اتجهت مسرعة الي حجرته... وقفت امام الباب بضع ثواني.... ثم اخذت نفس عميق لتهدئه دقات قلبها التي اعلنت عليها التمرد....
ثم تشجعت ودقت الباب دقات خفيفة سمعته من بعدها يأمر من بالخارج بالدخول....
دخلت بخطوات بطيئة ثم تشدقت قائلة : السلام عليكم...
رد بإقتطاب : وعليكم السلام....
تجاهلت انه لا يريد الرد ورد بإقتطاب واتجهت الي كرسي موضوع في زاوية الغرفة وحملته و وضعته علي بعد مناسب بينه وبين فراش بيبرس وجلست عليه.... اخذت تفرك كفيها ببعضهم في توتر.... فلاحظ بيبرس ذلك فقال : ممكن تخرچي و تهمليني لحالي شوي....
ردت بإندفاع غاضب : لااه...
نظر لها بإستغراب فأكملت : لميتي هتنك متچاهلني كني هوا اكده.... انت يوميها سألت سؤال ورديت علي حالك... مستنتش حتي تعرف انا مش عايزاك تحبني ليه....
ظل بيبرس صامت لم يحرك ساكناً فأكملت : انت متعرفش انا چرالي اي.... متعرفش اتعرضت لايه....
نظر لها بيبرس بقلق : اي حُصل يا ورد.... جوليلي... حد اتعرضلك.... حد عمل فيكي حاچة.... ردي متوچعيش جلبي عليكي اكتر من اكده....
....نظرت له ودموعها تنساب بغزارة علي محياها فقالت بضعف : اعزورني.... سامحني.... انا مينفعش اكون ليك... هتموتكوا كلكوا... وانا مجدرش علي اكده... مجدرش اشوفكوا بتموتوا جدام عنيه وانا اكون السبب... سامحني وابعد عني وربنا ان شاء الله هيبعتلك الي تستاهلك.... انا منفعكش منفعكش.... انت مفكر اني بكره وچودك في حياتي!!! لاه ورحمة ابوي لاه.... اني بعتبرك سندي في الدنيا بعد ربنا سبحانه وتعالي.... وعارفة ومتوكده ان لو چرالي حاجة هتجف جمبي اني وامي ومعنديش شك واصل.... بس دا مش بالساهل... هيكون فيها حياتكوا.... حياتكوا يا بيبرس حياتكوا.....
ثم وضعت رأسها بين كفيها وظلت تردد (فيها حياتكوا يا بيبرس... فيها حياتكوا).....
هنا انتفض بيبرس من السرير وذهب الي مكانها و ركع علي ركبتيه امامها وامسك يديها بين كفيه العريضين بعد ان ابعدهم عن رأسها...
قال والقلق ينهش قلبه نهشاً : فيكي اي يا عمر بيبرس....جوليلي يا جلبي.... اي الي انتي بتتكلمي عنيه ده.... جوليلي وفضفضي يا ورد جولي...
....نظرت له بعيون خائفة و زائغة وقالت بخفوت وهمس سمعه هو فقط : اني خايفة يا بيبرس... اني خايفة....
...تمني هو في هذه اللحظة ان يخبئها بين ثنايا قلبه و يطمئنها بوجوده بجوارها ولكن هذا غير مسموح للاسف... فقال مطمئناً اياها : متخافيش يا حبة الجلب... متخافيش يا ضي عيوني التنين... جوليلي في اي بس... جولي متحرجيش جلبي اكتر من اكتر ابوس يدك... ابوس يدك...
....نظرت له وقالت بخوف : اني هجولك لكن بالله عليك بحلفك بالله الي اغلي من كل الكون ده متجول لحد احب علي يدك الكلام ده ميطلع من بيناتنا اهنه...
..رد بيبرس بسرعة : متخافيش متخافيش واصل.. مهجولش لحد بس جولي....
...اخذت نفساً عميقاً ثم تشدقت قائلة : في يوم من حوالي تلت او اربع سنين اكده كنت راچعة من برا... وبدور اعليك.... رُحت سألت الحاچة سمية عنيك لجيتها بتبصلي كنها عايزة تحرجني حية... وجامت مرة واحدة منفوضة واجفة جصادي و مسكتني من يدي وجرجرتني وراها علي اوضتها وجفلت الباب بالمفتاح واول ما لفت لي جامت رافعة يدها ونزلتها علي وشي... ضربتني جلم واتنين وتلاتة وعشرة لحد ما منخيري و حنكي طرشوا دم.... وجعت علي الارض وجولت ليها بتعملي فيا اكده ليه....
ردت وجالتلي كلام في حياتي ماهنسي حرف منيه جالت : ورب الكون الي بيتهزله سبع سماوات لو ما بعدتي عن بيبرس ياورد الشوك انتي لكون جاتلة بيبرس وامك وجتلاكي انتي كومان و هتويكوا ومحدش هيعرف ليكوا طريج چره واصل.....
رديت عليها وجولتلها : بس بيبرس بيحبني وانا كومان بحبه....
جامت راحت چري وفتحت دوچ الكومود.... وخرچت منيه سكينة وجت عليا و وووو...
.....وهنا انهارت ورد من البكاء ولم تستطع الاكمال... فنظر لها بيبرس وقال : كملي يا ورد... عملت فيكي اي.... جولي.....
.....نظرت له بعيون مليئة بالدموع وقامت بالكشف عن ساعديها الذي حين رأهما انتفض واقفاً وابتعد عنها بخطوتين.... فقد كانوا مليئين الفتوح ومكان السكينة غائر بهم وعلامات منتشره علي طول ساعديها وهناك خط بالطول علي طول ساعدها الايمن....
فعاد وچثي علي ركبتيه امامها مرة اخري واخذ يبكي ويمسح علي يديها ويردد : انا السبب... سامحيني.... كل ده متحملاه لحالك...
اني اسف اني اسف....
....قالت : انا مهمنيش نفسي... لما هددتني وجالت انها هتجتلني والله ما شغل بالي غيرك انت وامي... عمري ما اكون السبب في اي حاچة شينة تحصل ليكوا... انتوا الي ليا... والله انتوا الي ليا....
....وقف بيبرس وهتف : وربي الي خلج الخلج لهندمك يا سمية الكلب... انتي حيا وسمك طال الكل... بس وديني لاندمك... وديني لاندمك....
********************
(يتبع... )
تفاعل يا جماعة فوت و كومنت بليز....
سلام...
الي اللقاء الي فصل جديد ان شاء الله
