نوفيلا فوبيا الحب بقلم امنيه أشرف

Part 3

حمزه اتفق مع محمد ان مشروع چنا هو اللي هيتنفذ لأنه افضل من المشروع اللي محمد اختاره وأكد ان المشروع هيكون تحت اشرافه الخاص چنا فرحت جدا وبدأت تشرف علي تنفيذ مشروعها والاجتماعات ما بينها هي وحمزه بقت بشكل يومي چنا اتعلقت بحمزه جدا هو بالنسبالها حد مختلف شخص عاقل ورازين متحضر وراقي شايفه انه شخص كامل من وجه نظرها بس غامض والغموض دا هو السبب اللي مخليها عندها فضول رهيب تعرف عنه كل حاجه
بس كلامه قليل جدا وجد جدا في شغله وكل كلامه عن الشغل وبس
چنا قاعده في اوضتها وسرحانه
دخلت اختها سما وهي بتنادي عليها
سما : چنا يا چنا چناااااااا
چنا بخضه : اي يا سما في اي خضتيني
سما : انا اسفه يا چنا بس انا بنادي عليكي وانتي مش سمعاني سرحانه في اي
چنا : مفيش حاجه يا سما
سما : مفيش حاجه ازاي انتي هتضحكي عليا اي اللي شغال بالك احكيلي اوعي تكوني يا بت يا چوچو بتحبي من ورايا
چنا ابتسمت : بحب اي لا طبعا
سما : طب قوليلي سرحانه في اي
چنا : يووه يا سما انا مش هخلص منك النهارده هحكيلك وامري لله
سما : يلا كلي أذان صاغيه
چنا ضحكت واتكلمت : بصي يا ستي عارفه صاحب الشركه اللي انا يشتغل فيها
سما : ايوا دا اللي رفض مشروعك وانتي كنتي عاوزه تضاربي معاه
چنا : لا يا بنتي اللي رفض مشروعي دا محمد مدير الشركه اما صاحب الشركه حمزه السيوفي
سما : اها طب كملي كملي
چنا : حمزه دا بقا كان عايش في أمريكا ولسه راجع مصر وقرر انو يستقر هنا شخص غريب اوي و غامض جدا بس قمر اوي وعنده كاريزما رهيبه انا وانا بشتغل معاه ببقي مركزه معاه هو وبس طريقه كلامه ابتسامته الفيتشرز بتاعه وهو بيتكلم انا مش كتر تركيزي معاه حاسه إني هبقي نسخه منه
سما بأستغراب : غريبه يا چنا اول مره اشوفك بتتكلمي بالطريقه دي عن حد چنا انتي حبيتيه
چنا بأنكار وهي بتتهرب من الاجابه اللي حاسه انها صح هو مسيطر علي تفكيرها وكمان بتحس ناحيته بحاجات هي عمرها ما حاستها قبل كدا : لا طبعا حبيته اي بس دا انا لسه عرفاه من كام يوم
سما : عادي الحب مش محتاج وقت محتاج بس نظرة مجرد نظرة و شخص اول لما تشوفيه بتحسي انك عارفاه من سنين بتحسي ان حاجه كانت تايه منك ولاقتيها شخص بيخطف قلبك وعقلك وتفكيرك ويشقلب كيانك وتحسي ان العالم في كفه وهو الكفه التانيه
چنا : الله عليكي يا سوسو بتقولي حكم
سما بغرور مصتنع : طبعا يا بنتي هو انا في حد زيي
چنا : ههههه مغروره
سما : دا مش غرور يا روحي دي ثقه
چنا : طب يلا خدي ثقتك ومشي من هنا
سما : بس يا بت وسبيني افتكر انا كنت جايه هنا ليه اه افتكرت بس الأول فكري في كلامي كويس ماشي
چنا : ماشي هفكر بس انتي كنتي عاوزه اي
سما : كنت جايه اقولك هتلبسي اي في حفله بكره
چنا : حفله اي
سما : انتي نسيتي ولا اي الحفله بتاع نجاح الصفقه
چنا : ايوا افتكرت هلبس اي فستان سورايه من عندي
سما : والله كنت عارفه انك هتقولي كدا فعملت حسابك معايا وكلمت الاتيليه يبعت لنا فساتين للحفله بكره ان شاء الله
چنا حضنتها وباستها من خدها : حبيبتي يا سوسو ربنا يخليكي ليا دايما فكراني
سما بحنيه : طبعا مش انتي الصغيرة ولا اي
تاني يوم في الحفله بالليل
حمزه وصل فيلا المنياوي لحضور الحفله دخل الفيلا واتفاجأ لما شاف چنا واستغرب وجودها لأن الحفلات دي مش بيحضرها  غير رجال الأعمال اي سبب وجودها وهي مجرد مهندسه في شركته بس تفكيره دا ما منعوش انو يتأمل فيها وفي جمالها اد اي كانت جميله لابسه فستان سورايه اسود ضيق وشيك جدا وجمعت شعرها الأصفر الناعم علي جنب واحد ونازل علي عينيها ومخبي جزء كبير من وجهها وعنيها وحطت روج احمر وكحل برز جمال عيونها الخضرا
اما چنا اول لما شافت حمزه عيونها اتعلقت عليه عنده كاريزما رهيبه حضوره بيشتتها وبتبقي مش شايفه حد غيره سما بتكلمها وهي مش مركزه ولا سمعاها اساسا سما استغربت من عدم ردها عليها وبصت علي المكان اللي مركزه فيه وشافت حمزه
سما : چنا يا بنتي بتبصي علي اي ومين دا
چنا بهيام وعدم تركيز : حمزه
سما : حمزه مين اوبا هو دا حمزه صاحب الشركه
چنا : ايوا هو
سما : يا نهار ابيض هو في كدا من حقك يابنتي تتوهي ومتبقيش مركزه دا انا نفسي حبيته من اول لما عيني جت عليه
چنا : في اي يا سما ما تتلمي
سما : اي دا احنا بنغير ولا اي بس بصراحه عندك حق هو مز اوي طول بعرض عيون سودا وشعر اسود ودقن كمان يالهووووي
چنا : ما تحترمي نفسك بقا علي الله فارس يجي دلوقتي ويسمعك
فارس : حد بيجيب في سيرتي
سما : فارس حبيبي وحشتني
فارس : وانتي كمان وحشتيني موت يا سمسمه
چنا : هي وصلة النحنحه هتشتغل اخلع انا بقا عشان القولون بيهيج عليا
فارس وسما ضحكوا و چنا سابتهم وراحت لحمزه
چنا : بشمهندس حمزه ازي حضرتك
حمزه : اهلا يا چنا ازيك
چنا : تمام الحمد لله فرحت جدا إني شوفت حضرتك هنا
حمزه كان لسه هيرد عليها بس قطع كلامهم صوت چنا حفظاه كويس
محمود المنياوي : حمزه باشا شرفت الحفله بحضورك
حمزه : شكرا يا محمود بيه الشرف ليا
محمود : اكيد حضرتك يا حمزه باشا عارف البشمهندسه چنا بس اكيد متعرفش انها بنتي
حمزه : بنتك
محمود : ايوا بس هي مش عاوزه حد يعرف انها بنتي عشان يبقا عندها كيان وكارير وشخصيه مستقله بعيد عن شغلي وشركاتي
حمزه بأعجاب بشخصيه چنا : بس دي حاجه كويسه جدا يا محمود بيه ووجه كلامه لچنا برافو عليكي يا چنا انك عاوزه يبقا ليكي شغلك الخاص بعيد عن باباكي وشركاته
محمود : حتي انت يا حمزه باشا موافقها علي شغلها بعيد عني هو انا الوحيد اللي معترض ولا اي
چنا : شوفت يا بابا اي حد بيعرف بيشجعني علي موقفي حضرتك بس اللي معترض
محمود : انا بس يا چنا مش عاوزك تبعدي عني
چنا : حبيبي يا بابي انا مش ببعد عنك انا بس عاوزه اثبت وجودي واخد السلم درجه درجه
محمود : مفيش منه فايده الكلام معاكي عنيده ومتمرده ووجه كلامه لحمزه استأذنك انا يا حمزه باشا اشوف باقي الضيوف واسيبلك عنيده هانم قصدي چنا ههههههه
چنا : شكرا لحضرتك انك وقفت معايا وقولت ان قراري صح
حمزه : بتشكرني علي اي انا قولت رأيي بس
چنا : هو انا ممكن اسألك سؤال
حمزه : اسألي
چنا : هو انت هتفضل في مصر ع طول
حمزه : ايوا ان شاء الله
چنا بفرحه : بجد احم احم قصدي يعني كويس بس هو انت عايش لوحدك ليه هو انت مش متجوز
حمزه : لا
چنا : طب انت ليه متجوزتش لحد دلوقتي ولا هو في حد في حياتك ولسه مقررتش انك ترتبط بيه
حمزه : اظن ان دي حاجه شخصيه والمفروض منتكلمش فيها وكلامنا يكون عن الشغل وبس وياريت متنسيش اني مدير الشركه اللي انت شغاله فيها وانتي مجرد مهندسه شغاله عندي
چنا بصدمه من طريقه كلامه معاها وحدته في الكلام عنيها لمعت بالدموع بس حفظت علي ثباتها واتكلمت : انا اسفه ان كنت ادخلت في حاجه متخصنيش بس انا مش ناسيه انا ايه وانت ايه وحاجه كمان انا مش شغاله عندك انا شغاله معاك وشركتك دي متلزمنيش 100 شركه غيرها يتمنوا إني اشتغل معاهم عن إذنك يا حمزه بيه
حمزه اتخنق جدا من نفسه بسبب حدته في الكلام مع چنا هو احرجها واتكلم معاها بأسلوب فظ
چنا لمست مكان في قلبه خايف من وجودها جنبه خايفه من تعلقه بيها عاوز دايما يبقا في حدود ما بينها ما حدش يتخطاها هو مش هيتحمل يتعلق بحد وبعد كدا يسيبه هو عاش طول حياته وحيد عشان خايف يحكي لحد عن ماضيه خايف يتعلق بچنا ويحكلها كل حاجه هي مش هتتقبل اللي هو عمله هو هينزل من نظرها وممكن تكرهه وهو مش هيستحمل دا ابدا خرج من الحفله وركب العربيه وساقها بسرعه رهيبه وهو علي حالته دي وطلع فونه واتصل علي شخص ما
حمزه : تحجزك اول طيارة وتنزل علي مصر
الشخص : مالك يا حمزه في اي صوتك ماله
حمزه : تعبان تعبان ومش قادر استحمل جبت أخري بقا هفضل كدا لحد امتي
الشخص : طب أهدی يا حمزه أهدي بس وكل حاجه هتبقا تمام
حمزه : متقوليش اهدي ومفيش حاجه هتبقی تمام بتقول كدا دايما وبعد كدا كل حاجه بتبقی اسوء وبفضل في العذاب اللي انا فيه ومفيش حاجه بتتغير
الشخص : طب خلاص يا حمزه بكره الصبح هتلاقيني عندك
قفل حمزه الفون من غير ما يرد عليه ورمی الفون من كتر العصبيه وفقد اعصابه ومن كتر سرعته الرهيبه بالعربيه مابقاش عارف يسيطر عليها وانحرفت عن مسارها واصطدامت بالطريق
يتبع
#نوفيلا فوبيا الحب
# بقلمي امنيه اشرف