في صباح اليوم التالي....
استيقظت بروج من نومها باكراً كانت اعدت حقائب السفر مسبقاً.... فإتجهت الي المرحاض و حظت بحمام منعش... اتجهت الي طاولة الزينة بعد ان خرجت من المرحاض و جففت شعرها ثم اتجهت لغرفة الملابس و ارتدت بنطال اسود جينز وتيشرت اسود مرسوع عليه جمجمة بالون الابيض وبعض الكتابات بنفس اللون.... ثم ارتد جاكيت جلد اسود ثم انتعلت حزاء رياضي ابيض....
قامت بتمشيط شعرها ورفعته كحكة عشوائية وتمردت بعض الخصلات علي وجهها فجعلت منها لوحة مرسومة بشكل رائع......
....اخذت حقائبها و حقيبة يدها الصغيرة و اتجهت للاسفل وضعتهم امام باب الفيلا ثم اتجهت لغرفة الطعام وجلست علي المائدة بعد ان القت عليهم التحية بعد ان انتهوا من تناول الافطار في صمت تاااام....
تشدقت بروج قائلة : احم... انا مضطرة امشي دلوقتي....
ثم اتجهت الي والدها وارتمت بأحضانه فتلقفها و احتضنها بشدة وقال : خالي بالك من نفسك... وانا علي طول معاكي....
فبلت وجنتيه وقالت : هتوحشني اوي اوي يا بابي...
تركته وارتمت بأحضان والدتها واخذت تنتحب وتقول : هتوحشيني اوي يا بروج....
لم تستطع بروج التماسك اكثر من ذلك فهبطت دموعها بصمت هي الاخري....
فقال محمد ببعض الحدة ليسيطر علي حالة الحزن التي اجتاحت الجو : خلاص بقا يا مايسة مينفعش كدا... اي يا بروج يلا سلمي علي يام ...
....ابتعدوا عن بعض و اتجهت الي يام وارتمت بأحضانه وقالت : هتوحشني اوي يا يام...
يام بحنية اخوية : وانتي كمان يا زقردة .... مش هلافي حد اناكف فيه.... بس مش مشكلة هتصل عليكي وبردو هرخم عليكي....
بروج وهي تقبل وجنتيه : وانا راضية ومرتاحة....
...التفتت ونظرت لهم نظرة شاملة و قالت : اشوف وشكوا علي خير....
...واتجهت الي باب الفيلا وخرجت و توجهت الي سيارتها وتأكدت ان الحارس وضع الحقائب في شنطة السيارة ثم اتجهت الي موضع السائق و ركبت ثم انطلقت ولم تلتفت خلفها حتي لا تراهم واقفين يودعونها ستضعف و تظل معهم مهما حدث....
........................................
بعد مرور ساعات طويلة.... ووصلت علي مشارف النجع....
سألت احداهم علي سرايا العمدة فدلوها... ادارت المقود واتجهت حيث ارشدتها السيدة المسنة.....
صفت السيارة. خارج السرايا واتجهت للحارس....
بروج : لو سمحت انا عايزة العمدة...
الحارس : اجوله مين يا بتي...
بروج : قوله الدكتورة بروج محمد ابراهيم...
الحارس : طيب اتفضلي....
دلفت معه مروراً بالحديقة المليئة بالورود من جميع الاشكال والالوان... وصلوا الي البوابة الداخلية... قرع الحارس الجرس سرعان ما طلت منه الخادمة وقالت : ايوه...
بروج : حضرت العمدة موجود...
الخادمة : اتفضلي با بتي علي ما اديله خبر ان حضرتك موچودة... بدس عدم المواخذة يعني انتي مين...
بروج : قوليله الدكتور بروج محمد ابراهيم...
الخادمة : طيب اتفضلي اجعدي علي ما اعرفه...
....ذهبت الخادمة و جلست بروج حوالي خمس دقائق اتت الخادمة ومعها عصير برتقال منعش وضعته امام بروج وانصرفت... دخل بيبرس بهيبته المعهودة وطلته التي تتدفق وسامة بجلبابه الصعيدي و العمة البيضاء الناصعة البياض....
رفع بيبرس عينيه لتستقر علي من تجلس هناك.... تسمر مكانه من الصدمة....
رفعت بروج نظرها الي المدعو العمدة وجدته يقف في حالة تيبس....
بروج بإستغراب : حضرتك العمدة...
افاق من شروده علي صوتها وقال بوقار : ايوه يا داكتورة... انتي الداكتورة الي هتتدرب حدانا اهنه صُح....
ابتسمت بروج بخفة وقالت : صُح يا حضرت العمدة....
جلس بيبرس في مقابلتها وقال : تُمام جوي... انتي دلوجت في شجة صغيرة جمب الفيلا الي چار السرايا فاضية و شرحة و برحة.... هتفضلي فيها و انتي حداكي عربية...
ردت بروج : ايوا معايا عربيتي....
بيبرس : ماشي هبعت امعاكي ولد عمي لچل يوصلك المركز بكرة ان شاء الله.... وهتشوفي هناك الداكتور الي هيكون مشرف اعليكي وتجوليلي لچل اوصيه عليكي تمام.... مش انتي بنت اللواء محمد ابراهيم بردو...
بروج بفخر : بالظبط كدا...
بيبرس : والدك ده اتعملت معاه جبل سابج راچل كبرة ربنا يديه الصحة وطولة العمر....
بروج بإبتهال : ياارب...
بيبرس : دلوجت الحارس الي بره هيوصلك الشُجة بتاعتك لچل ترتاحي شوي من تعب السفر ولو احتچتي حاچة رقمي اهه... اخرج لها ورقة مدون بها رقمه وقال : اتصلي علي ولو عزتي حاچة هتلاجيني حداكي طوالي او حد من طرفي... تمام...
ردت بإبتسامة ودودة : تسلم يا عمدة....
بيبرس : انتي كيف اختي تجدري تجولي بيبرس بس....
بروج : لا طبعا المقامات محفوظة.....
بيبرس : تمام تجدري تتفضلي دلوجت....
........استأذنت و ذهبت الي خارجاً اما هو ظل مكانه شاوداً....مر بعض الوقت الي ان افاق مش شروده علي صوت ورد وهي تقول : بيبرس مالك فيك اي...
بيبرس :مفيش يا وردتي... شوية مشاكل في الشغل بس...
ورد بعدم اقتناع : بس اكده...
بيبرس : ايوه يا ستي.... بجولك اي... انا عايز نتلم كلنا ونتعشوا سوي النهاردة اي رأيك...
ورد : موافجة يا حبيبي....
بيبرس :تُمام اكده... وصي الخدم بجا....
صمت ثواني ثم قال : النهاردة چت طالبة من مُصر و هتتدرب اهنه في المركز... اعزمها معانا ولا انتي رأيك اي...
ورد بسرعة وتلقائية : طبعاً اعزمها هي هتلاجيها راهبة اهنه و خايفة خلينا احنا في ضهرها...
ابتسم بيبرس علي صفاء قلب رفيقة دربه وقال : ربنا يخليلي جلبك الطيب الطاهر ده...
................................
في مكان اخر....
سمية: اي عايزة التنفيذ يكون النهاردة امي چاتلي اخبار من السرايا ان هما متچمعين كلاتهم انهاردة....
الشخص : ماشي بس لو ما صابتش المرادي معدش هيكون ليكي كلام اني ما نجصش وچع دماغ عاد...
سمية :ان شاء الله هتصيب....
الشخص : هنشوف... يا خبر بفلوس بليل هيكون ابلاش....
ضحكت سمية ضحكة خبيثة وهي تقول في خلدها :هانت... انتجامي جريب... جريب جوي...
