الحلقة الخامسة 👇👇
( اية الى مصحيكى دلوقتى )
انتفضت اميرة بفزع والتفتت لتجد باسل يقف خلفها بوجة الشاحب
باسل بلهجة اعتذار ادهشت اميرة ( اسف مقصدتش افجعك )
اميرة بشئ من الحيرة ( لا عادى ولا يهمك ...تيجى تقعد )
جلس باسل بجوارها فى صمت وعلامات الحزن ظاهرة على وجهه
احترمت اميرة صمته ولكن ضايقها حزنه
اميرة ( باسل ..انت كويس )
التفتت لها باسل وقال بشئ من الكسرة والحزن (الحقيقة ...لا)
اميرة بابتسامة لكى تحثة على الحديث ( ممكن تحكيلى على فكرة ..انا مش ورايا حاجة ..واعتبرنى زى اختك )
ابتسم باسل ابتسامة باهتة قال بنبرة مليئة بالحزن ( اميرة انا حبيت وعشقت بس مقدرتش احافظ عليها ويمكن هى الى مقدرتش حبى )
التفتفت اميرة الى باسل بعدم فهم
فاكمل باسل وكانة يحدث نفسة ( اول ما شوفتها حبتها اوي وتعلقت بيها جدا ..كنت مش بقدر ارفضلها طلب او مكنتش بعرف اقولها لا ...كنت قدامها زى العيل الى فى الحضانة كنت مش بقدر يعدى يوم غير لما اشوفها واكلمها ..حبتها اوى اميرة ..لحد ما فى يوم بدت تتغير مبقتش بترد بتقولى حجج غيربة علشان منشوفش لحد النهاردة لما روحت الكلية واكتشفت ..)
نظر باسل الى اميرة وقد امتلئت عينية بالدموع واكمل (لقيتها اتخطبت وفرحه بعد الامتحانات لا واتخطبت لمين لصحبى انتيمى ..يا سلاام تعرفى انا كنت ممكن اتوقع اى حاجة اى حاجة الا انها تتخطب ولصحبى ...انا مش قادر افهم هى عملت كدة لية ..تعرفى لما عرفت روحتله و وقفت قدامها ومقدرتش حتى اسألها مقولتش حرف واحد فضلت واقف زى الصنم ...لم رجعت البيت بقيت كش عارف احكى لحد او خايف احكى لحد يقولى دة كلام عيال ...انا موجوع اوى يا اميرة )
انهى باسل كلماته ليدير وجهة ليخفى تللك الدموع التى على وشك الهبوط
ظلت اميرة تنظر الى باسل برهة ثم اقتربت لتجلس امامة وتمسك بيده وتقول بحنان يسبق سنها ( اوى تعيط على حد حبيته وهو مقدرش حبك ...اوعى تعيط علشان محدش يستاهل نحزن علية وليه تحزن اصلا هى مين علشان تعيط عليها ..عارف تعيط امتى لما تكون تستاهل ..بس انت عارف انها متستسهلش ..وحبها مكنش حقيقى بس عارف غلطتك اة انك حبت بقلبك وبس ومحكمتش عقلك )
انهمرت دموع باسل وقال بصوت مبحوح (انا حبتها اوى يا اميرة )
نظرت له اميرة وضمت راسة الى صدرها بحنان ليبكى فى حضنها كالاطفال الصغار
ظل باسل يبكى واميرة تهدئه بكلمات غير مفهومة حتى هدأ باسل فاخرجته اميرة من احضانة وجلست بجواره
لتجده يجلس صامتا فقالت بمرح لتخرجه من اجواء الحرج
اميرة بمرح (بما انى يعنى سمعتك واكيد ححفظ سرك........ فانا عندى سر عايزة اقوله )
التفت لها باسل بفضول
فاكملت اميرة بهمس واهتماما مصطنع ( انا مروحتش الكلية النهاردة )
ابتسم باسل وقال بهمس مصطنعا الاهتمام (انا عارف انك مروحتيش ..تخدى الكبيرة بقى اصلى معاكى فى نفس الكلية تقريبا )
ضيقت اميرة عينيها وقالت بدهشة مصطنعة ( الله اكبر الله اكبر ...شوف يا اخى سبحان اللة )
حك باسل لتظهر غمازتية ويقول (هو انا بقولك حندبح )
اميرة بمرح ( يا ابنى دة تعبير عن الدهوشة )
باسل ( الدهوشة ..اميرة انتى داخلة هندسة باية معلش)
اميرة ( بمسطرة وقلم رصاص )
ضحك باسل بقوة وقال ( يخربيت ابو اللماضة ..يا بنتى بطلى اللماضة دى )
اميرة بمرح (حاضر حبطل لمبادة واجيب الشمعدان بيقولوا حلو )
باسل ( سكر يا بت )
اميرة وتصفق بيديها وتهتف ( والسكر غلى ونحلوا بأيه لولولولى )
باسل وهو يضع يدة على فمها ( بس بس يخربيتك حتلمى البيت علينا )
ميرة بابتسامة خبيثة ( تصدق فكرة )
باسل بحيرة (هى ايه اللى فكرة )
لم ترد اميرة بل ركضت مسرعة الى داخل الفيلا وعادت بعد لحظات وهى تحمل حاسوبها ومتصل به سماعات ضخمة
باسل بدهشة ( حتعملى ايه يا مجنونة)
اميرة وهى تعبث باناملها على ازرارا الحاسوب ( حتشوف دلوقتى )
وبعد لحظات عمل اللاب على احد المهرجانات بصوت مرتفع
فوقت اميرة فى وسط الحديقة وشغلت رشاشات الارض وبدات بالرقص بطريقة جنونية وهى تهتف ( فرتكة ..فرتكة )
بينما باسل يتابعها وهو يضحك بشدة
فاقتربت منه اميرة وجذبته ليرقص كلا منهما بجنون مع الاغانى الصاخية
ولم تمر دقائق حتى انارت اضواء الفيلا كلها
ليخرج الجميع من نوافذ حجرتهم ليتابعوا ما يحدث
وسرعان ما نزل مروان واياد من غرفهم لينضموا لهم
ومروان يهتف وهو يرقص ( ايووووة بقى )
كان اربعتهم يرقصون بجنون اسفل المياة غير مهتميين بصيحات محمود الغاضبة او نظرات كريم المليئة بالحنق
حتى سليم نزل ووقف يصفق ويغنى معهم بمرح حتى جذبته اميرة ليرقص معهم
استمر الخمس اشقاء فى الرقص وهم يضحكون ويغنون بصوت مرتفع ويقفزون بجنون شديد
❤❤❤❤❤❤❤❤❤❤❤❤❤
الحلقة السادسة 👇👇
أنت تقرأ
اميرتي وفرسانها السابعه
Romanceالمقدمة احببتك ...ولم يكن ينبغى علي ذلك احببتك ..ونسيت كم الصعاب التي بداخلي احببتك...بدون ان افكر ..بدون ان اشعر حتى اني احبك احببتك ولكن اعذرنى يا عزيزي لن استطيع ان اخبرك فحبي يجب ان يحطم يجب ان يحطم من اجل فرسانى السبع كم تمنيت ان اكون امي...
