عادات وتقاليد اعدمت حياتي(نهوه) 🔞🔞

البارت 2

كالعاده بعد الغده كوب قهوه سويته افيييييييش يا ريحتها ترد الروح اخذته وطلعت اتمشه للصاله واشرب بيها ما احس غير واحد طلع بطريقي وداعمنه اني وياه وكعت القهوه ع ايدي رفعت رأسي اريد اشوف منو هذا اللي ما عنده عيون ويدعم وكان انصدم للمره الثانيه هو عيونه بكصته من العصبيه شوفني وانصدم

مهيمن. انتي هم هنااا طلعي بره

قمر. وليش عيوني اطلع انته اتفضل بره

مهيمن. اللهم طولج يا روح بابا ولي ما اريد اعاين جهرتج الكشره ماشفت خير من وراج

قمر. لا والله انته الغلطان اول شي فلشت سيارتي وبعدها خربت شغلي وهسه حركت ايدي بعد شتريد تسوي

مهيمن. طلعي بره لا بالقرآن ابتلي بيج

قمر. والله بيت عمي وبكيفي انته شرف اطلع بره تركته ومشيت

مهيمن بيت عمها شتحجي هاي تركتني ومشت غير حسيت بركان اشتغل بيه شلون تتجاهلني انداريت عليها وكضبت ايدها وكتلها. شقصدج بيت عمج هااا

قمر. يي عيني بيت عمي انته شكو يلا شوفني عرض اجتافك وايدك بعدها

استوووب استووووب خلي نتعرف ع مهيمن

مهيمن. اسمي مهيمن بس معروف بالعشيره صكر بالبيت كلهم يكلولي صكر بس بشغلي مهيمن عمري 37 سنة خريج أداره وإقتصاد من بعد ما اتخرجت درست ماجستير إدارة الأعمال وضليت ادرس من كليه الكليه ضاع عمري طبها بسبب سمعتي بين الناس اكثر من مره اخطب ويرفضون لان خريج سجون بسبب غلطه المهم وبعدها قررت افتح شركه مقاولات ومواد بناء منتجات وصناعات أخرى ويوم عن يوم الشغل ازدهر وكبر بيوم كاعد بالمكتب اجاني بريد إلكتروني دعوه إلقاء ع قناه ال.... قناه فضائية ومعروفة بس لمن عرفت انو إلقاء راح يصير ويه بنت رفضت من بعد ما دخلت ع حساب المقدمه وشفت صورها منشورة وكومه متابعين الها اللي عرفته انو هي نشطه اجتماعية الها أكثر من عمل غير الإعلام متبرعه بميتم و دار المسنين غريب اكو هيج بنيه شلون تخلص فلوسها ع هيج أشياء ما اهتميت طلعت من حسابها ورفضت الدعوه مالتهم وبعد أسبوعين تقريبا كعدت من الصبح عيوني تعبان ما بيه اطلع بس لازم اكوم لان عمي وبناته جاياين من بغداد اليوم والأول مره راح اعاين بنات عمي جليل كمت من الفراش دخلت للحمام سبحت بسرعه وطلعت نزلت صبحت ع امي وجده كاعدات والبنات بالمطبخ يحضرن الاكل كعدت يم جده كتلها. ابوي والشيخ وينهم اشو ما اكو احد منهم

جده. طلعو البيت عمك عزيز شوي ويجون انت اليوم ما تطلع مو

صكر. لا جده وين ما اطلع الشغل فوك هامتي واصل خليني اشوف شغلي احسن

جده. روح يمه ربي يوفقك بكل خطوه بس لا تتاخر اليوم عمك وبناته راح يجون

صكر. ان شاء الله جده ما اتأخر ب3 يمكم جابن البنات الاكل اكلت بسرعه وطلعت اتصلت ع حسن ابن عمي وطلعت شفته واكف يم بابهم صعدنه اتصلت ردت اروح للشركه أتذكر ناسي الاوراق رجعت برجعتي انضربت سيارتي ويه وحده غبيه ما تشوف كدامها بس الحمدلله ما صار بيها شي يعني خسارتها ما تكلف هواي رجعت للبيت عمي موجود سلمت عليه شفت بنيه كاعده يمه مفرعه شعرها طالع و لابسه حصر انطيتها خزره لعنت والديها بيها صعدت بسرعه اخذت اللي اجيت عليهم وطلعت من البيت بسرعه رحنه للوزاره لان عدنه شغل كملنه وطلعنه الساعه ب12:30 كلت اروح للمكتب اشوف شبي ما بي وصلت دخلت للمكتب السكرتير نبهني اكو بنيه تريد تشوفني من كال اسمها سامعه من قبل انداريت عليها طلعت نفس البنيه اللي دعمت وياها هاي شتريد اكييد رايده فلوس تعويض لعد شكد رخيصه ما حبيت احجي وياها طردتها بس رفضت والواضح جايه ع شغل دخلنه للمكتب طلعت المقدمه مال البرنامج رفضت الأسباب الاول لان هي شبه عاريه بهاي ملابسها(طبعا أنه مو متدين ولا شي بس ما اريد تتشوه سمعتي بين الناس وهاي الله يستر عليها مشرتحه كدامي وكدام الناس حته أخجل من نفسي اعاين عليها) رفضت رفض قاطع هي طلعت من المكتب من بعد ما كملت شغلي رجعت للبيت شفت بيت عمي بعدهم كاعدين بالصاله وبس بنته جنه بس اني اعرف عنده بنات اثنين ما اهتميت لان هن ما يحبن يجن عدنه كل ما يجي عمي يكول عدهن دراسه عدهن شغل وعدهن وعدهن بس كله جذب لان احنه ما انحب طريقه حياتهم ما يردن يكعدن يمنه اربد اروح للمطبخ اندعمت بابنيه لا يا الله شجعني اليوم لمن انتبهت ع البنيه نفسها يي ام السان اوووف ربي انوب بطني احتركت وهاي بس تلغي ولا الصدمه الكبرى بنت عمي اشلون سالفه 🔥🔥🔥🔥🔥🔥نرجع للحاضر🍂🍂🍂🍂🍂🍂🍂