عادات وتقاليد اعدمت حياتي(نهوه) 🔞🔞

البارت 16 و ما قبل الاخير

السلام عليكم ورحمه الله وبركاته شلونكم اخباركم اعتقد تعرفون انو النت مقطوع اذا ليش عل تجريح بالكلام المهم أنه مو هذا همي الاهم عندي أنه كملت القصه وراح انشرها ع بارتين

قمر صاحتني عمتي رحت اريد اخذ بسام شفته وجهه اصفر كركم شفايفه بيض احس اطرافي جمدت كل خوفي حته ابني يروح مني ما بقى شي بحياتي كلشي راح مني فقدت كلشي فززني صوت عمتي و هي تكلي

ام شهم. ادري شنو جمدتي يلا ما نريد نتاخر

قمر حركت بسام و شلته بس جسمه بارد أنه شفته هيج صرخت بعلو صوتي حياتي خلصت بس خساير خلصت بس فقدان خلصت بس موت فقدت امي و فقدت ابوي و هسه ابني ابني صغير ما يتحمل وحشه القبر ولا يتحمل الضلمه اللي بي ما يتحمل البرد ضليت حاضنته و ابجي عمتي اجت و شافته خلص ابني خلص مات ليش شنو ذنبي شنو الغلط اللي مسويته شنو الذنب اللي ارتكبته حته كل غالي عليه يروح مني ليش ربي كاعد يعاقيني بيهم قبل نص ساعه رضعته ونام ليش ربي اخذته بعده طفل صار صوت بالبيت الكل اجه ع صوتي عمي اخذه مني ع الرغم من الحزن اللي أنه بي كان كلامهم مثل السم ع الجرح هذا اللي يكول هي هاملتهم وهذا اللي يكول كله منها هي سبب موته ما تعرف تكول مريض و ياخذونه للدكتور يشوفون شنو علته تقريبا نص ساعة و اجه صكر بس وجهه مخطوف لمن شافني وجهه كام ينطي الوان أكثر وأكثر ضل يتباوع علي و بعيونه الف سؤال بس أنه نسيت العالم وكل اللي كاعد هو السبب يي هو السبب موته هو و شغله اللي ما يكدر يتركه نص ساعة و يشوف شنو بي ابنه كمت عليه و ضليت اضرب بي و ابجي واكله كله منك انته حقير نذل الله يأخذك كله منك ومن شغلك كل يوميه اكلك الولد مريض بس ما تسمع خلي شغلك ينفعك كان موت بسام مثل موت بابا صدمه الي اثر بشكل مو طبيعي بوقتها واكيد كل ام فقدت ابنها تعرف هذا الشعور من بعد موت بسام صكر اتاثر واكثر مني حمل نفسه موت بسام بعدها سنه تصفيه الكلشي يملكه باع كلشي و تبرعه بكل فلس يملكه ما بقى إلا اللي يعيشنه و تبارك طلكها لان ضلت تسوي مشاكل و أكثر من مره تصير عركه بيدها وبين سمر

عادات وتقاليد اعدمت حياتي نهوه 🔞🔞

بقلم:: فاطمه كريم

تسريع الاحداث

بعد مرور سنه من موت بسام عام 2014

من بعد ما احتل داعش الموصل و والانبار تقريبا يوم جمعه كاعدين ع التلفزيون كالعاده ننتظر الخطبه اجه صكر و بيده اوس يضحكون ابتسمت عليهم كمت اخذت اوس من صكر و صعدت اغير ملابسه لان كلهن كاكاو غيرت ملابسه و ضليت الاعبه ونضحك تقريبا نص ساعة و نزلنه اسمع صكر يكول

صكر. يابه الله يساعد اللي طلعو من بيتهم واللي كتلوهم الله يعين اهلهم

ابو شهم. الله يحمي شبابنه