أبن المحافظ

البارت12

علي.......
من وصلت غفران لبيتها وطلع ولد فتح الباب مبين صغير بس كدامة مبينه اصغر هي لان طويل هو اني من امشي وياها جنها بتي طفلة كدامي خرب جاي احجي لفت بسيارة ورحت للبيت دخلت مالكيت اهلي طالعين كبل رحت لغرفتي اويلي شكد مشتاقلها سبحت وبدلت ملابسي وطفرت ع الفراش اتصل ابو ادم يطمن علينه رديت عليه وسديت تلفون ونمت لليل يلة كعدت نزلت سلمت ع اهلي وسألوني وين جنت كتلهم ع كلشي صار بس ماكتلهم يتيمة امي ماعجبها الوضع وبقت تحجي علية من كتلها سارة وياينه يلة سكتت مني اما ابوي منطي وضع الصامت ماحجة شي تعشينه وطلعت للولد لان صارلي هواي مارايح للكلية التقيت بيهم للوحد بليل ورجعت ولتهيت العب بوبجي وية ابو ادم للاربعة الصبح نمت وكعدت ب 7بدلت وطلعت للدوام جنت واكف اني وابو ادم وسارة يم قسمنه وشفت غفران اجت خرب غير ترتاح ليش تجي للدوام كلت لسارة تروح يمها وماتتركها بقيت اباوعلها من بعيد اخاف يصير بيها شي
ابوادم:اكلت البنية بعيونك راح الطلاب ينتبهون
علي:شايف مخبلة هيج البارحة طلعت من المستشفى وتجي داوم
ابو ادم:اي عادي ترة زينه وعملية بسيطة
علي:متشوفها تعبانة
ابوادم: وين ليكون تحس بيها
علي: هاي شبيك وجهها اصفر وبلكوة تمشي
ابو ادم: رحت من ادينة يبعد اخوك
علي: كافي البنية مريضة ومحد يهتم بيها
ابوادم:وانت بصفتك شنو تريد تهتم بيها
علي:الة صفة
ابوادم:اي الة
علي:اوك
ابوادم:حاجيت اهلك ع الخطبة
علي:لابعدني
ابوادم: احسك متسرع بالخطوبة وانت بعدك متعرفها
علي:هو اني اريد اخطبها حتى اعرفها
ابو ادم:هو هذا حلك
علي: اصلا ننفصل لان هي متبقى وية واحد اكثر من شهر
ابو ادم: شدراك
علي: سالت وعرفت
ابوادم: واذا انعجبت بيها او هي نعجبت بيك
علي: ههههههه بربك اني انعجب بوحدة مثلها
ابوادم : كلشي يصير ديربالك
علي: ديلة انجب
وبقيت افتر وراها وين ماتروح اخاف توكع وهم سارة ابد ماتركتها رجعت للبيت سبحت وبدلت ونزلت لهلي
علي: يابة اريد احجي وياكم بموضوع
ابوعلي: خير ان شاء الله
علي: فكرت بكلامك واريد استقر
ام علي: بيها الخير كلللوش
ابوعلي:شعجب غيرت رائيك
علي : وحدة داخلة مخي واريدها
ام علي: اشر واني هسة اروح اخطبها
ابوعلي: تعرف اصلها فصلها اهلها منين حالتهم الاجتماعية والمادية
علي: اعرف كلشي عنها والبنية هي مكونة نفسها وعدها خير من الله
ام علي:اي كلي منو سعيدة الحظ
علي:بيتهم كدامنه يمة الي انتقلوا قبل سنتين
ام علي:اي اعرفهم
ا بوعلي:ومنين عرفتها
علي:وياي بالجامعة
ابوعلي:خوش ابحث عنها يلة اجاوبك
علي:يابة كلشي اعرف عنها ميحتاج
ابوعلي: عادي بوية واني ابحث عنها وزايدة الهير خيرين
ام علي: اشوفك مستعجل يمة
علي:اي والله اتمنى تخطبوها باجر
ابوعلي: تمام خير ان شاء الله
ام علي: غير تسالون
ابوعلي: الولد مبين عاشكها لهذا نتوكل بالله
ام علي: يمة اكلك متاكد بنية مؤدبة ليش متبطل وخطبلك من كرايبنة
علي: يمة والله البنية زينة باجر من تشوفيها راح تعرفين ليش ختاريتها
ابوعلي: اي حجيلنه عنها
علي: عيب يابة هذا عرضي ههههههه
ابوعلي : اها اشو كوم من كدامي
ام علي: ههههههه
علي:راح اطلع
ابوعلي:هو فجر قمبلتك يمنة وروح تونس
علي:هههههه انتم بعد حتاروا بس ها باجر الخميس نروح لتخربوها
ابوعلي:بعد امر خدمة من حظرتك
علي: صدك جذب اني أمر عليك
ام علي:مبين الفرحة ماواسعتك بعد روحي هيج تحبها
علي:اي يمة ههههههه
كلت بكلبي ياحب يابطيخ هو اخطبها چم شهر وننفصل بس اريد اعرفها وعرف كلشي عنها وهاي طريقة الوحيدة حتى نتعرف طلعت للولد وكعدة بكوفي شوب سوالف وضحك بس ماكتلهم باجر اخطب لان بس احجي اطش السالفة واني اريدها بالسر من راحوا الولد بقيت بس اني وابوادم
علي:اكلك باجر اروح اخطبها
ابوادم:هههههه لاتشاقة
علي:متاكل تبن باجر اروح وانت تجي وياي
ابوادم:خرب انت صدك تحجي شلون قنعت اهلك
علي:كتلهم احبها واريدهت
ابوادم:هسة تصير صدك وتعلعل مثلي
علي:لاتخاف علية مستحيل احبها
ابوادم:اذكرك بالحجي بعدين
علي:يلة نرجع
رجع كل واحد لبيته لليوم الثاني كعدت ابدل وردت اطلع ابوي صاحلي
علي:ها حجي
ابوعلي:البارحة دزيت للناس خبر  واليوم ب4نروحلهم موتتأخر
علي:ها بيها الخير  بس يابة مااريدها طش بيناتنه 
ابوعلي:ليش تريد بالسر
علي:يابة من العين والحسد وهم اخاف ع البنية
ابوعلي:متأكد هذا السبب
علي:اي متاكد
ابوعلي:تمام ابني اليوم ادزلهم خبر
علي:خير ان شاء الله
طلعت للدوام وصلت للجامعة رحت لقسمي وابوادم مااجى بعدة بقيت احجي وية مجموعة طلاب وياي بالقاعة  شفت غفران خطفت من كدامي  رحت بوراها تذكرت الدكتور كال ورة فترة فتحوي خيط العملية دكيت عليها  ماجاوبت  وصلنه للحديقة كعدت بقيت ادك وماكو اني احس راسي اشتعل من العصبية  دزيت الها رسالة كتلهة اذا ماجاوبتي والله اجي بصفج وحجي بصوت عالي ..دكيت ماجاوبت طفت بوجهي اني اعلمها ردت اروحلها واني عيوني تجدح من العصبية  بس لزمني ابوادم وشفت سارة راحت الها
ابوادم:وين رايح وليش عصبي
علي:وخر عني اريد احجي وياها
ابوادم : هاي شبيك استهدي 
علي:ولك ١٠مرات اتصل تقفله بوجهي
ابوادم:وشنو يعني متعرفها انت متحجي وية اي احد
علي:استغفرالله 
ابوادم:امشي لاتسويلنه مصيبه
علي:امشي
دخلنه القسم واخذنه محاظرات وكلت لابو ادم  اليوم نروح نشوفها ونطلبها  كتله تعال ويانه كال ميخالف نطلع سوة مومال اروح للبيت ورجعلكم لان طريق بعيد
علي:وشنو تريد تروح وياي بهاي ملابسك
ابوادم:وشبيها ملابس ولك اني لو البس مشكك اطلع اخبل
علي:دنجبي متروح وياي هيج افتهمت لو لا
ابوادم:البس من ملابس
علي: بطلت مااريدك تروح وياي
ابوادم:غصبا عليك
خلص الدوام ورجعنه لبيتي كل واحد بسيارته  دخلت للبيت اشوف عمامي موجودين  طلع ابوي محاجيهم وجاين وهاي بس نطلبها وعود اريدها سرية خرب حظي صعدنه لغرفتي وابوادم يضحك ويصنف عليه تغدينه وخلصنه وحظرنة ارواحنه ورحنالهم  دكينه الباب طلعلنه رجال جبير ولد شاب شايفه دائما وية غفران سلمنه ودخلنه بقوا يحجون ويسولفون بكلشي ماعدا الخطبة  ورة مدري شكد فتحوا الموضوع واخيراً طلبوا ايدها للزواج وكال اسالها وردلكم خبر ابوي كالهة نريد الخبر بليل حتى باجر المشية ونعقد طبعا هاي موصي ع هذا الشي طلعنه وبقينة ننتظر الخبر وصدك اجى الخبر ب9بليل امي هلهلة وباركولي وبدت تلفون ميسكت عزم بابا كرايبنه  وصدقائة بالخطبة يمكن مية واحد واني صافن عليهم اريدها سرية من امداني سويت كروب للولد كرايبي وصدقائي ماعدا اصدقاء بالكلية ماكتلهم لان يطش كتلهم باجر المشية بس بالعباس الي ينشر او يباركلي بالقنادر يصير  وصارت عركة بالشقة  وكلها راح تجي  صار الصبح واول واحد ابوادم اجى من 8 الصبح واني نايم مرتاح وهذا يكعد بية  ويسحل كعدت  غسلت وكملت وكعدنه نتريك  وخلصنه طلعنه نروح للحلاق نرتب جهرنه والولد يجون وراي وامي وية خالاتي وعماتي راحن يشترن الذهب وهداية وابوي  مااعرف وين راح يمكن عندة شغل صار الظهر وكلها تحظرت وتفقت وياهم وكتلهم نخاف ننحسد لخد ينشر كلشي يصير قنعتهم  رحنالهم مثل  الجيش زلم ونسوان والولد يصنفون ويضحكون بصوت عالي  دخلنه البيت  وبقوا يحجون وقروا الفاتحة النسوان هلهلات  وراها اجى الشيخ عقدلنه وهي ورة الباب واكفة ومن كال اصبحتم زوج وزوجة  البيت نملة جكليت وهلاهل حتى الولد هلهلو الله لاينطيهم فشلونه شغلوا ديجي  الشباب بلكوة لازمة نفسها عود ثكيلين  صاحولي البسها الحلقة والذهب دخلت  شفتها اول مرة اشوفها هيج شعرها ولابسة قصير بس فستان اسود  تذكرت كلام امي  من رجعنه من طلبناها
امي:يمة شو البنية لاتضحك لا شي وجهها بدون ملامح وفوكاها لابسة اسود
علي:هي طبيعتها هيج
امي:يمة شنو تاخذلك هيج وحدة كئيبه بطلت مااريدها
علي: يمة هي مجبورة هيج تصير
امي :شنو قصدك
ابوعلي:قصدة البنية يتيمة وهلها ميتين
علي:ها يابة موع اساس مادور وراها
ابوعلي:وانت صدكت بس هذا الحجي خالها كالي بي
امي:هسه فهموني
ابوعلي:البنية اهلها ميتين كلهم بحادث سير وباقية الوحيدة عايشة وصاير بيها حالة نفسية مدري شنو وباقية بدون مشاعر
امي:ياسودة علية  بس منو ذولي العايشة عدهم
ابوعلي:بيت خالها وخالتها مطلقة
علي:اي يمة محد عدها خطية
امي:والله نكسر خاطري عليها شلون تحملت هيج
علي:هذا الكاتبة الله
قطع تفكيري امي سحبتني وكعدتني يمها  بس شفتها مصدومة وتباوعلي  تقربت يمها وهمستلهة
علي:مبروك علينه
غفران:ليش اجيت خطبت
علي:بس انتي وافقتي
غفران:لو ادري انت مااوافق
علي:ليش محد كلج
غفران:انت من شوكت ابوك محافظ كربلاء
علي:من خلصت الانتخابات وفاز  ههععععع
امي:ولك كافي تتغزل بيها وتتمضحك لبسها الذهب وطلع
علي:ها يمة طرديني
كلها ضحكت النسوان بس مارفعت راسي ابد لبستها الذهب بس شكد لبستها امي جايبة المحل ولبسنه الخواتم وطلعت الكل رجعت بقيت اني كتلهم من رخصتكم احجي وياها  كعدنه ع الانفراد  بس اني وياها شفتها تنزع الذهب
علي:ليش نزعتي
غفران:مااريده هي فترة وننفصل
علي:اني جاي احجي وياج هيج اسمعي هو شهر شهرين وننفصل بس اريدج تمثلين خطيبتي كدام اهلي
غفران:اسمع انت هم سوالف مخطوبين وحركاتهم ممنوعه
علي:حلقات من  نكون بالجامعة ممنوعه
غفران:تدخل بشي يخصني ممنوع.
علي':مااريد اي مخلوق يعرف مخطوبين
غفران:چا ليش خاطبني
علي: لان.........
@@@@@@@@@@@

السلام عليكم
الي يكول ليش متنشرين يومية 
صراحة ماكو تفاعل ومشاهدات قليلة حتى ماكو واهس انشر بارت
اما الي يكول تسرعين الاحداث  .
اني مامسرعة الاحداث هي القصة هيج اما الاحداث كلها ورة الخطوبة  يعني القصة كلها ورة الخطوبة تصير
😊😊😊