عادات وتقاليد اعدمت حياتي(نهوه) 🔞🔞

البارت 13

صكر مر شهرين و حبيبتي يمي أحاول اقنع عمي انو يرجع علاقته ويه قمر بس هو قافل ما يريد يحجي وياها هذا عمي عنيد و قاسي ع الرغم من كل المحنه اللي بقلبه بس قاسي و زعله ثجيل ابد ما انهز ع وضع قمر إلى بيوم كاعدين بالصاله تقريبا الساعه ب11 بليل الكل كاعد كان بادي خطبه الأحد المراجع الدينيه الكل مركز وياه بس عمي جليل كان نايم خلصت الخطبه كال جدي

الشيخ عزام. بويه باجر نطلع للمزرعه اخوك ابو حسن عازمنه حضرو نفسكم

ابو شهم. ان شاء الله شيخ

صكر. يي والله شيخ مشتاك الزمزم

قمر انداريت ع صكر و صغرت عيوني منو هاي زمزم هو انتبه علي

شيخ عزام. والله انت اجتك وحده تنسيك زمزم واهلها

صكر. لا شيخ ما مرجيه منك أنه محد ينسيني زمزم

قمر ضلو يسولفون شوي وكل واحد صعد الغرفته بقينه بس أنه و صكر هو كاعد يمي و يلعب بشعري كتله منو زمزم

صكر. ليش تسئلين

قمر. اعتقد انه زوجتك و حامل بطفل منك يحقلي اسئل منو هاي اللي مشتاكلها

صكر. يعمري انتي لا تخافين بهذا القلب بس انتي متربعه بي محد يكدر ياخذ مكانج ابد

قمر. زين منو هاي زمزم احجي و ريحني

صكر. باجر تعرفينها مو هسه

قمر. اوووووف اصبر والله كريم

صكر. يلا امشي نام

قمر. اوك صعدنه دخلت للغرفه و صكر دخل للحمام واني غيرت ملابسي بالغرفه لبست كيمونه بيجي و شورت بيجي اول مره البس هيج من بعد ما طلعت البغداد وكفت اريد ارفع شعر ما احس غير صكر حاضني من وره كتله

صكر دخلت للغرفه شفت ملاك بالغرفه بدون ما احس حضنتها مشتاقلها كلتلي

قمر. هاي شبيك صكر

صكر. شنوو بيه انتي شنو بيج

قمر. بس خلي احجي وياك شوي

صكر. كولي شبيج

قمر. تعال خلي نكعد و بعدها نحجي

صكر. امشي اخذتها التخت وكتلها شنو

قمر. اسمع صكر أنه اريد ابلش حياه جديده انته كتلي انو راح تخلي بابا يرضا علي بس لسه كلشي ما سويت اعرف انته تحاول ويه بابا بس هو رافض حياه أصبحت جحيم وكله من ايدي بس ما اريد اخسر بعد أكثر

صكر. شنو اللي تردينه

قمر. ما اريد شي بس اسئلك سؤال واحد

صكر. يي سئلي

قمر. انته نسيت كل اللي صار قبل وحاب تفتح صفحه جديده لو انته رايد تستغل ضعفي لان مالي احد