رجعتا المستشفي بعد ساعه كده لقيت هديل نايمه و فادي قاعد بيعاين ليها❤
نرمين:احمم😊
فادي:نرمين(بصوت واطي)تعالي الحصل شنو😳
نرمين:(قعدتا و بحاول امسك دموعي)اخوك فاهم غلط بس😊
فادي:طيب و الحصل
نرمين:(حكيت ليهو بالحصل مع مازن و القالو فهد)بس و الله م زي م مفتكر😢
فادي:عايني ي نرمين انتى لو شفتي فهد ف نفس الوضع ده ح تتصرفي كيف
نرمين:م عارفه بس برضو😢هو كان يفهمني و الله بحبو😭
فادي:ي بت خلاص لو حبكم الله كاتب ليهو يعيش ح يعيش❤
نرمين:صح انا عملتا العلي💔
فادي:انا بمشي طيب يلا نومي
نرمين:طيب
فادي طلع مشا ع البيت دخل لفهد لقاهو راقد..
فادي:قوم عايزك
فهد:ي فادي الله يرضا عليك خليني ف حالي
فادي:انتا فاهم غلط
فهد:عاين ي فادي انا م ح اقبل اعيش مع وحده كل يوم افكر لو ح تخوني و لا لا💔
فادي:طيب ي فهد يعني ح تنتهو ع كده؟!..
فهد:اي..مسافر بكره
فادي:نعم😳
فهد:اي راجع كندا
فادي:فهد ده كلام شنو
فهد:انا كلمتك بس قسما عظما ي فادي القا نرمين عرفتك منك و الله اقطعا معاك
فادي:استغفر الله(و بقا ساكت م عارف يقول ايه💔)
انا اصلا م قدرتا انوم لمن م أذن الفجر و مشيت صليت رجعتا لقيت هديل بتتكلم بالتلفون اول م شافتني قفلت..
نرمين:اجي..بتتكلمي مع منو حسي
هديل:امي بتطمن علي😊
نرمين:اها..طيب يلا قومي عشان تصلي
هديل:تمام(سندتا لمن اتوضت و جات صلت❤بعدين رقدت و انا نمتا شويه صحيت الساعه 7 مشيت نزلتا اجيب فطور💕هديل ضربت لفادي..)
هديل:ي ود حاصل ايه
فادي:عايني فهد مسافر الليله مطارو بعد ساعتين كده
هديل:نعم😳😳
فادي:انا وعدتو م اقول لنرمين بس انتى عادي تقولي😊
هديل:ظابط طيب حسي ح اوريها(و قفلت)
نرمين:احلى فطور لأحلى هديل😍
هديل:عايني و ركزي فهد ده مسافر
نرمين:😳 كيف يعني..متين
هديل:الليله بعد ساعتين
نرمين:هديل😳كيف يعني ح يخليني💔
هديل:فهد كان ليك سند ي نرمين م تخليهو عشان سووء تفاهم💔اعملي كل العليك عشان م تندمي بعدين
نرمين:(سكتا مسافه)ح يكون اتحرك ع المطار
هديل:اي..(أبتسمت)نعمل زي الافلام😍
نرمين:م ح اخليهو بس انتى ح تقدري
هديل:اممم اي😂يلا يلا(و قامت سريع لبست ليها توب صلاه و انا لبستا عبايتي و طوالي نزلنا ع السياره اتحركنا ع المطار..و انا بدعي أقدر ألحقو بس كان زحمه مبالغه و فادي بتواصل مع هديل قال ليها وصلو و ح يدخل صاله المغادره ياخخ انا حسيت انو خلاص ح يمشي😢😢💔اول م وصلنا دخلنا جوه سريع لقيت فادي قاعد براهو💔)
نرمين:وينو
فادي:دخل
نرمين:وين
فادي:صاله المغادره..م ح يدخلوك💔
نرمين:(بقيت أضرب ليهو يديني مغلق😢😢)ح اعمل ايه ح اموت😭
مهند:نرمين😳
نرمين:مهند..(ده صحبي)
مهند:مالك ي بت
نرمين:(عاينتا ليهو مسافه لقيتو لابس اللبس بتاع ناس الشرطه و النجوم دي ي يمه كتيره عرفتو مهم💔)عاين عايزه ادخل صاله المغادره عليك الله دقايق بس💔
مهند:مستحيل م ينفع
فادي:طيب عايزين واحد يطلع من جوه
نرمين:لو عرف انو انا هنا م ح يطلع😢
مهند:انتى عايزه تتكلمي معاهو ضروري شديد
نرمين:ايوه لو سمحتا ضروري😢
مهند:معناتا قصه حب بنكهه الهندي😂
فادي:بالضبط
مهند:طيب تعالو وراي(فعلا مشينا وراهو دخل بينا غرفه كده كانت قاعده بت بتتكلم و قدامها المايك💔)
نرمين:ده شنو
مهند:ده حلك الوحيد وصلي ليهو كلامك من هنا💔بس الصاله كلها ح تسمع
فادي:نرمين ح يطلعوهم بعد شويه
نرمين:طيب طيب😭(قعدتا البت سألتني هو ماشي وين قلتا ليها م عارفه فادي قال كندا قالت لي طيب اتكلمي اول م ادوس الزر ده💔اول م داستو م عرفتا اقول شنو سكتا مسافه😢)فهد💔
فهد:(كان قاعد اول م سمع اسمو نطط عيونو و بقا يقبل يمين يسار و ناس الصاله كلهم استغربو💔)
نرمين:يعني ح تمشي و تخليني💔انتا م عارف انا حياتي أتصلحت كيف بعد م دخلتا😢بقيت بشوف الحاجات بيضه و بحسه بأمان من زمان م حسيتو💔انا كنتا بغرق ف عالمي الوسخ لمن م انتا جيت و انقذتني💔بيقولو ف الحياه ف زول واحد بس هو الح يحبك و يخلص ليك و انتا الزول ده😢انا حتى م عارفه اقول ايه بس م تمشي💔م عايزه اخسرك💔الحصل سووء تفاهم و الله سوء تفاهم💔كل الاخطاء الفي حياتي أتصلحت بعد انتا دخلتا❤اول مره احب الحياه❤اول مره احب❤ممكن م تمشي😢لو سمحتا😭
ف الصاله:
ساره:اخخخ فهد ده وين😍
محمد:ده كلام شنو احنا ف الهند ي جماعه
ساجد:ده مقلب و لا جد؟!..(كلهم كانو بتناقشو و فهد منزل راسو ف الارض و م عارف يعمل شنو💔💔)
مهند:اظن انتى عملتي العليك موعد الطياره جا💔
نرمين:صح عملتا العلي(و طلعتا طوالي و قلبي ده قابضني😢😢بقيت واقفه قدام الصاله مستنياهو يطلع بس م طلع😢)
فادي:الناس ركبو الطياره ي نرمين
نرمين:ركبو💔💔
هديل:(مسكت يدي💔)م تزعلي😢انتى عملتي العليك💔
نرمين:خلونا نمشي بس💔(و طلعتا و هما ماشين وراي💔اول م وصلتا السياره فتحتا الباب عايزه ادخل سمعتا صوتو قلبي قرب يقيف😭)
فهد:يعني الزول م يتغلا شويه😂
نرمين:(اتلفتا عليهو و انا ببكي😭)بكرهك بكرهك😭
فهد:يعني ارجع
نرمين:انتا حيوان؟!
فهد:لا م حيوان بس عايز اعرف بتحبيني قدر شنو..م اتوقعتك تعملي كده💔
نرمين:فهد انا كنتا ح اموت😭
فهد:بعيد الشر ي بت💔كدي عيدي الخطاب بتاع جوه ده عجبني
نرمين:😭بححبك بس دي الخلاصه
فهد:(ركع ف الارض و طلع شي من جيبو)ع فكره امبارح هديل سمعت كلامك مع فادي و ضربت لمازن خلتو يضرب لي و حكا لي القالو و انو حضنك من غير سابق انذار زي م بقولو💔و كمان انا القلتا لفادي يقول لهديل عشان هديل تقول ليك😊كنتا بس عايز اشوف لو ح تجي عشاني😂م اتوقعتك تعملي كده
نرمين:بجد!!😳😳(و جيت عايزه امشي مسكني من يدي😂)
فهد:طيب آسف انا غلطان😂بس و الله م قاصد و كنتا بجد ماشي لمن اخر لحظه بليل زي الساعه 2 مازن ضرب لي💔
نرمين:يااخ بكرهك😭😭
فهد:م كان عندي وقت اجيب ليك خاتم لانو م اتوقعتا اطلب يدك هنا(و طلع بتاعت الببسي ديك😂عمله شكل خاتم كده💕)عايني انا كنتا ح امشي لحظه غضب بس و الله اخر مره و تاني م ح امشي الا افهمك
هديل:الشمس قتلتنا ي بشر😂
نرمين:انتي اصبري حسابك بعدين😡
فهد:ركزي هنا رجلي وجعتني😂اها تتزوجيني
نرمين:😢اي(لبسني ليهو💕)
فهد:بدل تقولي افكر
نرمين:اسكت مني ياخخ براي زعلانه😢فضحتا نفسي قدام الناس..
فهد:😂اي كلو عشاني يهون
فادي:عقبالنا😉
هديل:ممكن ترجعوني المستشفي ي ناس عشان امي ح تكون قلبت الدنيا😂
فعلا رجعنا لقينا ناس امي و كلهم جايطين ياخخ شاكلونا شكل😂😂💕بعدها بأسبوع فهد جا طلب يدي من ابوي و ابوي وافق💕و بسبب استعجال فهد عقدنا بعدها بأسبوعين كده😂😂❤و فادي كمان اتقدم لهديل😍و عملو عرسهم الجمعه البعدنا طوالي😂امي و ابوي تعاملم اتغير ف يوم جوني و قالو انهم قررو ينفصلو الصراحه م زعلتا💔مرات الانفصال بكون احسن عشان نحافظ ع باقي الذكريات البينا💕و علاقتم بعد انفصلت بقت احسن و تواصلم كان عادي💕مجاهد طلب مني العفو و ندم شديد ع العملو و طلب كمان العفو من امو و حضر عقد هديل و سافر طوالي الكويت💔ابو فهد رجع معاهو احسن من اول بكتير💕💕و فجأه كلنا لقينا انو حياتنا أتصلحت❤انا و هديل رجعنا أحسن من اول و اتقربنا من بعض😍صراحه كل م اتذكر الحصل بلقا انو حياتي أتصلحت بعد م ظهر فهد❤❤بعد م عرفتا الحب و قيمه انو اكون قريبه من ربنا❤❤
مرت سنتين❤انا و فهد سافرنا و عشنا ف كندا و كنتا بقره هناك بس طبعا مع تعب الولاده جينا السودان😂كان فاضل شهر لولادتي بس ف يوم صحيت و بقيت اصرخ💔فهد صحا مخلوع..
فهد:ف شنو
نرمين:بطني بطني😭😭😭
فهد:نرمين كدي اهدي طيب اعمل شنو
نرمين:ارقص لي😭😭ياخ انتا حيوان شكلي بولد
فهد:شنو😳😳ولاده م حسي لا
نرمين:هو ع كيف ابوك😭😭ياخ وديني لأمي
فهد:(بقا يحك ف راسو)طيب طيب ارح(كنا قاعدين ف شقه مفروشه ركبنا السياره و اتحركنا ع المستشفي و انا بس ابكي😭😭فهد ضرب للناس كلهم جونا هناك..و الدكتور قال فعلا دي ولاده مبكره😭كانو بجهزو ف الغرفه و مقعدني بره💔)
هديل:نرمين م تخوفيني من الولاده حسي ابطل😭
فادي:تبطلي شنو انتى ف الشهر السادس😂
فهد:طيب ممكن م تبكي😢
نرمين:انتا تسكت😭😭اصلا كلو بسببك بكرهك بكرهك انا غلطانه عرستك ي حيوان
محمد:😂😂😂ي بتي اهدي دي جرسه شنو
نرمين:ابوي ي ابوي ياخخ😭خليهو يغور مني
ساميه:ي بت قولي بسم الله
فهد:(بقا ماشي جاي و بحك ف يدو💔و شويه و يبكي😂)
نرمين:م تمشي قدامي ياخخ😭بتوترني محسسني انتا العايز تولد😭
ساميه:استغفر الله😂(بعد كم دقيقه دخلوني الغرفه قعدنا ساعتين امكن و بعدين صوت البيبي عبا المكان😍😍و الدكتور طلع قال ليهم مبروك بت😍😍و صحتم الاتنين زي الفل😍الناس بقت تزغرد و فهد ده بقا بس يبكي😭💕💕كان احلى يوم ف حياتي💕💕جبنا لارين😍و طلعت بتشبهني طبعا😌😌حلوه حلا😂بغيظ فهد بكده و بعدها بكم شهر ولدت هديل و جابت ولد😍😍سمتو إبراهيم💕💕و حياتنا بقت ماشه كده طبعا ف مشاكل بس تفاهمنا كان غالب❤كنا كل م نتشاكل م بنكسر الحاجات و لا نطلع نسيب بعض لا كنا بنقعد و نتناقش من اول و جديد بس ماف زول بخلي التاني زعلان❤دي م حياه هنديه دي واقعيه و جدا💕لمن الرجل الشرقي يبقا حنين ع مرتو و يهظر معاها و يعمل ليها مفاجأت م معناتا هو قلل من قيمتو بالعكس هو كده بقا راجل بحق و حقيقه❤)
انا قبل م فهد يدخل حياتي كان لبسي كعب و كنتا بعيده شديد من ربي💔بس لمن هو جا عرفتا قيمه البت لمن تبقا محترمه💕و تصون نفسها للراجل البحبها و بتحبو❤غلطا ف حق ناس كتير و كسرتا قلوب ناس كتيره كمان بس ماف زول م بغلط و انا بشر قدرتا اراجع نفسي و عرفتا غلطاتي❤و رجعتا للطريق الصح❤
ف مجتمعنا لمن الزول يغلط بيخاف يرجع للطريق الصح عارفين ليه؟!..لانو م بنديهو مجال و بنفضل نزكرو بغلطاتو💔م بنسامح مع انو ربنا بسامح💔و لو عاينا لنفسنا بنلقا انو احنا كمان غلطنا راكبنا من راسنا لساسنا💔
حتى علاقتنا بأهلنا أختلفت..بنلقا العيله الاهلها م عارفين عن ولدم شي و العيله الاهلها مديه حريه لولدم زياده عن اللزوم و نسو ان الزمن اتغير و النضيف مهما كان نضيف بتوسخ💔احنا محتاجين ناس تحاوطنا و تورينا دايما الصح من الغلط❤
ادو الناس البتحبوهم فرصه،أمكن يتصلحو❤
و بطلو تعصبو و تمشو عشان كده بتخسرو احسن الناس❤
حلو سوء التفاهم البينكم💕و كملو❤
حتى صحبتكم ديك الغلطت و جات أعتذرت فكرو تقبلو اعتذارا لانو هيا م رسول و لا ملاك،،كلنا بشر مرات الحقد بيعمي عينا❤
هو أتى كالمغفره..كأن قدري يخبرني ان نصيبك من السعاده أتى❤..
أحببتك و رغم كل اخطائي أصلحتني❤كأنك تخبرني ان الحب لا يختار الجميلين فقط❤..
لا أعلم م سأخبرك من مشاعر❤كيف سأترجمها؟!..و لكنك كالتوبه جعلت قلبي يخفق بحب تأب يتوب عشقا❤❤❤
..تعاليقكم تهمني💖
