أبن المحافظ

البارت 6

غفران......

ماخذ ميانه زايدة وياي صوجي اني رحت للقسم صعدت فوك وليهسه ماعرفت منو ينظف المكان رجعت للبيت اول شي سويته دزيت الصور اله كلهن ع واتساب وسديته وراها قريت محاظرات جان عدنه كوز خلص اليوم نفس الروتين داومت اليوم الثاني خلصلت اول محاظرتين رحت اشتري سمعت صوت وراية
علي......
من حجيت وية غفران بلكفتيريا كامت وما ردت عليه حاولت وماكو من رجعت كبل نمت كعدت بليل فتحت الواتساب لكيت غفران دزت الصور اكو صور ماادري مصورتني بيهن حلوات كلش راسلتها بس ماردت عليه نمت واني انتظر كعدت الصبح بدلت وطلعت للكليه خلصت محاظراتي رحت للنادي اشتري لكيت غفران كدامي يمكن اربع مرات صحت وراها ماترد اخر شي وكفت وصحت غفرررران بصوت عالي كلش كلها انتبهت وكفت ونوب رجعت تمشي مادارت وجهه ابد دخلت للنادي دخلت وراها شفتها كعدت رحت كعدت يمها حتى احرك كلبها بلكي تنطي ردت فعل
علي :صحتلج ليش مارديتي
غفران:هيج
علي : شنو هيج
غفران: .....
عليت صوتي حتى الي بنادي يسمعون
علي: الصور دزيتيهن الي حلوات كلش بس اكو صور شوكت صورتيهن شو ماادري بيهن
حسيت كل الانظار متوجهه النه ردت اشوف ردت فعلها
غفران: اني صحفيه ولازم تكون صور عفويه من اجل مقابله
علي: الباب الثاني الحقوق والحريات ..الفرع الاول الحقوق المدنية والسياسية المادة (١٧):اولاً: لكل فرد الحق في الخصوصية الشخصية بما لايتنافى مع حقوق الاخرين والآداب العامة .
غفران:الفصل الثاني الحريات
المادة (٣٨):تكفل الدولة وبما لايخل بالنظام العام والآداب:
ثانياً : حرية الصحافة والطباعة والاعلان والاعلام والنشر .
علي : اكدر ارفع دعوة باني تضررت بسبب صور
غفران : براحتك
علي : لا ماسويها
غفران:.......
علي : رديت عليج بالواتساب ليش مارديتي
كمت وهو يحجي وبنص النادي صاح بصوت
علي :عندي صورج ترديهن
درت ومشيت وصلت يمه وطلعت تلفون وتصلت
غفران:الو محامي حسين....... اريد استشيرك بشغله...اكو واحد ماخذلي صور بدون ماادري بجهازة الشخصي ..اي... وجاي يهددني شكد ينحكم..لا دكولي هو محامي ويعرف باي.
علي :بس مامهددج
غفران: منو يكول عندك شهود
علي:انتي عندج شهود
غفران: قانون وياي ميحتاج شهود
علي :غفران ترة اشاقه
غفران:حتى تتعلم متحط راسك براسي
علي: انتي ليش هيج
مشيت مارديت عليه طلعت للبيت مرت الايام بهدوء وعادية اجى يوم الجمعة مثل روتيني زرت اهلي وراها رجعت بدلت وطلعت اركب سيارتي صعدت ماحسيت بس الباب انفتح الي بصف السائق لا اراديا طلعت مسدس وجهته عليه.
علي :هذا اني علي
غفران:استغفرالله
علي: ليش عندج مسدس
غفران:ليش دخلت سياره
علي : اريد عزيمه علمود روحتي وياج للبصرة
غفران:عندي التزام
علي:عادي كملي شغلج ونوب نروح نتغدة
غفران:اوك
حركت السيارة ومشيت بسرعة هو بس يباوع علية مااهتميت اتصل محمد عليه كتله شوي واوصل سديت موبايل لان جان سبيكر
علي.......
من بعد الي صار بالنادي ابتعدت عنها شوي افكر شسوي وياها صار يوم الجمعة شفتها اجت بس نفس ذيج الجمعة هم ملابسها بيضه كلها تراب بقيت انتظر يم السيارة طلعت لابسه تنورة بينصل اسود وفانيلة سودة وحذاء رياضي اباوعلها لبست نظارتها شمسيه صدك حلوة مثل كل مرة مشيت بسرعه فتحت باب السيارة ودخلت ردت فعلها سريعه كلش طلعت مسدس وجهته عليه بس متغيرت ملامحه بعدها جامدة سالتها ليش عدها بس مثل كل مرة تجاوب بسؤال حركت السيارة بس سريعه كلش ونص الطريق اتصل احد عليها فتحت سبيكر جان ولد سالها شوكت تجين ليكون خطيبها لو شنو وصلنه لمطعم
علي:مو كلتي عندي شغل
غفران:اي
علي :ليش هنا؟
غفران:.....
دخلت ودخلت وراها شفت الكل يباوع عليها حتى البنات يباوعن عليها مشيت بصفها وهي ابد مامهتمه وصلنه لطاولة جانوا كاعدين بيها ولدين سلمت عليهم وكعدت اباوع
غفران :اكعد
محمد :من هذا
غفران: الي سويت مقابله وياه
كاموا الولد سلموا عليه وتعرفت عليهم واحد اسمه محمد وثاني عامر وكعدت وياهم
غفران:البنات وين
محمد :زهراء اليوم غيروا شفت مالتها وداومت
عامر: اماني ماكدرت لان علاوي مريض
غفران:ليش ماخابرني
محمد : ملتهيات
علي : اسفه ع مقاطعه بس ليش احنى هنا
عامر :علي احنى كل جمعة نلتقي نتغدة سوة
علي:من شوكت تعرفون غفران
محمد:من ايام المعهد
علي:جانت تدرس معهد؟
عامر : اي صارلنه 5سنوات نعرف بعضنه
محمد: انت شعجب وياها هاي اول مرة احد يجي وياها
علي: بلكوة اجيت جبرتها ههههههه
محمد : هههههههههههه
علي:بس سؤال شلون جانت تدرس معهد
عامر:خريجة معهد تقني قسم ادارة مكتب
غفران:كافي خلينه نتغدة
محمد :متحب احد يحجي بماضيها لهذا هيج تتصرف
دزيت رسالة بالكروب الهم كتلهم كافي تحجون مااريد احد غريب يعرف شي عني
غفران:راح اروح للحمامات
محمد :اوك ديربالج كلها تباوعلج
غفران:اوك
علي.....
خليت غفران دكوم صار عندي فضول اعرف كلشي عنها من اصدقائها
علي :جانت من زمان هيج باردة
محمد :لا بالعكس جانت الضحكة متفارقها وجانت اجتماعية بشكل ماتتصور
عامر :جانت احن وحدة بالمعهد اني جنت ادرس قسم صحة مجتمع مسائي وتعرفت عليها لان جانت حبابه كلش والكل يعرفها
علي:بس انتم تعرفكم ...وليش هيج تغيرت
محمد:لا تعرف بعد زوجاتنه هم هنا صديقاتها من المهطعهد واكو بعد تعرفهم...
عامر:منكدر نكلك اي شي اخاف تموتنه هههههههههههه
علي :محمد:هههههههههههه
محمد:احس بانك الوحيد تكدر تغيرها
علي:حاولت بس ماكو
عامر :انطينه رقمك
انطيتهم رقمي واني اردة اجت غفران
غفران:شبسرعه صرتوا اصدقاء
عامر:تعلمنه منج ههه
غفران:....ديلة بالله خلونه نتغدة وفتك من هذا
علي:مو هذا اسمي علي
محمد:اصبر شوي
جابوا الاكل وكعدنه ناكل وشوفها هواي تحجي وياهم
علي:اول مرة ادري تكدرين تحجين هواي
غفران:.....
عامر:لان تعرفنه اما الغربه متحجي بس كلمتين
محمد:ادعي الله متحجي وياك مثل قبل لان تحجي هواي هههههههههههه
غفران:محمد
محمد:اوك هههههههههههه
عامر:هسه تخلي طلقهات بروسنه وتروح اني اهلي يردوني ومرتي متريد تصير ارملة محمد:اني قبل سنه تزوجت احب مرتي خطيه تبقى وحدها
غفران:ترة مسويني مجرمة الي يسمعكم يكول كاتله اهلكم
علي:هههههههههههه
خلصنه غدة شفت غفران تباوع بتلفونها وراها وصلت رسالة للكل
علي:متحجون ليش تتراسلون
محمد:امور سرية بيها تهديد
علي :بس سوال قبل مترحون ليش لابسه اسود
عامر:لان....
غفران:عامر
علي:لان شنو
محمد:هيج تحب الاسود
علي:اهلها وين؟
غفران:موكلت بس سوال
علي:عادي اسال لان صرنه اصدقاء
محمد:طبعا نتشرف بيك
عامر:نتشرف بيك خويه
غفران:خلي تشرف بس الكم لاصديق ولاشي
علي:انتي ليش ...
غفران:يلة باي
محمد وعامر:الله وياج
علي :انتظري وصليني وياج
طلعت مارديت عليه ركبت سيارتي اول ماطلع حركت سيارة اباوعله بقى واكف يباوع لفت بالسيارة ورجعتله فتحت الجامة
غفران:اصعد
علي: مااريد
غفران: اوك
سديت الجامة مااحس اله فتح الباب وكعد بصفي
علي : ماميت عليج بس لان اجيت وياج لازم ارجع وياج
غفران: اني اشفقت عليك بس مو اله تبرر
علي ::.........
سكتت مارديت عليها لان كل مااحجي وياها كلماتها تقسى اكثر ساد الصمت والهدوء بقيت اباوع بتلفوني شوي وحس زادت سرعتها باوعت ع الطريق اشوفها تتجاوز السيارات بسرعه باوعتلها لكيتها تباوع ع المراية الامامية والجانبية
غفران......
من حركت سيارة انتبهت ع سيارة تلاحكني من طلعت من المطعم كلت يمكن نفس الطريق بدلت طريقي وفتت بالافرع وهذا اليمي مامنتبه ابد ملتهي بتلفونه رجعت ع الشارع العام كلت ضيعتهم باوعت لكيتهم وراية زدت سرعتي شفت هذا يلتفت ويباوع انتبه ع السيارة
علي :شكو صاير
غفران:مثل ماتشوف
علي :من شوكت يلاحكونة
غفران:من اول ماطلعنه من المطعم
علي :ليش ماكتيلي؟
غفران:.....
علي:تعرفيهم
غفران:كافي تسأل
علي:كافي هذا البرود مليت منج حياتج بخطر وبعدج انانية وماتحجين وياي عدل من اسالج جاوبي
علي.....
من اسالها ماتجاوب حيل ضجت منها ومن برودها حياتها بخطر وهي مامهتمة صرت عصبي وبقيت اصيح عليها باوعتلي ورجعت تباوع ع الطريق مااحس اله.......

ادعموني ب لايك وتعليق حتى اكمل القصة