آسف چاكلين انا لا استطيع تكملة تلك الخطبه فأنا غير قادر علي مواصلة حياتي بشكل طبيعي
چاكلين : ولكني احبك كثيرا حمزه
حمزه : وانا ايضا أُكن لكي الكثير من الحب ولكن آسف جدا جاكلين انا لا استطيع
چاكلين : حمزه هل لي ان اسألك سؤال
حمزه : بالطبع جاكلين تفضلي
جاكلين : هل لتلك الكوابيس التي تطاردك دوما دخل بهذا القرار
حمزه : للأسف هي سبب كل شئ امر به بحياتي
چاكلين : اعتقد ان ماضيك له علاقه بتلك الكوابيس لماذا لا تحكي لأحد عن ماضيك بهذه الطريقه يمكن أن تتخلص من هذه الكوابيس
حمزه : من الصعب جدا علي ان أحكي شئ چاكلين سامحيني
چاكلين : لا عليك حمزه ولكن ماهي خططك المستقبليه
حمزه : قررت ان اصفي كل أعمالي هنا وارجع الي موطني
چاكلين : اوه هل ستعود الي مصر
حمزه : نعم يكفيني غربه الي هذا الحد
چاكلين : بالتوفيق حمزه افعل ماتريد
حمزه : اشكرك جدا جاكلين الي اللقاء
چاكلين : وداعا حمزه
.......................
في مكان آخر
تحديدا شركه السيوفي للمعمار
انا عاوزه اعرف ازاي مشروع زي مشروعي دا يترفض انتو اتجننتو
الموظف : وطي صوتك يا بشمهندسه واتكلمي بطريقه كويسه انتي في شركه محترمه
چنا : انا اعمل اللي انا عاوزاه واتكلم بالطريقه اللي تعجبني وانت مالكش حق تحاسبني انا بس عاوزه اعرف مشروعي اترفض ليه ومين اللي رفضه والإ اطربق الشركه دي علي دماغكم
الموظف ببردو : مشروعك يا فندم اتعرض علي المدير وهو رافضه
چنا : ويرفضه ليه ان شاء الله طب دخلني انا عاوزه ادخله
الموظف : مينفعش يا فندم
چنا : هو اي اللي مينفعش بقولك دخلني له
جت ليلي من وراها بسرعه
ليلي : اهدي يا چنا وتعالي معايا عاوزه اقولك علي حاجه
چنا : اي يا ليلي في اي انا مش فاضيلك دلوقتي
ليلي : اسمع بس يا چنا دخولك المدير دلوقتي ملوش اي لازمه انتي عارفه انو بادر ومش هتعرفي تاخدي معاه لا حق ولا باطل
چنا : طب اعمل اي يا ليلي
ليلي : انا سمعت ان صاحب الشركه جاي مصر كمان يومين وانتي عارفه انو عايش عمره كله بره مصر اكيد شخص بروفيشنال وهيفهم فكره مشروعك انا رأيي تستني لما يجي وتعرضيه عليه
چنا : انتي رأيك كدا يا ليلي
ليلي : ايوا
چنا : ماشي وانا موافقه اما نشوف اخرتها مع الشركه الفقر دي
.......................
عند حمزه صفی كل شغله وحجز اول طيارة ونزل علي مصر هبطت الطيارة ارض الوطن نزل حمزه السيوفي بكبريأه وشموخه المعتاد ولما لا وهو من اكبر رجال الأعمال في العالم
خرج من المطار جاء إليه سائقه الخاص مرحبا به ومعرفا علي نفسه
سيد : حمدلله ع السلامه يا حمزه يا باشا انا سيد السوق بتاع حضرتك
هز حمزه رأسه ورد بأقتضاب : الله يسلمك
ثم فتح له باب السيارة لينطلق به الي وجهته
اما حمزه فمنذ ان خطت رجله ارض الوطن احس ان روحه الغائب عنه قد ردت إليه يشعر بسلام نفسي رهيب لم يشعر به منذ فتره كبيرة جدا هو غير متذكر كيف كان آخر مره بهذا الهدوء والسلام النفسي
ليعود بذكرته الي الوراء قبل 20 عاما قبل ان يكرر ترك تلك البلد بلا رجعه
فلاش باك
يجلس شاب مكفهر الوجه ينظر الي النيل امامه بشرود والحزن يرتسم علي قسمات وجهه فهاهو قد فسخ خطبته للمره الثلاثه
جلس الي جانبه رجل قد أكل الشيب رأسه وحفر الزمن بصماته علي خطوط وجهه ربت العجوز علي كتف الشاب بحنان أبوي ففاق الشاب من شروده علي كلام العجوز
العجوز بأبتسامه حانيه : وحد الله يا بني مالك فيك أي
الشاب ابتسم للعجوز وأردف : لا إله إلا الله
مفيش حاجه يا عم الحج انا كويس
العجوز بحنان أبوي : احكيلي يا بني يمكن ترتاح
تنهد الشاب تنهيده طويله تدل علي ما به وبدأ يحكي له
مش عارف يا عم الحج الدنيا معنداني ليه كل أما أخطب علشان افرح امي وابويا والدنيا تمشي تمام فجاءه علي سبب تافه نسيب بعض خطبت لحد دلوقتي 3 مرات وبردو محصلش نصيب مش عارف بقا العيب فيا ولا انا مش مكتبولي اتجوز ولا اي
العجوز بحنان : متقولش كدا يا بني كل شئ نصيب لسه نصيبك مجاش وابتسم العجوز وأكمل بنبره مرحه متزعلش عروستك لسه في بطن امها
ضحك الشاب بقوه علي كلام العجوز :هههههههه لسه في بطن امها دي عما تكبر وينفع اتجوزها اكون بودع هههههههه
نظر له العجوز بغموض وتحدث بجديه : عاوز تشوف عروستك واللي هتبقا من نصيبك
نظر له الشاب بأستغراب شديد : بتقول اي يا عم الحج
العجوز بنفس الجديه : اللي سمعته
نظر له الشاب بتساؤل فأكمل العجوز بجديه : روح يا بني العنوان دا ........ تحت الكوبري في واحدة بتبيع خضار مليانه شويه وبشرتها غامقه ولابسه طرحه سمرا وعبايه سمرا معاها طفله آيه في الجمال بعيونها الخضرا الي شبه الزرع ووشها ابيض زي اللبن الحليب الطفله الحلوه دي هي اللي هتكون من نصيبك
بلع الشاب ريقه بصعوبه مش مصدق كلام العجوز ازاي وهو في عمره دا الطفله الصغيرة دي هتكون من نصيبه اكيد الراجل دا بيهزر معاه او ممكن يكون مجنون ظل ينظر للعجوز ولم يستطيع التحدث من صدمته
فأردف العجوز : لو مش مصدق كلامي روح للمكان اللي قولتك عليه وهتلاقي ان كلامي صح
وتركه وغادر المكان حاول الشاب ان ينادي عليه ولكن بقی الكلام في حلقه ولم يخرج كأن لسانه انعقد من صدمته من كلام هذا العجوز حاول التجاهل ولكن بقا كلام العجوز يتردد في أذنه كنواقيس الخطر .
#نوفيلا فوبيا الحب 😍
#بقلمي امنيه اشرف
رايكو يا بنات
اكمل ولا لا😍
أنت تقرأ
نوفيلا فوبيا الحب بقلم امنيه أشرف
Mystery / Thrillerهي قدره حاول التخلص منها فلم يستطيع فلا أحد يستطيع التخلص من قدره هي أحبته بجنون رغم فارق السن الكبير بينهما ولكن لم تستطيع النفاذ الي قلبه بسبب تلك العقده التي تسيطر عليه ولكن هل سيظل صامد امام غزوها الضاري علي قلبه ام ستنفك عقدته علي يديها ؟
