤بس ف زول نفسو يحس بأحساس انو دي بجد امو❤
فهد:دي مشكلتك
نرمين:كيف يعني
فهد:يعني ده المخليك تبقي كده...عمرو م كانت حياتنا البنعيشا هيا البتفرض علينا شخصيتنا..و لا هيا البتبقي اغلاطنا صح..الغلط غلط
نرمين:عاين انا م بحب اتكلم ف الحاجات دي😊بعدين انتا م صحبي و لا حتى اخوي عشان تنصحني انتا و لا حاجه
فهد:فعلا بس عمل الخير م عايز ليهو سبب😉(و قام..ياخ فيهو برود كده عجيب و الله💔انا كمان قمتا و رجعتا البيت اول م دخلتا الشغاله جات طالعه..)
_مدام
نرمين:احكي
_امك سافرت هيا و ابوك،،هيا ضربت ليك بس م رديتي قامت قالت لي اوريك
نرمين:ههه طيب تمام(و دخلتا استحميت و غيرتا هدومي و مشيت ع بيت هديل فتحت لي خالتو سلمتا عليها و دخلتا لقيت مجاهد ف الصاله و معاهو عمو حمزه ابو هديل❤)
حمزه:نرمين ياخخ طولتا منك عامله شنو
نرمين:الحمد لله ي عمو انتا كيف
حمزه:الحمد لله و الله
سوسن:صحي ي نرمين قبيل شفتا امك و ابوي شايلين ليهم شنط سافرو و لا شنو
نرمين:اي😂مشو كم يوم و بجو
حمزه:طوالي تجي تقعدي هنا
نرمين:لا م بقدر..الشغاله بتقعد براها بتخاف بعدين انا اصلا ي عمو متعوده💔(طبعا عاينتا لقيت مجاهد ده مركز ف الكلام و بتبسم قلتا ده شنو المجنون ده💔)خالتو هديل ف غرفتا
سوسن:اي ادخلي ليها
نرمين:تمام(و مشيت عليها..دخلتا لقيتا راقده و ماسكه التلفون)ي وسخه😒
هديل:(و لا عاينت لي)خير
نرمين:قومي ياخخ مالك
هديل:و بتسألي كمان😊
نرمين:حسستيني اخوك و لا راجلك و انا م عارفه
هديل:(قعدت)ي نرمين كده م صح💔انا خايفه اشوف البتعملي ف الناس ده كلو بحصل ليك😢الدنيا دي دواره ي نرمين م تبقى قاسيه كده💔
نرمين:طيب ي ستي عشانك ح امشي ليهو و اشوفو بس م تزعلي❤خلاص؟.!.
هديل:وعد
نرمين:لا احمد😂😂😂
هديل:ي الله😒😒
نرمين:(بستها ف خدها😙)خلاص خلاص😂(و بقينا قاعدين و بنتونس و بتحكي لي عن انو فادي طول الطريق يسألا و هيا م ورتو ف النهايه نزلا و بقا يتراسل معاها واتس شويه❤ع قدر م هيا خايفه علي و علي مصلحتي ع قدر م انا كنت انانيه و م قادره اشوف ده كلو💔م عارفه كنت بفكر ف ايه!!بس كنت غلط💔)
لكل منا خطيئه ارتكبها و قضى نصف حياته يتسأل لماذا و نصفه الاخر يندب حظه على ارتكابها..و لكنها خطيئه كانت و لم تعد،،رغم اننا لا نستطيع حذفها و لكننا نستطيع النظر للجانب المضئ..💖
انت كنت جانبي المضئ،،انت كنت توبتي♥
