اول م وصلنا الجامعه هديل قالت محاضرتا لسه ح تقعد ف الكفتريا و انا دخلتا قاعتي..اول م هديل مشت لقت الكفتريا دي كلها اولاد و البنات بالعدد و هيا طبعا بتتوتر قعدت و بقت شغاله بتلفونا و في زي 3 اولاد كده شغالين يشاغلوها فادي كان قاعد و ملاحظ للوضع لمن حسه بيها اتضايقت طوالي جه قعد معاها..
فادي:كيفك
هديل:تمام😳
فادي:قلتا احسن مما تقعدي براك اقعد معاك
هديل:صراحه م متعوده بس..
فادي:لاحظتا😊(و فضل ساكت بعاين ليها و هيا مره تعاين للتلفون و مره تعاين حولينا كان فعلا متوتره و هو مبسوط شديد لانو شايفه بالتوتر ده❤)انتى م مضطره تتوتري كده ممكن نبقا اصحاب بس
هديل:(عاينت ليهو مسافه)انا م بصاحب اولاد
فادي:لكل حاجه بدايه😊و اعتبريني بدايتك
هديل:(طبعا اول م قال كده هديل دي لونا قلب احمر😂❤)
فادي:بتخجلي للدرجه دي😂طيب حلاتك و انتى خجلانه💖
هديل:(بصوت واطي)كفايه ياخخ🙈
فادي:😂😂حاضر كفايه ياخخ(المهم بقو يتونسو قريب ساعتين و هما م حاسين بالوقت و هديل ضيعت محاضرتا و اصلا فادي كان مكنسلا💃انا اول م جيت داخله الكفتريا و شفتم حسيت بنار ف قلبي💔و هو بضحك و هيا بس تتبسم ياخخ شميت الوضع شديد💔بقيت بس بعاين ليهم و تاني طلعتا اثناء م طالعه لقيت فهد قصادي..)
نرمين:ياخخ انتا ف اي مكان طالع لي😡
فهد:هي هي اعصابك مالك
نرمين:و انتا مالك(و مشيت)
فهد:لا بجد دي مجنونه..(و دخل جوه لقا فادي مشا عليهو و قعد معاهم)
هديل:نرمين دي اتأخرت
فهد:المجنونه حسي كانت هنا و مشت معصبه..هيا صحبتك دي عندها نفسيات؟!..
هديل:كانت هنا؟!..م شفتا😳ح اضرب ليها(و قامت بقت تضرب لي انا ابيت ارده و م عارفه زاتو المضايقني شنو بس فكره ولد حلو زي فادي يعجب بي هديل و انا و لا يعاين لي دي م راكبه راسي نهائ)
نرمين:تشوفي ي هديل فادي ده مستحيل يكون ليك😊(دخلت لي مكالمه من مازن قمتا رديت)
مازن:انا قصاد الجامعه اطلعي لي
نرمين:ليه يعني
مازن:ي نرمين اطلعي بس
نرمين:طيب ياخخ(طلعتا لقيتو واقف قصاد سيارتو)خير😒
مازن:ي بت الناس انا تعبتا صراحه معاك و م عارف نهايتنا وين عشان كده تتزوجيني و لا لا؟!..
نرمين:زواج؟!..😂😂(و بقيت اضحك)مازن زواج شنو بالله انا لا بعرسك لا شي شيل الفكره دي من بالك
مازن:اتوقعتا😊طيب ي شيخه ربنا يوفقك و بتمنا يعني كسرة الخاطر الجاتني منك ربنا م يضوقا ليك😊(و مشا انا طبعا استغربتا بس قلتا بطريقتو من قلة الاولاد يعني ظبطا نفسي و دخلتا على الكفتريا لقيت هديل لسه قاعده مع فهد و فادي مشيت هناك و سلمتا عادي وقعدتا..)
هديل:جيتي هنا و مشيتي ف شنو؟!..
نرمين:بحكي ليك بعدين😊
فادي:بالمناسبه عجبتني حركتك امبارح😂أدبتي لكن😂(و بقا يعاين لي فهد و يضحك)
نرمين:شفتا كيف😉
فهد:😒حركات شفع بس
نرمين:ي شيخ😏(و جات شلة فادي)
هاجر:البت القرض😍😍احي ي يمه فادي طوالي لحق يحنك معاك😂😂
نرمين:😂بتتكلمي معاي
كمال:اي اي قالت مكسره فيك
نرمين:😂احي
فهد:م عندها زوق بس
نرمين:اننن
هاجر:كدي عاين ليها انتا حسي الله يسألك م حلوه عامل لي دقنك السمح ده😒
فهد:(فعلا عاين لي و فضل ساكت❤)
سمر:فهد😍كيفك
فهد:تمام😊
احمد:اها نقعد و لا نسيب ليكم الجو عشان تخلطو😂
هديل:لالا اقعدو ياخخ(و فعلا قعدو)
هاجر:اها ي انتى اسمك ايه(طبعا لي انا😂)
نرمين:اسمي نرمين
هاجر:و المؤدبه الجمبك😂❤
هديل:هديل😂
فادي:معلش ي جماعه اصلو البت دي فاصل منها سلك😂(و بقينا نتونس ونضحك ومعظم الونسه هاجر تقول شي و نموت ضحك😂و سمر بس ساكته و تعاين لفهد😂طبعا ملاحظه ليها و ف سري بقول جنس خفه💔)
نرمين:هديل احنا بعد ده نتخارج
فادي:م تقعدو حبه
نرمين:ح تقعدو لمن متين بعد شويه ح يجو يطردونا من الجامعه😂
احمد:م مشكله بعد يطردونا نتخارج
هديل:انتى قولي جعانه بس😂
كمال:ارح مطعم طيب ناكل و بعد ده كل زول يرجع بيتو
فهد:امشو انتو انا راجع البيت
سمر:لشنو ياخ ارح معانا عليك الله
نرمين:(طبعا من غير احس بقيت اضحك و كلهم يعاينو لي😂)😂معلش اتذكرتا شي
فادي:ي زول تمشي يعني تمشي يلا نتقسم ف العربات دي(طلعنا و اتفقنا نمشي مطعم قريب هاجر و سمر ركبو معاي و فادي و فهد سوا و كمال و احمد كل زول عندو موتر اصلا💃مشينا وره بعض لمن وصلنا مطعم كده ظريف نزلنا و قعدنا❤فادي قال هو العازمنا كلنا❤طلبنا 3 بيتزا كبيره و عصاير😍بقينا ناكل و نتصور و طبعا فهد شايل ايفون 6😍هاجر مسكتو منو و بقت تتصور معاي تقريبا حصلنا 30 صوره سوا😂بعدين بقت تصورني براي غايتو بت م نصيحه😂لمن جينا طالعين اخذنا ارقام بعض قالو نعمل قروب و كده❤انا مشيت منم مسافه و بقيت واقفه سرحانه اليوم كلو ام هديل تضرب تطمن عليها و انا ماف زول جايب خبري بجد حاجه تضايق💔احساس انتا و لا حاجه بنسبه لناس مفروض يعاملوك ع انك كل حاجه❤)
فهد:سرحانه وين
نرمين:ف بت بعيده تمشي تسرح معاي؟!..
فهد:انا مجنون عشان امشي معاك حته😂؟!..
نرمين:طيب بتسأل ليه
فهد:لانو رغم كل البتعملي فيهو ف حاجه غلط،قدر م بكرهك قدر م بحب الجانب البتخبيهو ده
نرمين:انتا ي ود كويس؟!..
فهد:كلام كبير عليك معلش😒
نرمين:اننن
هديل:نرمين ارح
نرمين:باي ي كبير انتا😒(و مشيت سلمتا ع الباقين و اتحركنا ع البيت و هديل دي بس تتبسم..)مالك قال تتبسمي كده
هديل:و لا شي😂مبسوطه بس❤
نرمين:اها ان شااء لله دايما😊(وصلنا البيت ودعتها و اول م دخلتا سمعتا صوت صواريخ امي و ابوي💔)
ساميه:ياخ تعبتني بشكك ده حرام عليك😡
محمد:انتى لو م بتعملي شي غلط م كان شكيت😡
نرمين:(دخلتا ع الصالون لقيتم الاتنين هايجين)
محمد:عايني كويس الراجل ده تاني لا تشوفي لا شي..و لو م عاجبط شغل زاتو ماشي😡
نرمين:(طبعا ف اللحظه ديك قربتا أصرخ فيهو و أذكرو بالعملو قبل 10 سنوات😢لو م مسكتا نفسي كنت بجد ح انفجر و قبل م افقد اعصابي طلعتا طوالي من البيت من غير زول يشوفني و بقيت ماشه ف الشارع برجولي و انا م عارفه ماشه وين و بس بتذكر بالشفتو و السمعتو😢م حسيت الا بزول بمسكني من يدي و يلفتني عليهو..)
فهد:ي بت انتى كويسه
نرمين:(زحيت يدوو)اي كويسه..مبسوطه شديد كمان💔م شايف ح اموت فرح..ليه م افرح..حياتي زي القشطه و العسل👌
فهد:عايني لو عايزه بوديك حته حلوه تريحي اعصابك و ارجعك
نرمين:ليه؟!..عشان بكره تشمت فيني؟!..و لا عشان عاجبك وضعي كده
فهد:طيب اي صح كلامك حسي ارح معاي😊
نرمين:😒(بقيت ماشه وراهو لمن وصلنا بيتم دور عربيه فادي و قال لي اركبي ركبتا و مشينا ع شارع النيل👣ف حته كده حلوه و هاديه💖قعدنا و انا بقيت سرحانه و كأنو هو م معاي💔قعدنا امكن زي ساعه و هو ساكت و انا ساكته..
فهد:اها م احسن
نرمين:مش بتكرهني مالك قال؟!..
فهد:أنى اكرهك شي و أنى اساعدك شي تاني😊
نرمين:اها و انتا مالك برضو كنتا سرحان
فهد:انا نعسان بس😊
نرمين:طيب ارح نرجع انا بقيت كويسه
فهد:طيب(ركبنا نزلني البيت و مشا هو اول م دخلتا الشغاله قالت لي الاكل جاهز قلتا ليها م عايزه و طلعتا نومتاا😴)
ظننت ان الماضي صعب النسيان..و ان الحاضر كل اعتماده على م سبق،،و لكنك اتيت فأثبت لي ان كل شئ يعتمد علينا و على مقدار قوتنا لمحاربه م فات..♥
انت كنت الاشياء الصحيحه ف حبر كل الاخطاء كأنك نور او فالأقل ظلمة من الجمال..💜
انت كنت انا ف وقت ضياعي..و لكنك ضعت فأضعتني معك..💔
