عادات وتقاليد اعدمت حياتي(نهوه) 🔞🔞

البارت 15

اول شي السلام عليكم شلونكم اخباركم أحوالك مشتاقتلكم حيل طبعا هاي الايام ما نشرت السبب كعدت أكتب بالقصه و راح اخلصها فراح أنشر اللي كاتبته وان شاء الله اكمل القصه اعذروني اذا اتأخرت بالنشر بس راح تخلص القصه قربت ع النهايه

قمر. إحساس مزدوج بين الحزن و الألم و انكسار و فقدان كلشي احس جسمي نار الوجع كاتلني ما اعرف شنو اسوي يعني طول هاي الفتره محد من عمامي او اختي سئلو عني تلوعت بهذا الحمل أو لان مالي احد احس هيج صح صكر وياي بس المفروض انسان جبير و واعي مو فقط زوجج وياج ضليت كاعده الوجع كل ماله يكثر ويزيد احس انو الأطفال بس يردون يطلعون من بطني سمعت صوت رمي عرفت انو صكر نزل عرفت انو وحده غيري اخذت صكر وحده ثانيه راح تشاركني بحبيبي مستحيل أتقبل هذا الشي اريد اطلع و اموتها بيدي شلون هيج مستحيل اعبر عن الحركه اللي بقلبي نار ما تطفا حسيت بطني موتتني من الألم انتبهت انو صارت توكع علي مايات انتهيت من صدك ضليت الوب مااكدر احرك لا ايد ولا رجل ضليت اون من كثر الألم حسيت الباب انفتح دخل صكر للغرفة شافني وكنما شافني ميته ضل يروح منا ويرجع منا ما يعرف شنو يسوي يجي يمي يكلي شبيج و يرجع يفتر بالغرفه بعدها صحت عليه ادري تنتظر اموت كوم أخذني للمستشفى راح اموت بسرعه شالني ونزل يركض ع الدرج أخذني بسرعه وصلنه لان المستشفى قريبه منهم بسرعه دخلوني صاله الولاده

صكر اخذتها وانه كل فكري يمها اخاف يصير بيها شي التفكير اخذ حايز كلش جبير بهاي الساعات ما يهم الأطفال الأهم هي تطلع بسلامه ضليت كاعد ادعي ربي انو ما يصير عليها شي مااكدر انسه شكلها لمن دخلت عليها الدم بين رجليها وهي تون بوجع حسيت الدنيا وكفت بعيني ضليت انتظر إلى أن طلعت الدكتوره ع وجها بسمه كمت الها وكتلها. هاا دكتوره بشري

الدكتوره. الحمد لله ع سلامتها توأم أولاد

صكر بهاي الكلمات حسيت رجع الدم يمشي بجسمي اخذت نفس عميق و تشكرت من الدكتوره تقريبا شوي وطلعوها الغرفه وحدها بس ثكلت وجه عليها أريدها تحس لان كلش اتعدت حدودها حزنانه ع عيني وراسي بس كلش تدمرت من هذا حزنها المفروض ترجع مثل قبل

قمر لمن طلعت من الولادة حسيت صكر ضايج او حزنان مااعرف شنو بي بس حسيت انو الأطفال بيهم شي ربي مو حته أطفال تحرمني منهم والله تعبت كتله. صكر بيك شي

صكر. ليش هامج

قمر. شنو هامني او لا شنو صاير

صكر. اللي بطنج كانو حيموتون بسببج

قمر. أنه شدخلني تره والله تعبت

صكر. انتي تعبتي وانه تعبت لا تبقين بهذا حزنج تعبني والله تعبني

قمر. شنو تريد زواج وتزوجت تعرف شنو سويت بهاي عملتك كسرتني تعرف تبارك الحيه تراهني عليك