عادات وتقاليد اعدمت حياتي(نهوه) 🔞🔞

البارت 12

الدكتوره. أخ صكر المريضه متعرضه و احد اغتصاب اثنين للضرب و التعذيب جسمها عباره عن قطعه زركه من كثر الضرب

صكر. لا دكتوره لا تفكرين ماكو شي من هذا

الدكتوره. اخي انتظر البنت ع ما تصحه و نعرف منها كل اللي صار

صكر. ان شاء تركتها وطلعت تقريبا ساعتين يلا كعدت ما تعرف شسالفه كتلها. شسالفه طلع مابيج خير و ما تتحملين هيج بنات بغداد مايعات

قمر الوجع موتني وهذا واكف يمي وكل آلامي منه لزم أيدي أتذكرت شلون كان يحجي علي بسرعه سحبت ايدي و درت وجهي من الجهة الثانية ضليت ابجي شوي و اجت الدكتوره و ضلت تحجي ويه صكر ماعرف شنو بالضبط بس صكر عصب بعدها طلعنه من المستشفى للبيت الكل نايم وصعدني راد يأخذني للغرفه مالته بس تركته و مشيت للغرفه اللي كنت كاعده بيها دخلت للغرفه احس أسفل بطني من يتقطع من الألم دخل صكر للغرفة

صكر. قمر امشي للغرفه وين جايه

قمر. اطلع بره اكرهك الله يأخذك حيوان

صكر. اششش كومي واللي تردينه يصير بس كومي

قمر. ما اريد منك شي اطلع مني وطلع

صكر. طالع بس لا تفكرين تكسريني هيج

قمر طلع من الغرفه ضليت نايمه بس الوجع موتني فعلا اتمنيت الموت بهذا اليوم اتمنيت اروح يم امي ولا ابقى بهاي الدنيا انذليت صكر كاسر جناحي بهاي اليله عيني ما شافت النوم ابد يوم ثاني من الصبح اجه صكر فتح الباب و دخل شاف عيوني ورمانه من البجي كلي اكوم اغسل لان راح يجون ناس من أقاربهم كمت بس الألم حيل قوي بالكوه امشي دخلت للحمام
اخذت شاور وطلعت لابسه بس البرنص لكيته محضرلي ملابس لبستهم هو شوي ورجع دخل لابس دشداشه نزلنه الكل كاعد نزلنه رحنه سلمنه ع جدي و جده واحنه نسلم ع جده نزل شهم و جنه هم سلموو ع الشيخ و جده راحت جنه تسلم ع بابا شفته يضحك وياها و يصبح عليها اشربي صكر اروح أصبح عليه تقربت عليه بعدني من يمه و طلع من الصاله فعلا حسيت نفسي يتيمه من بابا يتجاهلني بهاي الطريقه كرهت كلشي بحياتي بعدها صكر سلم ع شهم و جنه ما كلفت نفسها تكلي كلمه مبروك طبعا ما احجيلكم معاناتي بهاي الفتره شلون كانت لان مجرد فكره انو اهلكم يزعلون عليكم شلون صعبه طبعا حياتي ويه صكر اتزمت أكثر من قبل كان هو يبتزني بالفيديو اللي عنده بس من سالفه ليله العرس ابد ما تقرب مني أنه حالي يوم عن يوم ينتكس وضعي صار كلش لا اكدر احرك لا ايد لا رجل صكر بعد اسبوع من العرس طلع البغداد وابد ما سمعت عنه شي اللي بالبيت محد الا علاقه بيه لو ما جده حته الاكل ما يصعدو الي و كله بيد الجهال غرفه صكر ابد ما تقربت عليها او بالمعنى الأصح ما طلعت من غرفتي صرت جثه تعبت هواي مر تقريبا ثلاث اسابيع ع روحه صكر البغداد كنت مخنوكه نزلت للحديقه كعدت بيها وانه صافنه ع كل شي بهدا البيت ضحكت ع نفسي وانه أتذكر اول مره دخلت هذا البيت و شلون كان استقبالهم الي و شلون كان رمضان هنا و شلون فرحانه بيهم حسيت بشعور غريب ما اعرف شلون اوصفه بعدها ما حسيت ع شي