نوفيلا فوبيا الحب بقلم امنيه أشرف

Part4

في المستشفی
سما كانت بتمر علي المرضی وبالصدفه شافت حمزه وعرفت ان هو عمل حادثه وجابوا علي المستشفي فكلمت چنا بسرعه تشوفها عارفه ولا لا
سما : الو ايوا يا چنا
چنا : اي يا سما بتتصلي بيا ع الصبح ليا
سما : چوچو هو انتي في البيت ولا في الشركه
چنا : في البيت ومش هروح الشركه النهارده
سما : طب عاوزه اقولك ان حمزه عمل حادثه وموجود عندي هنا في المستشفی
چنا : حمزه حمزه مين
سما : هيكون حمزه مين يعني يا چنا حمزه صاحب الشركه اللي انتي بتشتغلي فيها
چنا بلهفه ودموعها غرقت وشها : عمل حادثه ازاي طب هو كويس ولا في حاجه
سما : كويس بس
چنا بسرعه : طب خلاص يا سما اقفلي وانا جيالك
چنا قفلت مع سما وغيرت هدومها بسرعه وركبت عربيتها ووصلت المستشفی في زمن قياسي بسبب سرعتها الرهيبه
دخلت بسرعه عند سما علشان تعرف منها كل اللي حصل
چنا : سما هو فين واي اللي حصل
سما : اهدي يا چنا هو حاليا في العنايه المركزة الحادثه كانت شديدة اوي وفقد دم كتير بس هو كويس هيفوق بس ويتنقل اوضه عاديه
چنا : طب انا عاوزه اشوفه
سما : حاضر هخليكي تشوفيه
چنا لبست لبس معقم ودخلت لحمزه واول لما شافت جسمه متوصل بأجهزه كتير ووشه مليان كدمات وايده مكسوره دموعها نزلت وغرقت وشها هي اول لما عرفت انو عمل حادثه حست ان قلبها هيوقف من الخوف عليه هي حبته من اول مرة شافته فيها هي مش بتحبه بس هي بتعشقه مترعفش ازاي هي حبته بسرعه دي بس هي كل اللي تعرفه ان قلبها معرفش الحب غير لما شافه وإن هي مش عاوزه حاجه من الدنيا غيره هو وبس برغم انها كانت زعلانه منه جدا بسبب كلامه معاها في الحفله وكانت مقرره تستقيل من الشركه بس هي نسيت كل حاجه المهم هو يبقی كويس
حمزه نايم ومش حاسس بالدنيا حوليه ولا بأي حاجه بس هو شايف كل حياته وذكرياته بتمر قدام عنيه وبيفتكر كل حاجه من اول لما شاف العجوز واتكلم معاه لحد ما راح المكان وشاف الطفله الصغيرة
فلاش باك
حمزه بعد ما راح المكان اللي وصفوا العجوز وشاف الطفله الصغيرة وكل مواصفاتها زي ما وصفها العجوز وكل كلمه قالها العجوز حقيقه وهو شافها بعنيه مشي بسرعه وبقا مش عارف يعمل اي حس انو هيتجنن من كتر التفكير ازاي كل الكلام اللي قالوا العجوز حقيقي طب هو هيتجوز الطفله دي ازاي هي لسه بيبي وهو عنده اكتر من 20 سنه بقا تايه ومش عارف يعمل اي ويأس من حياته لدرجه ان هو قرر يتخلص من الطفله دي حتي لو هيعيش عمره كله من غير جواز هو كره الدنيا وكره كل حياته واتفق مع واحد بلطجي عشان يقتل الطفله الصغيرة دي
باك
چنا وقفه جنب حمزه وماسكه ايده وبتعيط حاست بيه بيحرك دماغه وايده بعصبيه شديده وبيتكلم بس هي مش سمعاه
حمزه بتخريف : مقتلتهاش مكنش قصدي تموت مقتلتهاش حاولت انقذها بس ملحقتش
چنا : حمزه بتقول اي حمزه انت فوقت حمزه يا حمزه
حمزه ابتدا يفوق وفتح عينه وشاف چنا قريبه منه وماسكه ايده ابتسم لها بحب
چنا اول لما لاقته فاق فرحت جدا وكلمته عشان تتأكد
چنا : حمزه انت فوقت حمزه انت سامعني
حمزه هز رأسه بمعني ايوا
چنا : الحمد لله يارب هروح انادي سما عشان نتطمن عليك
وخرجت بسرعه تنادي علي سما
چنا بصوت عالي : سما يا سما
سما جت بسرعه
سما : اي يا چنا في اي
چنا بفرحه : حمزه فاق يا سما تعالي شوفيه
سما كشفت علي حمزه واتنقل اوضه عاديه عشان يكمل علاجه وچنا فضلت جنبه هي وسما
حمزه بعد مافاق وشاف چنا جنبه استغرب وجودها هو كان فاكر انو بيحلم لما فتح ولاقها بس هي حقيقه وموجوده معاه فبقی عنده فضول يعرف هي عرفت منين وهو جه المستشفي ازاي
حمزه : چنا هو اي اللي حصل وانا جيت هنا ازاي وانتي عرفتي منين
چنا : مش عارفه بالظبط اي اللي حصل بس انت عملت حادثه ع الطريق وفي ناس جابوك هنا و سما اول لما عرفت انك موجوده هنا كلمتني وقالتلي
حمزه : سما مين
سما : انا  بس حضرتك اكيد مش عارفني انا الدكتوره سما المنياوي أخت چنا وكمان الدكتوره اللي هتابع حالتك
حمزه : اهلا يا دكتور سما اتشرفت بمعرفتك
سما : الشرف ليا بس ياريت كنا اتعرفنا في ظروف احسن من كدا
حمزه : يلا بقا هنعمل اي الحمد لله بس هو انا ينفع اخرج امتی يا دكتورة
سما : تخرج اي انت لسه هتقعد معانا يومين انت لسه تعبان وكمان ايدك مكسوره وفي شويه كدمات في وشك وجسمك
حمزه : بس انا مبحبش جو المستشفيات
سما : معلش بقا استحمل شويه عما تخف ان شاء الله وتخرج بالسلامه
حمزه : ماشي ان شاء الله
سما : چنا انا هشوف باقي المرضی وهرجعلك تاني
چنا : اوك يا سما شوفي شغلك ولما تخلصي ابقي قوليلي
سما : ماشي
وخرجت سما وسابت چنا مع حمزه
حمزه محرج جدا من چنا هي اهتمت بيه هي واختها وهو آخر مرة كلمها بأسلوب وحش جدا
حمزه : چنا انا مش عارف اشكرك ازاي انك جيتي لما عرفتي إني عملت حادثه وكمان عاوز أعتذر ليكي علي طريقه كلامي معاكي آخر مرة انا آسف بجد مكنش قصدي اتكلم بالطريقه دي معاكي
چنا بهدوء وهي من جواها فرحانه جدا ان هو كلامها بأسلوب كويس وكمان اتعتذر لها : عادي مفيش حاجه انا مش زعلانه وكمان انا نسيت اصلا المهم تبقی كويس
حمزه : شكرا يا چنا شكرا بجد
چنا : العفو علي اي انا معملتش حاجه
چنا فضلت مع حمزه طول اليوم واهتمت بيه و سما كمان كل شويه كانت بتيجي تبص عليهم ومحمد جه يزور حمزه و قاله ان الشغل ماشي تمام وكمان والد چنا جه يزور حمزه مع سما وچنا واتكلموا مع بعض كتير وحمزه حبهم جدا وحس معاهم بجو العيله اللي هو مفتقده جدا حمزه قعد كام يوم في المستشفی وچنا كان موجوده معاه بأستمرار وبتساعده في اي حاجه هو عاوزها وقربوا من بعض جدا وبقوا بيتكلموا مع بعض في كل حاجه سواء في الشغل او في الحياة وكل واحد شاف في التاني جوانب مختلفه من شخصيته چنا علي اد ما هي عصبيه ومتمرده علي اد ما هي حنينه وقلبها طيب ومشاكسه ودمها خفيف جدا وحمزه علي اد ما هو جد جدا وحياته كلها شغل وبس علي اد ماهو محترم جدا واخلاقه عاليه ولبق في التعامل وبيعامل كل الناس بأحترام واي حد بيعمله حاجه حتي لو كانت بسيطه بيشكره عليها
وفي يوم حمزه كان عاوز يقوم من علي السرير بس مش عارف يسند علي ايده علشان مكسوره چنا قربت منه علشان تساعده حاولت تساعده بس هو كان قريب منها جدا وهي اتوترت من القرب دا وشعرها كله نزل علي وشها وعنيها حمزه ايده السلميه اتحركت لاارديه تبعد شعرها عن عنيها بس استغرب جدا لما شاف جرح كبير في جبهتها وواصل لحد عنيها وهي دايما بتخبيه بشعرها علشان هو كبير وشكله وحش وسببلها عقدة في حياتها چنا اول لما اكتشفت ان حمزه شاف الجرح بعدت عنه بسرعه جدا وحاولت تخبي الجرح بشعرها واتحرجت والدموع اتجمعت في عنيها
حمزه ابتسم بهدوء واتكلم : بتخبيه ليه شكله مش مأثر علي جمالك في حاجه
چنا : شكله وحش ومش بحب حد يشوفه
حمزه : لا مش وحش ولا حاجه جمالك طاغي عليه
ومش مبينه بس هو من اي الحرج دا
چنا : دا حرج قديم جدا وهو سبب اكبر عقدة في حياتي
حمزه : طب حصلك امتي الحرج دا
چنا : تقريبا من وانا عندي 3 سنين
حمزه انتبه لكلامها جدا : طب احكيلي اتعورتي ازاي چنا :ماشي هحكيلك زمان وانا صغيرة كان الجنايني بتاع الفيلا بتاعنا بيزرع فيها خضار للبيت وكان بابي ومامي بيرحوا الشركه وبيسبونا مع الداده بتاعتنا الداده لما كانت بتلاقي الخضار كتير واحنا مش محتاجينه كانت بتاخده تبيعه في مكان ........ وكانت بتاخدني معاها
حمزه بيسمع كلامها وهو مش مصدق وضربات قلبه ابتدات تزيد بصوره غير طبيعيه
چنا خدت نفس وكملت كلامها : وفي مرة كنت معاها زي كل يوم حصلت خناقه كبيرة جدا وكان معاهم سكاكين والدنيا بقت زحمه جدا وكل الناس بتضرب في بعض وفي وسط الزحمه دي واحد فيهم خبطني بالسكينه ووشي كله اتغرق دم لدرجه ان الداده فكرتني موت وصوتت جامد بس بعد كدا خادوني علي المستشفي وهناك عرفوا ان انا كويسه بس اتعورت في وشي وكان جرح كبير جدا والدكتور خيطه بس فضل معلم وساب أثر في وشي شكله وحش جدا وانا دايما بخبيه بشعري عشان محدش يشوفه
حمزه فضل ساكت لحد ما خلصت كلامها وهو مستغرب جدا ومش مستوعب ازاي كل كدا حصل والقدر لعب لعبته بالطريقه دي
چنا سكتت وخلصت كلامها واستنت رد فعل حمزه بس هو فضل ساكت ومش عارف يتكلم او يرد عليها
بس مرة واحدة قرب منها ومسك ايديها جامد كأنه خايف لتهرب منه وقال كلمه واحدة : تتجوزني
يتبع
# نوفيلا فوبيا الحب
#بقلمي امنيه اشرف