أبن المحافظ

البارت10

شفت سارة اجت تركض وعلي اجى وكف يمي  صبت بكوب بلاستك  صغير واجت يمي ردت ارفع روحي مااكدر  حسيت ايد سارة صارت ورة ظهري وايد ثانية  رفعت راسي  حتى يرفعوني باوعت لكيتها ايد علي وراية باوعتله بس مااهتم بقت ايدة وراية لحد ماشربتني سارة الماي  ورجعت ع نومتي  بقيت اباوع ع سقف بدون مااحجي
سارة:غفران اتصلي ع احد من اهلج خلي يجي شلون تبقين وحدج
غفران:عادي
سارة:اعذريني والله اتمنى ابقى وياج بس حيل اتاخرت واهلي جاي يتصلون بيه
غفران:لا عادي براحتج
سارة:بعد روحي باجر اجي اشوفج  من رخصتكم
ابو ادم:انتظري اوصلج
علي:هاك مفتاح سيارتي وصلها ولا تجي روح ارتاح
ابو ادم:لا ارجع اجيبلك عشه وياي
علي :براحتك بس تجيبه وترجع لا تبقى هنا
ابوادم :الله كريم
علي...
طلعوا وسدوا الباب  التفت ع غفران سحبت الكرسي وخليته بصف السرير وباوعلها
غفران:شبيك
علي:بيج حيل تحجين؟
غفران:اي
علي:ليش ماكله فلفل وانتي عندج حساسية
غفران:.......
علي:جاوبي
غفران:اريد انام
علي: تلفونج يدك من العصر ليهسة جاوبي
ردت ع تلفونها انر رجعت جسمي وراسي ع الكرسي  وغمضت عيني افكر شلون اتعامل وياها  وسمعت جزء من محادثة
غفران:مااجي ....لاتدخل  ....كول لخالك  عد صديقتها  .......ماعليك ياهي بيهن.....حسبي يالله....كافي باي
علي:ليش ماكلتي لبيت خالج مريضه حتى يجوج
غفران:ميحتاج
علي: تحتاجين احد يساعدج ترة مسوية عملية
غفران:مو اول مرة لهذا متعودة وحدي
علي:ماافتهمت مسوية عملية بدون محد يدري
غفران:ماعليك
علي:الله يصبرج ياروح
غفران:ماتروح المن لازك
علي:عاجبني ابات بالمستشفى
غفران:اطلع لغير غرفة
علي:........
غفران:اطلع
علي:ماعليج
غفران:لا ترجع كلماتي عليه
ردت ارد عليها  بس  ندك الباب   كتله تفضل دخل ابو ادم
علي:ها خوية اجيت
ابوادم:وصلتها وشتريتلكم عشه واجيت
علي:تسلم
ابوادم:الله يسلمك.... ها خوية شلون صرتي
غفران:زينة  شكرا
ابوادم:لا صدك جذب هذا واجبي
علي: شايل خرزت حظ اني الي شلتها ونكسر ظهري وماكالت الي شكرا بخت
ابوادم:ديلة لاتبجي هاك كلنس
علي:لاوالحظ الفكر
غفران:شكرا لك
علي:هاااا..وياي
ابوادم :لاوياي انت شكو
غفران:احجي وياك
واشرت علية  ابتسمت الها  واخذت الاكل وطردت ابو ادم  خليته ياخذ سيارتي  فتحت الاكل جان جايب شوربة الها  دنيت الاكل يمها 
علي:يلة اكلي
غفران:مااشتهي
علي:موزين عليج لازم تاكلين
غفران:لا تلح
علي :يربي صبرني عليها
ادنيت من يمها  وكعدت ع فراش شلت شوربة بيدي  والثانية بيها خاشوكة وقربته الها 
غفران:وخر عني
علي:ديلة بس اكلي ميصير تبقين هيج
غفران:اني اكل وحدي
علي:متكدرين
غفران:مامحتاجة شفقتك انطيني اني اكل
علي:هاي شبيج ديلة هاج اكلي
انطيته الها وبقيت اباوع عليها بلكوة ترفع خاشوكة شيجيبج ياطولت البال   خلصت شوربة ونطتني جانت نظرة وحدي بعيونها وتريد تفهمني هي ماتحتاج احد   بقت تلح دكلي روح مادرتلها بال كعدت اتعشة  هي تلعب بتلفونها واني هم صارت ب11كمت سحبت تلفون من ايدها وكتلها نامي جانت نظرتها قاتله والله يمكن لوبيها حيل جا اكلتني بلسانها  مدت ايدها حتى تاخذه خليته بجيبي خلفي  حتى ماتاخذه  بقت نايمة ع سرير  اني بدون مااحس غفيت ع كرسي   ماحسيت اله ع حركة بالغرفة فزيت
علي:وين رايحة
غفران:مو شغلك
علي:شنو تحتاجين احجي
غفران:حمامات
علي:هاا...اي..هسه اصيح للسستر تساعدج
غفران:ميحتاج
علي:اكعدي ع فراشج هسه اصيحلها
رحت شبه اركض  صحت لوحدة واجت وياي  ساعدتها دخلتها للحمام وطلعتها  كعدتها ع الفراش   باوعتلي 
غفران:اريد موبايلي
علي: شكد مدمنة ع تلفون موزين عليج نامي
غفران:مااكدر انام
علي:ليش؟
غفران: هيج
علي:هسه اصيح للدكتورة
غفران:لا ميحتاج بس اسالها اكدر اخذ حبوب منوم
علي:حبوب منوم؟؟؟.....انتظري خليني اسالها وبلكي عدهم فراش انام علي  لان ظهري انكسر
لزمت ظهري وضحكتلها عود كلت بلكي تضحك باوعتلها
غفران:اني شكوتحجيلي
علي:استغفرالله
فشلتني بت الاوادم الواحد واصل للموت تغيري بروحك بس لا لازم تبقى حقيرا ومتحترم شورطني بيها  شجابي لطولت السان    اوف ..رحت سالت الدكتورة كالت ميصير موزين عليها  بس تكدر تنطيها مهدئ  حتى تنام  .....راحتلها دكتورو اني رحت لابن خالتي  دكنور هنا كتله من بعد سلام والسوالف والضحك طلبت منة مخدة وبطانية   انطاني اياهن بس متفشل كلها تباوعلي  دخلت للغرفة لكيت غفران تباوع من شافتني جانت بعيونها  نظرة ماافتهمتها حسيت زفرة الهوة بهدوء وغمضت عيونها حطيت غراضي ع الميز  وفرشت البطانية  ومتمددت نمت بسرعه لان جنت كلش تعبان  ماحسيت اله ع مخدة انظربت بيه  وسمع صوت انتظروا صوتمن هذا
غفران:اكعد
علي:شكو من الصبح
غفران: صارت ب٨ 
علي:وشنو يعني
غفران:اريد اطلع
علي:الله وياج اطلعي اريد اكمل نومتي
غفران:ميخلوني
علي:هااا....شنو طلعتي
غفران:اي
علي:ياربي  اخذ عمري....ولج بابا البارحة مسوية عملية لازم تبقين حتى يهتمون بيج
غفران:اريد ارجع
علي:ماكو شي اسمه ارجع  تصيرن زينه يلة ترجعين
غفران:......
واني احجي وياها دك ابو ادم  كلي يجي ورة المحاظرة الثانية لان مهمة هو وسارة سالني شنو احتاج  كتله اريد ملابس  اريد ابدل درت ع غفران سالتها اذا محتاجة شي كالت اريد ملابس بس لازم اسود حتى الحذاء اريدة رياضي اسود وخلي تجيبلي شال واريد....
غفران.....
اكره المستشفى وتخبل منها وهذا يكلي ابقي هنا  يارب صبرني ولاتخليني اموته  اتصل عليه هذا علي  حبيب سارة  الي افتهمته يريد يجي وطلب ملابس منه وسالني طلبت الي اريدة قبل لا اكمل
علي:شكد طلبين وليش اسود خو غير لون
غفران:شدخلك
علي :تردين بعد شي
غفران:.......
سد تلفون وبقى يلعب بتلفون
غفران:اريد موبايلي
علي:نسيت هاج موبايلج ميسكت شكد يدكون عليج
غفران:......
اخذته منه  لكيت الكل متصل بية وتفاجئت باتصال حسين والمحامي اول شي اتصل بالمحامي
غفران:الو استاذ حسين
المحامي :هلو غفران شو تصلت وماكو
غفران:جان عندي ظروف...كلي شنو صاير
المحامي: الحقيقة علمود الوالد يريد يشوفج
غفران: سد الموضوع باي
المحامي : اوك راح اسوي مثل كل مرة وهم شتريتله شغلات الي يحتاجهن
غفران:براحتك
سديت تلفون واني اغلط عليه ليش يفتح الموضوع اذا يعرف جوابي  المشكلة مااكدر ابدلة لان يفتهم علية شنو اريد ومايوم  خلاني اخسر قضية  اوف   بقيت ادور بلاسماء اتصلت ع حسين
غفران:الو العقيد حسين
حسين:هلو بيج بس ليش رسمية صيحيلي باسمي
غفران: شفتك متصل صار شي بموضوعنه
حسين:لا بس لان شي مورسمي وماكدر اطلع بسهولة
غفران:اوك بس استعجل
حسين:ان شاء الله تدللين ...اكلج غفران هم سمعتي اخبار عني
غفران:مثل شنو
حسين:هيج... يعني جنتي ناسيتني
غفران:مشغولة باي
حسين :الله وياج
سديت تلفون  ذبيت حسرة من كل كلبي  رفعت راسي باوعت هذا ماموجود شوكت طلع  بقيت اتراسل ويه البنات  وراسلني كرار هم  كلي شوكت ترجعين كتله ماادري لان مسافرة  بس ماكتله وين سكت مارد عليه  شوي ونفتح باب الغرفة  دخل وجايب الريوك وياه  خلاه ع الميز وقرب الكرسي يم الفراش
علي : يلة خلينه نتريك
غفران:مااشتهي
علي:لازم تاكلين حتى تصيرين زينه
غفران: لو اشتهي جا اكلت
علي:انتي بصراوية؟؟؟؟؟
غفران:شوكت اطلع من مستشفى
علي:دخلي العباس اريد فديوم اسالج وماتردين بسؤال  الله يساعد اهل...
غفران:لا تخاف مرتاحين مني
علي:اعتذر موقصدي
غفران:ع شنو تعتذر اهلي مسافرين فترة ويرجعون لو اني اروحلهم
ماادري ليش ابررة بس نقهرت يمكن عرف اهلي متوفين بس شلون كرهت نفسي من شفت عيونه بيها شفقة ونكسار عليه حسيت  الدنيا ضاكت عليه ونقهرت لان يعرف كلشي عني وشافني بضعفي
علي: اني اعتذرت لان طاحت الشوربة ع ملابس
غفران:هاااا
باوعت لكيت الشوربة  ع ملابسي
غفران:ادري متشوف
علي:شبيج اغسلي وتروح لاتسويها قضية،
غفران:..........
امداني فشلني شكد افتشلت نوب ابررلة اهلي وين ....اني وين جان عقلي حسبي الله 
علي:اكلي حتى امشيج بالمستشفى
غفران:خلي سستر تساعدني
علي:يشتغلن عندج غير اكو مرضة  يهتمن بيهم
غفران:انتظر سارة تجي
علي:تتاخر ولازم انتي هسه تمشي...بدون  عناد لازم هسه تاكلين لو اوكلج اني
اخذت الشوربة من ايدة بس ستغفرالله لعبت روحي مو طيبة  وماصخه مثل طعم الي تسويها الحية   حطيتها بالصينية  وكمت العب بتلفون
علي:شو مااكلتي
غفران:مااريد
علي:بلة خليني اذوقها ....يعععع استغفرالله هاي شنو  مستشفى اهلي وهيج اكلهم
غفران:شنو
علي:شنو شنو
غفران:مستشفى اهلي  منو دفع
علي:اي واني دفعت
غفران:انت منو سمحلك .....شكد كلي اني ادفعلك
علي:من طلعين من مستشفى اخذهن منج
غفران:........
اني شلون ماانتبهت هي اهلية باوعته فجاءة تذكرت سيارتي
غفران: سيارتي وين
علي:بالجامعة
غفران:والسويج؟؟
علي:بجنطتج ...وهسة يلة خليني امشيج
غفران:اكدر امشي وحدي.
رفعت نفسي بلكوة من الفراش وتكئت ع الحايط اريد امشي متحملت رجلي ماشالتني ردت اوكع حسيت ايدين حاوطتني
علي:الله انتبهي
غفران:وخر ايدك
علي :اوك
علي:........
شكد عنيدة وتضوج وع كلشي  ترد ونوب ردها لو قصف لو تذل الواحد وتهينه  انطيتها تلفون بس مو تلفوت بداله  كل شوي احد يتصل هو اني ابن محافظ ومعروف وموهلكد يتصلون اني حتى اهلي مااتصلوا  علية وصارلي يومين مارايح للبيت والله يالله  اتصلت بالمحامي وعقيد وثنينهم حسين وكلهم واصلين  ولني اكتل روحي كلش اعرف بس ملازم حظوظ  وهي تتصل  طلعت اجيب ريوك ورجع  حجيت وية دكتور كلي لازم تمشي حتى يطيب جرحها  رجعت للغرفة باوعتلي ورجعت تباوع بتلفون  حجيت وياها وريتني ماكل تبن وماحاجي جفصت تجفيص  بس الحمد الله من دارت وجهة طيحت شوربة ع ملابسة وكتلها اعتذر ع الشوربة   ومشيتها  بس الشي الي انتبهته هي بصراوية! سالتها ماردت  لبستني وفشلتني ههههه استاهل  شلت الاكل ورادت تمشي بلكوة  حاولت اساعدها بس مااكدر وهي تمشي  رادت  توكع  لزمتها من خصرها باوعتلي وشلت ايدي عنها  بقيت اباوعلها طلعت من الغرفة  بقيت امشي وراها بس همزين  اجى ابو ادم وسارة كبل اجت سارة لزمت ايدها
ابو ادم:سلام عليكم
علي:غفران:وعليكم السلام
سارة :شلونكم
علي:ادري تكملين سلامه هههههه
سارة:احنى واحد ههههه
علي:زينين خوية انتم شلونكم شعجب  من وكت اجيتم
ابو ادم :اجلوا الامتحان  وطلعنه
علي:اها الحمد الله
سارة:يلة غفران خلينة نمشي...وانتم ابقوا بعيدين عنه
علي: اها تعاركتوا
ابو ادم:يلة علي امشي
سارة:.......
غفران:امشي سارة
سارة:اوك
اول مرة غفران تصيح لبنية باسمها ومهتمة بيها لان متعاركة وية حبيبها  ....هسه خليني افتهم صاير من ابو ادم
علي:تعال يلة ادخل
ابو ادم: اجيت
علي:اي احجي شبيكم
ابو ادم:وخر عني كل مااتذكر اعصب
علي:غير افتهم شكو احجي
ابو ادم:ولك هذا الزاحف ابن الكلب لكيتها تحجي وياه وطاكيها ضحك
علي:ياهو بيهم ماعرفته
ابوادم:لك ياسر الحيوان الي بالمرحه الرابعة
علي:اي اي عرفته شكو يحجي وياها
ابو ادم: سالتها دكلي هو اجى وكف وسلم وسالني ع طالبة
علي:جا شبيك ضايجه انسى
ابو ادم:ولك محذرها بس ماتسمع الكلام
غفران......
اجو اصدقائة  بس وجهم مكلبة مدري شبيهم من لزمت ايدي  وتحجي وياة لزمتها حيل وهي تباوع ع ابوادم  طردتهم واحنى بقينه نمشي
غفران: ايدي اريدها
سارة:اسفة والله ماانتبهت
غفران:شبيج
سارة :ضايجة من هذا يغار حتى من ضلة
غفران:بس بالبداية تحجين عادي ودكولين احنى واحد
سارة:حجيتها حتى نتصالح  اشو هذا لا باوع لا شي عابتله
غفران:وع شنو عركتكم
سارة:شنو شافني احجي وية ولد
غفران:كبر وفوكاها انتي تراضي
سارة:ردت احل المشكلة  بس هو مكبر راسة ع اساس شنو كايلج هذا زاحف
غفران: ماعليج بي وتكبري عليه لان انتي مامسوية شي خارج خطأ هو لازم يعتذر
سارة:اي والله اني اعلمه.....اكلج تذكرت  جبتلج ملابس اسود بس من ملابسي عادي
غفران:اي عادي
سارة :تعالي نرجع حتى تبدلين
غفران:اوك
علي.....
بدلت ملابسي وخلصت كعدت احجي وية ابو ادم صح من حقة بس مو مال يتعاركون  غبي ميفتهم يتصرف والبنية حاولت وياة بس هو معاند.چنة تيس  واني احجي وية ابو ادم دخلن البنات بلا كلام اخر شي غفران حجت  وطلعتنه تريد تبدل  طلعنه للحديقة كعدنه وفهم بي
........
غفران:سارة ملابس طوال
سارة :غير انتي كصيرة واني طويلة شسوي
غفران:امري لله
بنطرون ومانتو قصير فوك الركبة لبستهنن كفيت البنطرون من جوة وعدلته  ومانتو شوي عريض همزين عندي حزام احطها بالجنطة طلعته وعدلت مانتو وخليت بي كسرات وعدلته ولبست شال جان شال تركي سويته هم ع طريقة التركية  كعدتني ع الفراش،
سارة : عادي اكلج شغلة بس مو تزعلين
غفران:عادي
سارة: ...صراحة جنت اعتقد انتي مغرورة لان ماتحجين ويه احد
غفران:......
سارة:بس طلعتي حبابة صح ماكو اي تعبير بوجهج بس مبينه حبابة
غفران:شكرا
سارة :لا تشكريني احنى صديقات
غفران:منو كلج
سارة:اني كلت وراح الزك بيج لزك
غفران:براحتج
واحنى نحجي دخلوا الولد سارة وعلي الثاني تجنبوا يباوعون واحد للثاني  اني ضجت اكره هيج حركات اطفال لو يتعاركون لو يتصالحون  باوعت ع علي مبين نفس تفكيري
غفران:علي تعال طلعني للحديقة
سارة:اني اخذج
غفران:مااريدج
ابو ادم:خيتي اخذيها وياج هي بنية وترتاحين وياها
سارة:اطردني بعد
ابو ادم:استغفرالله
علي:اهووو شو وخروا خلوني اخذ البنية تعبتوا نفسيتها
غفران:ادري اني مريضة وتتعاركون يمي
طلعني علي بس لازم بس ملابس ماوصلت ايدي جسمي  وطلعت المفتاح بدون ماينتبوهن وقفلته
علي:شسوين
غفران:خليهم يتصالحون ويفكونها
علي:بس ميصير وحدهم
غفران:لا تخاف ميصير شي شوي ونرجع
علي:اوك بس اوكفي شوي
دنكت ع حذائها جان رياضي وماسادة القيطان لان طلعنه بسرعة شديتهن الها فاتن ممرضات من يمنه سمعتهن يكولن هنيالها وفدوة يخبلون سوة
غفران:كوم
علي:هاي هي خلصت تعالي نطلع
نزلنه بالمصعد  وكعدنة بالحديقة بقت تباوع ع السماء اباوعلها شكد متحملة هموم  ...وتشوي روحها مامهتمة باحد وماعدها كلب بس تساعد الناس  عرفت تريد تساعد سارة حتى تصالح وية ابو ادم ردت افتح سالفه وياها
علي:عرفتي منو يلاحقج
غفران:عن قريب
علي:اذا عرفتي شنو تسوين
غفران:ما ادري
علي:اكدر اسال سوال
غفران:صارلك ساعه شنو تسوي
علي:ههههههه قصدي سوال شخصي
غفران:عادي
علي:اذا احد تقدملج توافقين
غفران:اي عادي
علي:شنو المواصفات الي ترديها
غفران:ماادري لان بكل الاحوال راح ننفصل
علي:ليش
غفران:يلة نصعد اكيد تصالحوا
علي:ليش تتهربين
مشت كدامي وسندتها مثل مساع ورجعنه للغرفة فتحنه الباب لكينه سارة وابو ادم واكفين
علي:بشروا تصالحتوا لو لا
ابو ادم:صدك جذب غير اموت اذا ازعل عليها
سارة:......
غفران: يلة كل واحد ع بيته اريد انام
سارة:ابقى يمج للعصر ورجع لان مااكدر ابات
علي :زين راح نروح بشغلة اني وابو ادم شوي ونرجع
ابو ادم:شكو ليش
علي:اسكت وتعال
ابو ادم:سارة ديربالج ع نفسج واذا صار شي اتصلي بيه
سارة:تمام ديربالك ع نفسك