فهد صحه زي الساعه 1 كده لقا فادي نايم قام و جا علي ف الغرفه انا كنتا لسه نايمه😴فتح الباب براحه و دخل..كان شعري مفكوك و منكش و حاضنه المخده قوي و عامله زي الشفع😂بقا واقف قصادي و بتبسم..
فهد:غرورك و عصبتك و كل الحاجات السلبيه فيك الزول بنساها و انتى عامله كده،،زي الشفع❤
نرمين:(فتحتا عيوني و غمضتا..تاني ركزتا انو واقف قدامي فتحتا و نطيت بخلعه)فهد😳انا هنا ليه..(بعد مسافه اتذكرتا)اقصد انتا هنا ليه
فهد:كدي ابردي😂حسي انتى صاحيه مالك كان شكلك حلو و انتى نايمه
نرمين:اننن😒الساعه كم
فهد:الساعه 1 و حاجه حسي
نرمين:اممك هديل..
فهد:مالا
نرمين:ح تكون جات البيت و لقتني ماف ي الله💔
فهد:ارح حسي انزلي اشربي الشاي و برجعك قولي ليها طلعتا بدري بس
نرمين:امك و ابوك م ح..
فهد:(قاطعني)ح استناك تحت(و طلع..انا دخلتا غسلتا وشي و لبستا توبي مع انو لبستي عاديه بس م عارفه الاحترام شنو😂نزلتا تحت و انا خايفه لقيت فهد بتونس ليهو مع مره كده م كبيره شديد و بضحكو😍)اهي ي امي البت القلتا ليك
آسيا:😍ي اهلا تعالي تعالي
نرمين:صباح الخير😊
آسيا:يخسى عليك م قلتا لي انها حلوه كده😂
فهد:معلش المره الجايه ببقا بوريك
آسيا:فهد قال لي انو أهلك سافرو و امبارح جاكم حرامي الحمد لله م ضربك و لا عمل ليك شي❤
نرمين:(عاينتا لفهد و أبتسمتا❤)اي الحمد لله❤لو م هو م معروف كان ح يحصل شنو
آسيا:يلا اقعدي امشي اجيب ليكم الشاي(و دخلت المطبخ انا قعدتا و فهد جا قعد جمبي)
فهد:اها الليله كيف
نرمين:مصدعه بس💔
فهد:الخوف راح😉
نرمين:انا م بخاف😒
فهد:عنيده😂❤
نرمين:م عنيده
فهد:(مسك يدي)طيب ليه لمن حسي يدك زي التلج؟!..
نرمين:يعني اكيد ح اكون بردانه بس
فهد:(بقا يضحك😂)بردانه ي كبيره
نرمين:كريهه😒
آسيا:(جات و بقت تتبسم طبعا اول م شفتا فكيت يد فهد💔)احلى شاي لأحلى اتنين❤
نرمين:تسلمي ي خالتو❤
آسيا:انتى التسلمي طولتا م شفتا ولدي مبسوط كده❤
فهد:ي امي دي م بتخلي الزول مبسوط بتجيب للزول الضغط بس
آسيا:ده كلام الحبيب قبل يحب
نرمين:(طبعا بقيت اكحح)
آسيا:ده خجل و لا شنو😂
فهد:ي امي معقول انا احب لي وحده بتكسر سيارات الناس
نرمين:لانك تستاهل😒
فهد:انا م عملتا ليك شي ي بت
نرمين:لا عملتا..و قال شنو م تلعبي معاي(و بقيت اقلد فيهو😂)
فهد:حسي الله يسألك انا بتكلم كده
نرمين:اي😒
فهد:انتى شكلك م شفتي نفسك عامله كيف
نرمين:لا اديني عيونك عشان اشوف
فهد:ماف داعي عشان م تنصدمي لمن تشوفي نفسك بعيوني❤
نرمين:م يكون كلام امك صح و بديت تقع😉
فهد:(فضل ساكت و بعاين لي..و انا بعد مسافه لاحظتا انو ده كلو قدام امو😂😂عاينتا ليها لقيت ابتسامتا من الضرس للضرس😂عاد بقيت بشرب و انا ساكته خجلتا خجل
بعد مسافه نزل راجل من فوق)
صالح:صباح الخير
آسيا:صباح النور
صالح:معانا ضيوف و لا شنو
آسيا:اي دي بت محمد جارنا تعال تعال
صالح:(جا و سلم علي)كيفك
نرمين:الحمد لله❤
صالح:م كنتا عارف محمد عندو بت حلوه كده😂
آسيا:ي راجل م تسكت😂
صالح:بتغيري و لا شنو..لا لا م تخافي بنديها لفادي بس
آسيا:و ولدك الكبير يقعد باير يعني😒نديها لفهد طوالي❤
صالح:(عاين لفهد و سكت)يلا انا ح اشيل كم حاجه من المكتب و ماشي..اخذي راحتك ي بتي
نرمين:ان شااء لله(و مشا)
انا قعدتا مع خالتو و بقيت اتونس معاها ظريفه ظرافه..فهد طلع فوق كان ماشي ع غرفتو سمع ابوهو بتكلم بالتلفون..
صالح:عاين ياخخ انا م اكلتا حق زول و فادي و فهد كاتب ليهم حقم بالتساوي و نهائ م تقول لي ده تعب رحمه(دي ام فهد الماتت)لانو هيا حراميه م اكتر..سرقت حياتي و شغلي و كل شي😡(و قفل الخط فهد دخل ليهو معصب و قفل الباب قوي😡)
فهد:كيف يعني امي حراميه..انتا كيف بتقول عنها كده اساسا😡
صالح:فهد اطلع بره انا م فاضي ليك
فهد:لا ح تفضا لي الليله😡ليه بتعاملني كده ليه بتقول عن امي كده حسي عايز شرح😡
صالح:عايز شرح صح😡لاني م كذبتا هيا بجد كده...انا من زمان م كنتا دايره بس اهلي جبروني عليها و هيا وافقت مع انو عارفه اني بحب صحبتا آسيا😡بس هيا وقتا لا ختت اعتبار لصحبه عمرا و لا حتى لي انا
فهد:كيف يعني و ليه اصلا
صالح:ابوي وقتها شاف انو آسيا م من مقامنا لانو كانت من عيله متواضعه شديد و رحمه عشان من عيله غنيه كان مصر عليها..هيا لو كان رفضت م كان اتزوجتا بس هيا وافقت💔غدرت بصحبتا و وافقت💔م قدرتا اعمل شي و اتزوجتا فعلا و ابوي وقتها جابني الخرطوم عشان م أقابل آسيا تاني💔جيت هنا و شفتا أكعب معامله من امك كانت وسخه و كل يوم بتذكرني كيف هيا زوله م بتهما غير نفسها..شغلي بقا كعب و ادهور شديد و وقتها هيا الساعدتني لمن م جا اليوم الجابتك كنتا بتمنا احقق أمنتي و يكون اول ولد لي من البت البحبها عشان كده عمري م اعتبرتك ولدي💔أمك حتى بعد جابتك م اتصلحت بالعكس كانت بدوس ع الناس و بتكسر الناس..لمن ربنا اخذ حقهم منها و خلاها تموت بأبشع طريقه..تتحرق💔
فهد:كفايه
صالح:بعدها بكم سنه فتشتا ع آسيا و لقيتا م اتزوجت لانو املا بربنا كان كبير❤كانت مستنياني..عارف بعد كم شهر من موت امك اكتشفتا شنو؟!..اكتشفتا انو هيا الكان سبب ف تدهور شغلي عشان بعدين اهلها يقولو هيا الساعدتني و ادتني من قروشا و هيا الليها الحق ف الشغل ده اكتر مني..و فعلا ده الحاصل حسي
فهد:ح اسألك سؤال واحد بعيد عن كل القلتو و كل الح تقولو..انا ذنبي شنو؟!..
صالح:امك..
فهد:(قاطعو)شوهتا صورة امي ف عيوني بس برضو عايز افهم ذنبي شنو من انو لا اعيش حنيه ام و لا أقدر أفهم يعني شنو اب💔
صالح:..(فضل ساكت و م عارف يقول شنو)
فهد:ي ريت لو م حكيت لانو ده نزلك من عيوني زي م نزل امي من عيوني..ربنا يرحما و يسامحا و بتمنا انا كمان اقدر اسامحك انتا(و طلع طوالي و هو زعلان شديد💔دخل استحما و ماسك نفسو عشان م يبكي بس م قدر😢ماف فرق بين بت و راجل لانو الوجع واحد💔بكا شويه و مسح دموعو لبس و نزل لقاني قاعده تحت و طبعا ظاهر ف وشو الزعل💔)
فهد:يلا انزلك البيت
نرمين:انت كويس
آسيا:فهد ف حاجه
فهد:لا😊و يلا ي نرمين(و طلع انا ودعتا خالتو و طلعتا ركبتا السياره و نهائ م فتح خشمو معاي💔اول م وصلنا فضل ساكت)
نرمين:فهد ف حاجه
فهد:لا ي نرمين ماف حاجه بس مصدع و م تخافي الزفت داك تاني م ح يقرب جمبك💔يلا انزلي
نرمين:طيب(و نزلتا اول م دخلتا جاتني مكالمه من مصعب رديت ليهو قلتا ليهو م الليله يوم تاني لمن اضرب ليك..حسيت انو الكنتا ح اعملو غلط فضلتا قاعده ف الصالون و بفكر ف فهد و الحاصل ليو..بعد مسافه طلعتا غيرتا هدومي و مشيت ع هديل اتمنيت م اشوف مجاهد و فعلا م كان ف البيت..
سوسن:احي ي بتي وين انتى من قبيل
نرمين:تعبانه شويه💔
سوسن:احي حتى هديل تعبانه شديد
نرمين:ليه مالا
سوسن:ادخلي ليها(فعلا دخلتا لقيتا متغطيه و بترجف و عندها حمه زي النار💔)
تغير مجمتعنا كثيرا..قصص الحب النقيه أصبحت محرمه و كل انواع التحرش لا بأس بها..أصبحنا نخاف من كل شئ حتى الاقرب لنا لان كل شئ تغير..أصبحنا بعيدين عن الدين و قريبين للأذى..كأن الله يخبرنا ان البعد عني ضرره لكم💔
